Өнөөдөр гадаа 13 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Гуравдугаар сарын 09-ны өдөр
Өглөөд заавал мэдэж байх ёстой зүйлүүд:
1. Өнөөдөр бол жилийн 68 дахь өдөр бөгөөд он дуусахад 297 хоног үлдлээ.
2. Цаг агаар өдөртөө 13 градус хүйтэн бол шөнөдөө -11 градус хүйтэн байх нь ээ.
3. Билгийн тооллын 17, Тугчин одтой, улаан бар өдөр. Тухайн өдөр морь жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, бизнэс эхлэх, цар ихтэй үйлийг эхлэх, бясалгал хийх, доодсыг асран өглөг, хандив өргөх, хараал, жатхыг буцаах, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, бомбын үйл, бэрийн үйлд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулахад тохиромжгүй
4. Манай улсын голлох валют болох ам.долларын ханш авах нь 3531.00, зарах нь 3534.00 төгрөгтэй тэнцэж байгаа бол бусад валют болох рубль авах нь 45.20, зарах нь 45.90, юанийн авах ханш 509.00, зарах нь 512.00, вонын авах нь 2.69, зарах нь 2.72 төгрөгтэй тэнцэж байна.
Өнөөдөр болох онцлох үйл явдлууд:
10.00 цагт МУИС-ийн номын санд: ХХОАТ-ын тухай хуулийн "Татварын хөтөч" цуврал номын нээлт болно. Утас: 9910-0719, 9529-0020, 8080-6689.
"Зууны мэдээ" сонины Үндэсний мэдээллийн төвд:
11.00 цагт "Иргэн бол хүч" залуусын санаачлагаас УИХ-ын хаврын чуулганаар хэлэлцэх хуулиудын талаар УИХ-д шаардлага хүргүүлж байна.
11:30 цагт “Монгол-Хятадын бизнес эрхлэгчдийн хөрөнгө оруулалтын форум”-ын талаар МЗХ, БНХАУ-ын хөрөнгө оруулагчдын төлөөлөл мэдээлнэ. Энэ сарын 16-18-нд болох форумд БНХАУ-ын 200 орчим бизнес эрхлэгч оролцоно.
11.00 цагт АН ээлжит 4/11 мэдээллийн цагаар Монгол Улс ардчилал, хүний эрхийн үзүүлэлтээр олон байр ухарч, хүний эрхийн ноцтой зөрчлүүд гарч буй талаар мэдээлнэ. Мөн Улсын Дээд шүүхийн Захиргааны хэргийн танхимын нийт шүүгчдийн хуралдаанаас Л.Гантөмөр нарт “АН-ын гэрчилгээг дахин олгох боломжгүй” хэмээн шийдвэрлэсэн талаар мэдээлэл хийнэ.
12.00 цагт нийслэлийн Хан-Уул дүүргийн 20-р хороо, арьс ширний аж үйлдвэрийн бүсэд байрлах “Баянгонгор” ХХК-ийн ноос угаах үйлдвэрийн байранд: Чех улсын ЭСЯ, Чехийн Хөгжлийн хамтын ажиллагааны байгууллагаас Монголын Арьс ширний үйлдвэрлэлийн холбоотой хамтын ажиллагааны гэрээнд гарын үсэг зурж, ноос боловсруулах үйлдвэрлэлийн бохир ус цэвэрлэх технологи хүлээлгэн өгнө. Чех улсын Элчин сайд Ян Вытопил болон албаны бусад хүмүүс оролцоно.
Энэ өдөр дэлхийн түүхэнд:
- МЭӨ 141 - Хятадын Хан гүрний хаан ширээнд Лиу Че суужээ. Насан эцэслэсний дараа түүнийг Хан гүрний хаан Вү гэж нэрлэсэн байна.
- 1276 - Германы Аугсбург хот өөрийгөө хаант хот улс хэмээн зарлажээ.
- 1566 - Шотландын хатан хаан Меригийн хувийн нарийн бичиг Девид Риззио Эдинбургийн Холирүүдхаус ордны ойролцоо хүний гарт амиа алдав.
- 1796 - Францын хаан Наполеон Бонапарт анхны эхнэр болох Жозефин де Бүхернетэй гэрлэжээ.
- 1831 - Фрацнын хаан Луй Филипп Францын гадаадын легионуудын ангийг байгуулж, Алжирын дайнд оролцуулав.
- 1842 - Алдарт хөгжмийн зохиолч Жузеппе Вердигийн гуравдугаар дуурь болох "Набүкко" Милан хотноо анх удаа тайзнаа тавигджээ. Үүнээс хойш түүнийг оршин буй цагийнхаа Италийн хамгийн хүндтэй хөгжмийн зохиолч гэх болсон юм.
- Америкийн Калифорни мужийн Ранчо орчимд анх удаа алт илрэв. Энэ явдлаас зургаан жилийн дараа Калифорнийн алтны халуурал эхэлсэн билээ.
- 1847 - Мексик-Америкийн дайн: АНУ-ын цэргийн хүч Мексикийн Веракруз хотыг бүслэв.
- 1896 - Адвагын тулаанд ялагдал хүлээсний дараа Италийн ерөнхий сайд Франческо Криспи өөрийн хүсэлтээр албан тушаалаа өгчээ.
- 1908 - Италийн алдарт дөрвөн хөлбөмбөгийн клубын нэг Интер Милан клуб байгуулагдав.
