Өнөөдөр гадаа таван хэмийн хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Гуравдугаар сарын 2-ны өдөр
Өглөөд заавал мэдэж байх ёстой зүйлүүд:
1. Өнөөдөр бол жилийн 62 дахь өдөр бөгөөд он дуусахад 303 хоног үлдлээ.
2. Цаг агаар өдөртөө таван хэмийн дулаан бол шөнөдөө 10 хэм хүйтэн байх нь ээ.
3. Билгийн тооллын 11, Өглөгт охин одтой, цагаан бич өдөр. Тухайн өдөр хулгана, луу жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, сан тавиулах, угаал үйлдэх, бүжиг наадам хийх, цэцэрлэг байгуулах, урлан бүтээхэд сайн. Хувцас эсгэх, шинэ хувцас өмсөх, зөвлөгөө хийх, сэтгэлд сэвтэй газар очиход муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулбал эрхтэн хурц болно.
4. Манай улсын голлох валют болох ам.долларын авах ханш 3529.00, зарах нь 3533.00 төгрөгтэй тэнцэж байна. Энэ өдөр рублийн авах үнэ 46.00, зарах нь 46.70, юанийн авах үнэ 511.00, зарах нь 514.00, вонын ханш авах нь 2.71, зарах нь 2.74 төгрөг байна.
Өнөөдөр болох онцлох үйл явдлууд:
- 08.30 цагт Төрийн ордонд: Монгол Улсын Ерөнхийлөгчийн ивээл дор “Хүнс, хөдөө аж ахуйн салбарын баялаг бүтээгчдийн зөвлөгөөн” болно.
- 09.30-16.00 цагт МҮХАҮТ-нд: “Хүнс, хөдөө аж ахуйн салбарын баялаг бүтээгчдийн зөвлөгөөн”-ий хүрээнд “Эх оронч худалдан авалт-Үндэсний үйлдвэрлэл-2023” үзэсгэлэн нээгдэнэ.
- 10.00 цагт Нийслэлийн цагдаагийн удирдах газарт: Автомашины нүүрсэн яндан хулгайлах гэмт хэргийн нөхцөл байдлын талаар хэлэлцүүлэг болно. Утас: 9110-0031.
- 12.00 цагт Хэвлэлийн хүрээлэнд: Төрсөн эцэгтээ хүчирхийлүүлсэн охинтой холбоотой хэргийн талаар хохирогч хүүхдийн ээж болон “Хөөрхөн дэлхий” ТББ-ын тэргүүн Ч.Уранхолбоо нар хэвлэлийн бага хурал зарлажээ. Утас:11-350002.
Энэ өдөр дэлхийн түүхэнд:
- 473 - Баруун Ромын эзэнт гүрний хаанд Глисериус нэр дэвшив.
- 724 - Японы хатан хаан Геншо хаан ширээнээсээ татгалзаж, улмаар түүний нөхөр Шомү хаан ширээнд суув.
- 1284 - Руддианы гэрээ ёсоор Уельсын вант улс Английн эгнээнд нэгджээ.
- 1575 - Моголын эзэнт гүрний хаан Акбар Бенгалын армийг бут цохив.
- 1763 - Цахараас анх удаа хөдөлгөсөн 1,000 цэрэг Өрөмчид иржээ.
- 1776 - Америкийн хувьсгал: АНУ-ын тэнгисийн цэрэг Нассаугын тулалдаанд оролцохоор эх газар дээр буужээ.
- 1799 - Орос болон Оттоманы эзэнт гүрний хамтарсан бүслэлт өндөрлөж, Францын тал бууж өгөв.
- 1845 - Флорида муж АНУ-ын 27 дахь муж болжээ.
- 1849 - Миннесота мужийн газар нутгийн заагыг эцэслэн тогтоов.
- 1857 - Франц болон Их Британи улс Хятадад дайн зарлажээ.
- 1859 - АНУ-д хоёр өдөр үргэлжилсэн боолчуудыг зарах их үзэсгэлэн өндөрлөжээ.
- 1861 - Хаант Оросын хаан II Александер иргэн бүр хувийн өмчтэй байх хуульд гарын үсэг зурав.
- 1865 - HSBC (Hongkong and Shanghai Banking Corporation) албан ёсоор байгуулагджээ.
- 1873 - АНУ-ын Конгресс ор хөнжлийн явдал, янаглал, тачаангуй байдлыг илтгэсэн элдэв номыг шуудангаар зөөхгүй, хэвлэн нийтлэхэд хатуу хяналт тавих шийдвэр гаргажээ.
- 1875 - Жорж Бизегийн алдарт "Кармен" дуурь Парист анх удаа тайзнаа тавигдав.
- 1878 - Орос-Туркийн хооронд болсон дайн дуусав. Улмаар Болгарчууд Оттоманы эзэнт гүрнээс тусгаар тогтнож чаджээ. Харин Берлиний хуралдаанаар Оттоманыг эзэнт гүрэн бус вант улс байх шийд гаргасан байна.
- 1885 - АНУ-ын Нью-Йорк хотноо алдарт AT&T компани албан ёсоор байгуулагджээ.
