Өнөөдөр гадаа 3 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Гуравдугаар сарын 13-ны өдөр
Өглөөд заавал мэдэж байх ёстой зүйлүүд:
- Өнөөдөр жилийн 72 дахь (өндөр жил бол 73 дэх) өдөр юм. Мөн он дуустал 293 өдөр үлдэж байна.
- Улаанбаатарт цаг агаар өдөртөө 7 градус дулаан, шөнөдөө 17 градус хүйтэн байх нь ээ.
- Билгийн тооллын 21, Сугар. Онгоц одтой, цагаан морь өдөр. Өдрийн наран 7 цаг 10 минутад мандан, 18 цаг 53 минутад жаргана. Тухайн өдөр бар, нохой жилтнээ аливаа үйлийг хийхэд эерэг сайн. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба гарагийг тахих, тангараг тавихад сайн. Гэр бүрэх, хэрүүл тэмцэл хийх, улаа гаргах, хиншүү хярвас гаргах, хүүхэд хөлд оруулахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулахад тохиромжгүй.
- Манай улсын голлох валют болох ам.долларын ханш авах нь 3531.00, зарах нь 3534.00 төгрөгтэй тэнцэж байгаа бол бусад валют болох рубль авах нь 45.20, зарах нь 45.90, юанийн авах ханш 509.00, зарах нь 512.00, вонын авах нь 2.69, зарах нь 2.72 төгрөгтэй тэнцэж байна.
Өнөөдөр болох онцлох үйл явдлууд:
- 09.00 цагт: ХЗДХЯ-нд: “Шүүх шинжилгээний хууль” шинэчлэгдэн хэрэгжиж буйтай холбоотойгоор “Хүний амь нас, эрүүл мэнд, сэтгэцэд учирсан хор уршиг, хохирлын үнэлгээ” сэдэвт сургалтыг Монгол, БНСУ-ын мэргэжилтнүүд зохион байгуулна. Утас:8005-8886.
- 09.00 цагт: МҮХАҮТ-нд: СЗХ-ноос ТОП-100 ААН-үүд хөрөнгийн зах зээлээр дамжуулан “Санхүүжилт татах боломж, тогтвортой санхүү болон ногоон бонд” хэлэлцүүлгийг зохион байгуулна. Хэлэлцүүлэгт ТОП ААН-үүдийн төлөөлөл оролцоно. Утас: 9119-7636
- 09.00 Төрийн ордонд: Монгол Улсын Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явцыг хянан шалгах Түр хорооноос нотлох баримтыг шинжлэн судлах гурав дахь ээлжит сонсголыг эхлүүлнэ.
- 10.00 цагт: ЗХЖШ-аас "Монгол цэргийн өдөр", Зэвсэгт хүчний 102 жилийн ойд зориулсан "Дайчин алдрын замаар" 12 км-ын явган аяллыг Үндэсний Батлан хамгаалахын Их сургуулиас Хужирбулангийн чиглэлд зохион байгуулна.
- 11.00 цагт Зууны мэдээллийн төвд Баян-Өлгий аймгийн малчид мэдээлэл хийнэ.
- 11.30 цагт: Монголын Хүүхдийн ордон: “Мэлхий гүнж” хүүхдийн театрын жүжгийн талаар хэвлэлийн бага хурал зарлажээ. Утас: 8030-3303, 8616-7066 11-333-666.
Энэ өдөр дэлхийн түүхэнд:
- 624 - Арабын хаан Мухаммад болон Меккагын Кураишийн шинэ дагагчдын хооронд болсон тулаанд Арабчууд ялжээ. Ингэснээр Баруун Араб бүхэлдээ арабчуудын мэдэлд шилжсэн юм.
- 874 - Константинополь хотын Ариун дагагчдын сүмд Гэгээн Ницефорын ясыг байршуулж, онголжээ.
- 1567 - Англи Францын нэгдсэн хүч болон Испанийн хооронд өрнөсөн 80 жилийн дайн Оостервийлийн тулаанаар эхлэв.
- 1639 - Харвардын коллеж Английн санваартан Жон Харвардын нэрээр нэрлэгджээ.
- 1697 - Маяачуудын мэдлийн сүүлийн хот Нойпетен Испанийн эзлэн түрэмгийлэгчдэд ялагдав.
- 1781 - Аугаа одон оронч Уиллиам Хершель Уранус гарагыг нээжээ.
- 1809 - Шведийн хаан IV Густаф Адольф төрийн эргэлтийн улмаас эрх мэдлээсээ татгалзав.
- 1845 - Германы хөгжмийн зохиолч Феликс Менделссоны туурвисан хийлийн концерт Лайпцик хотын тайзнаа тоглогдов. Түүний концертыг Фердинанд Давид гоцложээ.
- 1862 - Америкийн иргэний дайн: АНУ-ын холбооны засгийн газар холбооны армийн оффицеруудад нийт нутаг дэвсгэрийн хэмжээнд боолын худалдаанд хяналт тавих шийдвэр гаргажээ.
- 1865 - Америкийн иргэний дайн: Эх газрын Америк цэрэгт хар арьстануудыг татахыг зөвшөөрөв.
- 1881 - Оросын хаан II Александер ордныхоо ойролцоо алагджээ.
- 1884 - Хартумын бүслэлт эхлэв.
- 1921 - Хиагт хотноо Монголын цэрэг, ардын төлөөлөгчдийн их хурал хуралдаж Ардын түр засгийн газрыг байгуулахаар болжээ. Хурлын төлөөлөгчид "Монгол ардын засгийн хэргийг бүгд түр захиран шийтгэх газар" гэж нэрийдхээр болсон байна.
