Өнөөдөр нийслэлд 5 хэм хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Хоёрдугаар сарын 28-ны өдөр
1. Өнөөдөр бол жилийн 59 дахь өдөр бөгөөд он дуусахад 306 хоног үлдлээ.
2. Цаг агаар өдөртөө -5 хэмийн хүйтэн бол шөнөдөө -18 градус хүйтэн байх нь ээ.
3. Билгийн тооллын 9, Гөрөөсөн толгой одтой, улаагчин могой өдөр. Тухайн өдөр үхэр жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, хараал, жатхыг буцаах, газар лусын зан үйл хийх, өр барагдуулах, гэр бүрэхэд сайн. Ургаа мод таслах, газрын ам нээх зэрэг үйлд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулахад тохиромжгүй
4. Манай улсын голлох валют болох ам.долларын авах ханш 3527.00 төгрөг, зарах нь 3532.00 төгрөг байна. Харин рублийн авах ханш 44.90, зарах ханш 45.90, юанийн авах ханш 507.00, зарах ханш 510.00, вонийн авах ханш 2.70, зарах ханш 2.73 төгрөг байна.
Өнөөдөр болох онцлох үйл явдлууд:
- 11.00 цагт МҮЭ-ийн Холбооны байранд: Төрийн албан хаагчдын цалин хөлсний нэмэгдэл ялгавартай байгаа талаар МҮЭ-ийн холбооноос мэдээлнэ. Утас: 9914-9240, 9511-5380.
Энэ өдөр дэлхийн түүхэнд:
- МЭӨ 202 - Хятадын эзэн хаан Лиу Банг суудлаасаа бууж, улмаар дөрвөн зууны турш Хятадыг захирсан Хан гүрэн байгуулагджээ.
- 1525 - Ацтекын хаан Куахтемок Испанийн эзлэн түрэмгийлэгч Эрнан Кортесийг цаазлах зарлиг буулгав.
- 1700 - Шведийн засгийн газар Шведийн нэгдсэн он тоололд шилжих шийд гаргав.
- 1827 - Америк улсад худалдааны төмөр замын анхны сүлжээ байгуулагджээ. Анхны арилжааны төмөр зам Балтимор-Охайогийн чиглэлд тавигдсан гэдэг.
- 1838 - Эх орончдын хөдөлгөөний тэргүүн Роберт Нелсон Доод Канад (одоогийн Күебек муж)-ыг тусгаар тогтносон хэмээн зарлав.
- 1867 - АНУ-ын Конгресс Ватинкантай дипломат харилцаагаа сэргээж, тавьсан хоригоо цуцлах шийд гаргав. Гэсэн ч Ватиканы зүгээс 1984 он хүртэл ямар нэгэн дипломат харилцаа хийгээгүй юм.
- 1885 - Беллийн телефон компани дээр үндэслэн "Америкийн холбоо, цахилгаан мэдээний компани"-ийг байгуулжээ.
- 1897 - Мадагаскар улсын сүүлчийн хатан хаан III Ранавалонагийн хаанчлал эхлэв. Удалгүй Францчууд тус улсыг булаан эзлэсэн юм.
- 1935 - Америкийн эрдэмтэн Уоллос Каротерс "нийлэг" материалыг нээжээ.
- 1940 - Сагсанбөмбөгийн тоглолтыг анх удаагаа телевизээр дамжуулав. Тухайн үед учраа таарсан Фордхемийн их сургууль, Питтсбургийн их сургуулийн хооронд болсон тоглолтыг ийнхүү телевизээр нэвтрүүлжээ.
- 1953 - Эрдэмтэн Жеймс Ватсон, Френцис Кирк нар ДНК-гийн бүтцийг анх удаагаа нээн илрүүлэв.
- 1954 - Телевизийг өнгөтөөр нэвтрүүлэх анхны технологиуд худалдаанд гарч, үүнийг NTSC худалдан авчээ.
- 1959 - АНУ тагнуулын зориулалттай "Дисковерэр 1" хиймэл дагуулыг хөөргөв. Гэвч мэдээллийн сигнал таараагүй тул энэ хөтөлбөрийг албан ёсоор зогсоожээ.
- 1980 - Испанийн Андалузи мужид болон олон нийтийн санал асуулгаар тус муж автономи эрхтэй болов.
- 1986 - Шведийн 26 дахь Ерөнхий сайд Олоф Палме Стокхольм хотод халдлагад өртөн амь насаа алджээ.
- 1991 - Персийн булангийн анхдугаар дайн өндөрлөв.
- 1995 - Австралийн Либерал намын дарга Жон Хьюсон сонгуульд ялагдал хүлээж, нэр хүндээ алдсан явдалд өөрийгөө буруутган албан тушаалаа өөрийн хүсэлтээр өгчээ.
- 1997 - Ираны хойд хэсэгт газар хөдлөсний улмаас 3,000 хүн амь насаа алдав.
- 1998 - Дэлхийд анх удаагаа нисгэгчгүй онгоцыг хөөргөжээ.
- Косовгын дайн: Сербийн цагдаагийн ажилтнууд Косовогийн чөлөөлөх армийн эсрэг ажиллагаа зохион байгуулав.
- 2004 - Тайванийн Ṛнэг сая гаруй иргэн гар, гараасаа хөтлөлцөн дэлхийн дээд амжилтыг тогтоожээ.
- 2004 - Монгол хэлний анхны википедиа нээгдсэн
- 2013 - Ромын пап XVI Бенедикт өөрийн хүсэлтээр эрх ямбаасаа татгалзав. Ингэснээр Католик шашны түүхэнд 1415 оноос хойшхи анхны тохиолдол болсон юм.
