Өнөөдөр гадаа 9 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэ
2 дугаар сарын 16-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 47 дахь өдөр бөгөөд он дуусахад 318 хоног үлдлээ.
- Цаг агаар өдөртөө -9 хэмийн хүйтэн бол шөнөдөө 28 градус хүйтэн байх нь ээ.
- Билгийн тооллын 26, Гар одтой, хөхөгчин могой өдөр. Тухайн өдөр тахиа жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба сүм дуганыг сэргээх, газар лусын зан үйл хийх, өр барагдуулах, гэр бүрэхэд сайн. Ургаа мод таслах, газрын ам нээх, гөлөг тэжээхэд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун зүгт мөрөө гаргавал зохистой.
- Үс шинээр үргээлгэх буюу засуулбал жаргал үргэлжид ирэх сайн.
- Манай улсын голлох валют болох ам.долларын авах ханш 3517.00 төгрөг, зарах нь 3522.00 төгрөг байна. Харин рублийн авах ханш 46.00, зарах ханш 46.70, юанийн авах ханш 515.00, зарах ханш 517.00, вонийн авах ханш 2.75, зарах ханш 2.78 төгрөг байна.
Өнөөдөр болох онцлох үйл явдлууд:
- 08.30 цагт "Улаанбаатар" чуулгын байранд: Монгол Улсын Хөгжлийн банктай холбоотой шүүхийн урьдчилсан хэлэлцүүлэг 2 дахь өдрөө үргэлжилнэ.
- 08:30 цагт “Блю Скай” зочид буудалд "Стандарт-хөгжил" сэдэвт уулзалт болж, БХБЯ, БСШУЯ, ЭМЯ-наас салбар салбарын стандартын талаар танилцуулна. Утас: 9111-8403.
- 11.00 цагт Монголын бурхан шашинтны төв Гандантэгчэнлин хийдийн тэргүүн их хамба Д.Чойжамц лам Батцагаан цогчэн дуганд "Үзэсгэлэн болгогч" хэмээн усан туулай жилийн сар шинийн мэндчилгээ дэвшүүлнэ. Утас: 8804-8481, 9888-0050.
- 11.30 цагт “Монгол ньюс” мэдээллийн төвд Засгийн газрын үйл ажиллагааны талаар "Дижитал Монгол либерти" ТББ-аас мэдээлэл хийнэ.
- 14.00-15.00 цагт ГХЯ-нд: Монгол-Оросын аялал жуулчлалын форумын хүрээнд хоёр улсын сэтгүүлчдийн уулзалт болно.
Энэ өдөр дэлхийн түүхэнд:
- 1646 онд Английн иргэний дайны хамгийн сүүлчийн томоохон тулаан Торрингтон хотноо эхэлжээ.
- 1874 онд АНУ мөнгөн зоосыг хэрэглэж байхаар хуульчлав.
- 1923 онд Английн археологич, Египет судлаач Ховард Картер Фараон Тутанхамоны бунханг олж илрүүлжээ.
- 1930 онд Олон улсын хөлбөмбөгийн холбоонд Румынь улсын хөлбөмбөгийн холбоо гишүүнээр элсэв.
- 1937 онд Америкийн эрдэмтэн, зохион бүтээгч Уоллос Х.Каротерс нийлэг материалыг нээн, патентжуулав.
- 1959 онд Кубын дарангуйлагч Фулгенсио Батиста суудлаасаа бууснаар Фидель Кастро ерөнхий сайд болж тус улсыг удирдах болжээ.
- 1962 онд Баруун Германы эргийн дагуух хотуудад их хэмжээний үер бууж 315 хүн амиа алдан, 60,000 айл орох оронгүй болжээ.
- 1978 онд Компьютерт анх удаагаа тооцоолуурт хавтанг суурилуулжээ.
- 2005 онд Цаг уурын өөрчлөлттэй тэмцэх Киотогийн протокол олон улсын түвшинд хэрэгжиж эхлэв. Гэвч ОХУ энэ гэрээнд нэгдэхээс татгалзжээ.
- 2006 онд АНУ-ын армийн явуулын мэс заслын сүүлийн эмнэлгийг татан буулгажээ.
- 2013 онд Пакистан улсын Куетта хотын Хазара тосгоны дэлгүүрт бөмбөг дэлбэрч 80 хүн амиа алдан, 190 хүн шархаджээ.
