Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Гуравдугаар сарын 6-ны өдөр
Өглөөд заавал мэдэж байх ёстой зүйлүүд:
1. Өнөөдөр бол жилийн 65 дахь өдөр бөгөөд он дуусахад 300 хоног үлдлээ.
2. Цаг агаар өдөртөө 9 хэмийн дулаан бол шөнөдөө -5 хэм хүйтэн байх нь ээ.
3. Билгийн тооллын 14, Их морь одтой, харагчин гахай өдөр. Тухайн өдөр хонь, туулай жилтнээ аливаа үйлийг хийхэд эерэг сайн. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, нялхсын хурим хийх, сүм дуганыг сэргээх, огторгуйн үүдийг боох, их хүмүүнтэй уулзахад сайн. Газар ухах, худаг гаргах, гөлөг тэжээх, балгадын суурь тавих, нохой худалдан авахад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод зүүн хойш мөрөө гаргавал зохистой. Ичигсэд хөдлөх (4 ц 27 м) өдөр. Үс шинээр үргээлгэх буюу засуулбал эд, мал арвидна.
4. Манай улсын голлох валют болох ам.долларын авах ханш 3531.00, зарах нь 3534.00 төгрөгтэй тэнцэж байна. Энэ өдөр рублийн авах үнэ 45.90, зарах нь 46.30, юанийн авах үнэ 511.50, зарах нь 513.00, вонын ханш авах нь 2.71, зарах нь 2.73 төгрөг байна.
Өнөөдөр болох онцлох үйл явдлууд:
- 11:00 цагт:ХААН банканд: Хог хаягдлыг дахин ашиглах цогц үйл ажиллагааны нээлт болно.
- 11:30 цагт: Тусгаар тогтнолын ордонд: Социал Демократ Монголын Залуучуудын холбооны ерөнхийлөгч Н.Учралын санаачилгаар зохион байгуулж буй Сургагч багш бэлтгэх, 21 аймаг, 9 дүүргийн гишүүд дэмжигчдиг чавахжуулах "Training of Trainer" хөтөлбөрийн нээлт болно. Утас 9910-3830.
- 11:00 цагт: УБТЗ-ын Соёлын ордонд: МСНЭ-ийн салбар зөвлөлийн тэргүүн нарыг батламжлах хариуцлагын гэрээнд гарын үсэг зурах ёслол болно
- 12:00 цагт: Монгол Улсад Үндэсний сэтгүүл зүй үүсч хөгжсөний түүхт 110 жилийн ойн баярын ажиллагаа болно.
- 12:00 цагт: МҮЭ-ийн холбооноос Олон Улсын эмэгтэйчүүдийн эрхийг хамгаалах өдөр Мартын-8-ныг угтан “Эмэгтэйчүүдийн хөгжил, хөдөлмөр эрхлэлтэд ҮЭ-ийн оролцоо” сэдэвт Үндэсний чуулган зохион байгуулна. Утас: 9914-9240, 9511-5380
- 13:00 цагт: Монгол Улс, БНХАУ-ын бизнес эрхлэгчдийн форумын талаар МЗХ-ны ерөнхийлөгч Б.Сэргэлэнбаатар мэдээлнэ. Утас: 9009-9598.
Энэ өдөр дэлхийн түүхэнд:
- МЭӨ 12 - Ромын эзэнт гүрний хаан Августус нэрээ Понтифекс Максимус болгон өөрчлөхөөр болжээ.
- 845 - Самарра хотод 42 мөргөлчийг цаазаар авав.
- 1204 - Английн Жон хааны удирдсан цэрэг Францын хаан II Филип Августусын армийг бут ниргэв. Ингэснээр Франц улс Норманди дахь хяналтаа алджээ.
- 1521 - Гуам улсыг Фердинанд Магеллан илрүүлэв.
- 1665 - Эзэн хааны нийгэмлэгийн анхны нарийн бичгийн дарга Хенри Олденбург "Эзэн хааны нийгэмлэгийн философийн өөрчлөлт" бүтээлээ хэвлүүлжээ.
- 1820 - Миссури муж АНУ-ын Ерөнхийлөгч Жеймс Монротой харилцан ойлголцлын санамж бичиг зурснаар бүс нутгийнхаа хэмжээнд боолын худалдааг хориглосон байна.
- 1834 - Канадын Торонто хотыг байгуулж эхэлжээ.
- 1836 - Техасын хувьсгал: Техасын хувьсгалын төлөө тэмцэгч 187 тэмцэгчийг Мексикийн 3,000 цэрэг 13 хоног бүслэлтэд оруулсын эцэст удирдагчдыг нь хороосноор бослого дарагдав.
- 1869 - Алдарт эрдэмтэн Дмитрий Менделеев Оросын химийн хүрээлэнд үелэх системээ анх удаа танилцуулжээ.
- 1882 - Сербийн хаант улс дахин байгуулагджээ.
- 1899 - Баейр эмийн үйлдвэр "Аспирин" эмийг худалдаалах эрхийг авав.
- 1902 - Испанийн эзэн хааны "Реал Мадрид" хөлбөмбөгийн клуб байгуулагджээ.
- 1912 - Итали-Туркийн дайн: Италийн арми дайнд анх удаа нисэх онгоц ашиглаж эхэлжээ. Тэд Туркийн Жанзур мужийг бөмбөгдсөн юм.
- 1913 - Монгол Улсад “Шинэ толь хэмээх бичиг” сонин анх удаа хэвлэгдэв. Үүнээс Монголын орчин цагийн сэтгүүл зүй үүсч хөгжсөн гэж үздэг.
- 1921 - Монгол Ардын Засгийн газраас Хиагтыг чөлөөлөх шийдвэр гарч, цэргийн штабаас байлдааны төлөвлөгөөг боловсруулав.
- Португалийн коммунист нам байгуулагджээ.
- 1930 - Олон улсын ажилгүйдлийн өдрийг тэмдэглэхтэй холбогдож Коминтерн эсэргүүцэл өрнүүлж эхлэв.
- 1945 - Дэлхийн хоёрдугаар дайн: Америкийн цэргүүд Кёльн хотыг эзлэв
- Дэлхийн хоёрдугаар дайн: Нацистийн Германы сүүлийн цэргийн ажиллагаа болох "Сэргэсэн Хавар" ажиллагаа эхэлжээ.
- 1946 - Вьетнамын эрх чөлөөний удирдагч Хо Ши Мин Францын удирдлагуудтай автономи эрхтэй болгох талаар тохиролцоонд хүрэв.
- 1953 - ЗХУ-н Коммунист намын ерөний нарын бичгийн дарга ЗХУ-ын удирдагчаар Георгий Маленков тодорчээ.
- 1957 - Гана улс Британийн дарангуйллаас мултарсан африкын анхны улс болов.
- 1964 - "Исламын Үндэстэн" хөдөлгөөний удирдагч Элижа Мухаммад алдарт боксчин Кассиус Клейн нэрийг өөрчилж Мухаммад Али нэр хайрлав.
- Грекийн хаан ширээнд II Константин суув.
- 1965 - Өмнөд Австрали мужийн амбан захирагчийн суудалд 27 жил суусан Том Плейфорд албан тушаалаа өгчээ.
- 1967 - ЗХУ-ын удирдагч агсан Й.Сталиний охин Светлана Алилуева АНУ руу дүрвэжээ.
- 1968 - Родезийн тусгаар тогтнолын төлөө тэмцэж, бослого дэгдээсэн гурван хүнийг олны өмнө цаазлав.
- 1975 - Америкийн иргэн Запрюдерын гэрээсээ бичсэн сонирхогчийн бичлэг анх удаа олон нийтэд ил болжээ. Тэрээр АНУ-ын Ерөнхийлөгч Жон Ф.Кеннедигийн халдлагыг дүрс бичлэгийн камерт бичин үлдээсэн юм.
- Хилийн маргаантай байсан Иран болон Ирак улс Алжир улсад нэгдсэн ойлголтод хүрч маргаанаа таслажээ.
- 1987 - Британийн "MS Herald of Free Enterprise" хөлөг 90 секундын дотор живж 193 хүн амиа алдав.
- 1988 - Их Британийн тусгай хүчний зохион байгуулсан "Флавиус" ажиллагааны үеэр Ирландын бүгд найрамдах армийн гурван цэргийг буудан хороожээ.
- 1992 - Микеланжело нэртэй компьютерийн вирус тархаж эхлэв.
- 2008 - Иракын Багдад хотод амиа золиослогч этгээд бөмбөг дэлбэлж 68 хүн, Йзрайлийн Йерусалем хотод буутай этгээд халдлага үйлдэж найман оюутан амиа алджээ.
- 2018 - Санхүүгийн алдарт "Forbes" сэтгүүл Амазон компанийг үндэслэгч Жефф Безосыг дэлхийн хамгийн баян хүнээр зарлав. Тухайн үед түүний хөрөнгө 112 тэрбум ам.долларт хүрсэн нь ийм мөнгөн дүнд хүрсэн анхны хүн болгосон билээ.
