Өнөөдөр нийслэлд 10 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Хоёрдугаар сарын 17-ны өдөр
- Өнөөдөр бол жилийн 48 дахь өдөр бөгөөд он дуусахад 327 хоног үлдлээ.
- Цаг агаар өдөртөө -10 хэмийн хүйтэн бол шөнөдөө -27 градус хүйтэн байх нь ээ.
- Билгийн тооллын 27. Сугар гараг. Суулга одтой, улаан морь өдөр. Өдрийн наран 7 цаг 56 минутад мандан, 18 цаг 17 минутад жаргана. Тухайн өдөр нохой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, лусыг тахих, тангараг тавих, гэр, байшингийн суурь тавихад сайн. Гэр бүрэх, хэрүүл тэмцэл хийх, сэтгэлд сэвтэй газар очиход муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод баруун урагшаа мөрөө гаргавал зохистой. Үс шинээр үргээлгэх буюу засуулбал өлзийтэй сайн.
- Манай улсын голлох валют болох ам.долларын авах ханш 3517.00 төгрөг, зарах нь 3522.00 төгрөг байна. Харин рублийн авах ханш 46.00, зарах ханш 46.70, юанийн авах ханш 515.00, зарах ханш 517.00, вонийн авах ханш 2.75, зарах ханш 2.78 төгрөг байна.
Өнөөдөр болох онцлох үйл явдлууд:
- 11.00 цагт Сүхбаатар дүүргийн 2022 оны төсвийн хөрөнгө оруулалтаар авсан хог тээврийн болон зам засварын 5 нэр төрлийн 15 машиныг хүлээлгэн өгөх арга хэмжээ болно.
- 12.00 цагт “Зууны мэдээ” сонины “Үндэсний мэдээллийн төв”-д ТҮЦ-ээр амь зуугчдын холбооноос Шинийн 1-ний өглөө болох жагсаал цуглааны талаар мэдээлэл хийнэ.
- 12.30 цагаас Иргэн О.Шинэбаяраас Хүүхдийн байгууллагуудын эрх мэдэлтнүүд албан тушаалаа ашиглан хүүхдийн эсрэг ноцтой хүчирхийлэл үйлдэж байгаа тухай мэдээлэл “Зууны мэдээ” сонины “Үндэсний мэдээллийн төв”-д хийнэ. Эрхэм сэтгүүлчид та бүхнийг урьж байна.
Энэ өдөр дэлхийн түүхэнд:
- 1568 Ариун Ромын эзэн хаан Максимилиан II Османы эзэнт гүрэнд энх тайвны төлөө хүндэтгэл үзүүлэхийг зөвшөөрөв.
- 1865 онд Өмнөд Каролина мужийн Колумбиа Америкийн иргэний дайны үеэр шатжээ.
- 1876 Сардиныг Мэйн мужийн Исторт хотод анх удаа Жулиус Вулф лаазалсан байна.
- 1969 онд Голда Мейр Израилийн анхны эмэгтэй Ерөнхий сайдаар тангараг өргөж байв.
- 1972 оны Их Британийн парламент Европын нэгдсэн зах зээлд элсэхийг санал болгов.
- 2017 онд Номхон далайн өмнөд хэсэгт ихэвчлэн ихэвчлэн усан дорхи тив тивтэй Зеландия нээгджээ "GSA Today" судалгааны сэтгүүлд зарлав.
