Өнөөдөр гадаа -8 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Хоёрдугаар сарын 12-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 44 дахь өдөр бөгөөд он дуусахад 321 хоног үлдлээ.
- Цаг агаар өдөртөө -8 хэмийн хүйтэн бол шөнөдөө -24 градус хүйтэн байх нь ээ.
- Билгийн тооллын 23, Хонгорцог одтой, хар бар өдөр. Тухайн өдөр морь, нохой жилтнээ аливаа үйлийг хийхэд эерэг сайн. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, сан тавиулах, угаал үйлдэх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, андгай тангараг, гэрээ, хэлцлээ буцаахад сайн. Золиг гаргах, бомбын үйл, сэтгэлд сэвтэй газар очих, хүүхэд хөлд оруулахад муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод хойд зүгт мөрөө гаргавал зохистой.
- Үс шинээр үргээлгэх буюу засуулбал эд, эдлэл, идээ, ундаа олно.
- Валют арилжааны төвд ам.долларын авах ханш 3509.00 төгрөг, зарах нь 3513.00 төгрөг байна. Харин еврогийн авах ханш 3784.00, зарах нь 3800.00 рублийн авах ханш 47.60, зарах ханш 48.20, юанийн авах ханш 517.00, зарах ханш 519.00, вонийн авах ханш 2.81, зарах ханш 2.84 төгрөг байна.
Өнөөдөр болох онцлох үйл явдлууд:
- 12:00 цагт Төрийн ордонд: УИХ дахь АН-ын бүлгийн гишүүд, тус намын Эв нэгдлийн ажлын хэсгийн гишүүд хэвлэлийн хурал зарлажээ. Утас: 89004151
- 14.00-15.00 цагт Жендэрийн сэдвээр даацтай бүтээл хийж, нийгмийн хөгжилд хувь нэмэр оруулах сэтгүүлчдийн “Мэдрэмжтэй мэдээлье” виртуал редакцын нээлийн уулзалт болно. “Технологийн салбар дахь эмэгтэйчүүдийн манлайлал” сэдвийн танилцуулга цахимаар болно.
- 19.00 цагт УДБЭТ-т “Хунт нуур” бүжгийн жүжгийг Монголд анх удаа 32 хунтай тоглоно.
Энэ өдөр дэлхийн түүхэнд:
- 1462 - Вестминстерийн тунхагаар Английн хаан IV Эдуард Шотландын Ислегийн лорд болов.
- 1542 - Английн хаан VIII Хенригийн тав дахь гэргий Катерин Ховардыг садар самууныг сурталчилсан гэж үзэн цаазаар авчээ.
- 1633 - Алдарт одон оронч Галилео Галилейг сүмийн номлол зөрчсөн гэх үндэслэлээр шүүх ажиллагаа эхэлсэн байна.
- 1660 - Шведийн хаан X Чарльз Густаф өөд болсоноор түүний хүү дөрвөн настай XI Чарльз хаан ширээнд суужээ.
- 1689 - Английг Уиллиам болон Мери нар хамтран захирах болов.
- 1739 - Карналын тулаан: Ираны эзэн хаан Надер Шахын арми Карналын тулаанд Моголын эзэнт гүрнийг буулган авчээ.
- 1867 - Бельгийн Брюссель хотын гол гудамжуудыг барьж эхлэв.
- 1880 - Алдарт зохион бүтээгч Томас Эдисон Эдисоны эффектийг олонд танилцуулжээ.
- 1913 - Манж Чин гүрэн мөхсөний дараа 13-р Далай лам Төвдийг тусгаар тогтнуулах тухай дөрвөн заалт бүхий баримт бичгийг Хятадын төв засгийн газарт өргөн барьжээ.
- 1914 - АНУ-ын Нью-Йорк хотноо Америкийн хөгжмийн зохиолч, зохиолч, хэвлэн нийтлэгчдийн нийгэмлэг байгуулагдаж, эрхээ хамгаалахаар болсон байна.
- 1931 - Британийн колони Энэтхэг нийслэлээ Калькутта хотоос Шинэ Дели рүү нүүлгэжээ.
- 1935 - АНУ-ын Нью Жерси мужийн Флемингтон хотын шүүх Алдарт нисгэгч Чарльз Линдбергийн хүүг барьцаалж, хөнөөсөн хэрэгт Брунао Хауптманныг буруутай болохыг тогтоожээ.
- 1945 - Дэлхийн хоёрдугаар дайн: Герман, Унгарын цэргийн хүчийг Зөвлөлтийн "Улаан арми" буулган авсанаар Будапештийн бүслэлт зогсчээ.
- Дэлхийн хоёрдугаар дайн: Германы Дресден хотыг Их Британийн нисэх хүчин агаараас бөмбөгдөв.
- 1951 - Солонгосын дайн: Хятадын арми Өмнөд Солонгосын зэвсэгт хүчний эсрэг тулаанаа эхлүүлжээ.
- 1960 - Францын засгийн газар цөмийн зэвсгийн туршилт хийх шийдвэр гаргаснаар, цөмийн зэвсэг бүхий дэлхийн дөрөв дэх улс болов.
- 1961 - АНУ-ын Калифорни мужийн Оланча хотоос 500 мянган жилийн настай чулуу олджээ.
- 1978 - Австралийн Сидней хотод байрлах "Хилтон" зочид буудлын гадаа бөмбөг дэлбэрч хоёр хүн амиа алджээ.
- 1983 - Италийн Турин хотын нэгэн кино театрт гал гарсаны улмаас 64 хүн амиа алдав.
- 1984 - ЗХУ-ын Коммунист намын ерөнхий нарийн бичгийн даргын суудалд Константин Черненко суув.
- 1990 - Германы нэгдэл: Зүүн болон Баруун Германы удирдлагууд Германыг нэгтгэх хоёр шатлалт бодлого хэрэгжүүлнэ гэдгээ олон нийтэд зарлажээ.
- 1996 - Непалын хаант улс болон Непалын коммунист намынханы хооронд үүссэн улстөрийн маргаан иргэний дайн болж хувирав.
- 2004 - Харвард-Смитсонианы Астрофизикийн төв цул очир эрдэнээс бүтсэн жижиг одыг илрүүлжээ. Эрдэмтэд энэ одыг Битлзийн дуунаас сэдэвлэн "Люси" хэмээн нэрлэжээ.
- 2007 - Тайваны сөрөг хүчний тэргүүн Ма Йенг-Жү Гоминдан намын даргын суудлаа хүлээлгэн өгчээ. Тэрээр 2008 онд болох Ерөнхийлөгчийн сонгуультай холбогдуулан суудлаа хүлээлгэн өгсөн байна.
- 2008 - Австралийн Ерөнхий сайд Кевин Радд уугуул австраличуудын эсрэг ажиллагаа явуулж, бүхэл бүтэн үеийг үгүй хийсэн явдалд албан ёсоор уучлал гуйжээ.
- 2012 - Европын сансар судлалын агентлаг Европын холбооны анхны пуужин болох "Вега"-г хөөргөж, задгай сансарт гаргав.
- 2017 - Умард Солонгосын удирдагч Ким Жон Уны эцэг нэгт ах Ким Жон Нам Малайзын нисэх онгоцны буудалд химийн халдлагад өртөн амиа алджээ.
