Өнөөдөр гадаа -5 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
2 дугаар сарын 09-ны өдөр
Өглөөд заавал мэдэж байх ёстой зүйлүүд:
1. Өнөөдөр бол жилийн 40 дахь өдөр бөгөөд он дуусахад 325 хоног үлдлээ.
2. Цаг агаар өдөртөө -5 хэмийн хүйтэн бол шөнөдөө -22 градус хүйтэн байх нь ээ.
3. Билгийн тооллын 19, Харцага одтой, шар нохой өдөр. Тухайн өдөр бар, морь жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, бизнэс эхлэх, цар ихтэй үйлийг эхлэх, бясалгал хийх, доодсыг асран өглөг, хандив өргөх, лус тахих, хүүхэд үрчлэн авах, гэр, байшингийн суурь тавихад сайн. Нүүдэл суудал хийх, хэрүүл тэмцэл хийх, цөөрөм байгуулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод баруун урагш мөрөө гаргавал зохистой.
4. Үс шинээр үргээлгэх буюу засуулбал “Сайн нөхөртэй учирах” хэмээх сайн.
5. Манай улсын голлох валют болох ам.долларын авах ханш 3,507.00 төгрөг, зарах нь 3,513.00 төгрөг байна. Харин рублийн авах ханш 47.80, зарах ханш 48.20, юанийн авах ханш 517.00, зарах ханш 520.00, вонийн авах ханш 2.82, зарах ханш 2.85 төгрөг байна
Өнөөдөр болох онцлох үйл явдлууд:
- 09.00 цагт “Сити тауэр”-т “Тогтвортой хөгжлийн төлөө” сэтгүүлчдийн клубээс “Үнэт цаасны зах зээл ба боломж” сэдвээр “Өлзий энд ко Капитал” ХХК-ийн захирал Б.Өлзийбаяртай хийх уулзалт зохион байгуулна.
- 10.00 цагт МУИС-ийн номын санд “Рамсей-120” эрдэм шинжилгээний хурал болно. МУИС, ШУА, ШУТИС, Монголбанк хамтран зохион байгуулж буй семинарт их, дээд сургууль, эрдэм шинжилгээний байгууллагуудын 60 гаруй судлаач оролцож “Макро эдийн засгийн бодлогын оновчтой хослолыг тодорхойлох”, “Рамсейн татварын оновчлол ба оновчтой удирдлага” зэрэг сэдвээр илтгэл тавина.
- 10.30 цагт Төрийн ордонд: Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явц, байдлыг хянан шалгах түр хорооны Нотлох баримтыг шинжлэн судлах хоёр дахь шатны сонсгол 4 дэх өдрөө үргэлжилнэ.
- 11.30 цагт “ЗМ” сонины Үндэсний мэдээллийн төвд “Бид ориловч, төр дүлий!” сэдвээр Хүүхдийн мөнгөө авч чадаагүй ээжүүдийн төлөөллөөс мэдээлэл хийнэ.
- 14.00 цагт Хүүхдийн урлан бүтээх төвийн багш нарын шилдэг бүтээлийн "Арт-крафт-2023"-ын нээлт эцэг, эхчүүд, хүүхдүүдийн төлөөлөлд зориулан болно.
Энэ өдөр дэлхийн түүхэнд:
- 1575 онд Нидерландын хамгийн алдартай, хамгийн хөгшин сургуулиудын нэг Лейдэний их сургууль байгуулагджээ.
- 1587 онд Шотландын хатан Мериг төрийн эрхийг хууль бусаар авахыг санаархсан гэж үзэн цаазаар авав.
- 1693 онд АНУ-ын Виржиниа мужийн Уиллиамсбург хотод Английн хаан III Уиллиам, Хатан хаан II Мери нарын дурсгалд зориулж, Уиллиам болон Меригийн коллежийг байгуулжээ.
- 1817 онд Сан Мартиний удирдлага дор цугларсан арми Андийн нурууг давж, Чили улсыг Испанийн дарлалаас чөлөөлөв.
- 1937 онд АНУ-ын сенатын хурлаар АНУ-ын анхны дэд ерөнхийлөгчийн суудалд Ричард Жонсонг суулгасан байна.
- 1865 онд Боолчлолыг халах, худалдаалах, наймаалцахыг бүрэн хориглосон АНУ-ын Үндсэн хуулийн 13-р нэмэлт өөрчлөлтөд нэгдэн орохоос Делавейр муж татгалзав. Тэд 1901 оныг хүртэл Үндсэн хуулийн 13 дахь нэмэлт өөрчлөлтийг хүлээн зөвшөөрөөгүй юм.
- 1915 онд Кино урлагийн түүхэнд домог болон мөнхөрсөн "Birth of Nation" кино Лос Анжелес хотноо анхлан дэлгэцэнд гарчээ.
- 1922 онд АНУ-ын ерөнхийлөгч Уоррен Г.Хардинг радиогоор үг хэлсэн анхны ерөнхийлөгч болов.
- 1971 онд Америкийн хөрөнгийн биржид NACDAQ индекс анх удаагаа арилжаалагдаж эхлэв.
- 1974 онд Скайлаб 4 хөлгийн баг 84 хоног задгай сансарт ажилласны дараа эх дэлхийдээ эрэв. Үүнээс хойш Скайлаб хөтөлбөр дахиж хэрэгжээгүй билээ
