Өнөөдөр гадаа -9 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Хоёрдугаар сарын 7-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 38 дахь өдөр бөгөөд он дуусахад 327 хоног үлдлээ.
- Цаг агаар өдөртөө -9 хэмийн хүйтэн бол шөнөдөө -28 градус хүйтэн байх нь ээ.
- Билгийн тооллын шинийн 17, Ангараг гараг. Их морь одтой, улаан бич өдөр. Өдрийн наран 8 цаг 12 минутад мандан, 18 цаг 01 минутад жаргана. Тухайн өдөр хулгана, луу жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр худалдаа арилжаа хийх, бизнэс эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, сүм дуганыг сэргээх, бүжиг наадам хийх, цэцэрлэг байгуулах, хур оруулах, дархны үйлд сайн. Хувцас эсгэх, шинэ хувцас өмсөх, зөвлөгөө хийх, гөлөг тэжээхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн урд зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.
- Манай улсын голлох валют болох ам.долларын авах ханш 3,507.00 төгрөг, зарах нь 3,510.00 төгрөг байна. Харин рублийн авах ханш 48.70, зарах ханш 49.00, юанийн авах ханш 520.00, зарах ханш 523.00, вонийн авах ханш 2.87, зарах ханш 2.90 төгрөг байна.
Өнөөдөр болох онцлох үйл явдлууд:
- 08:30 цагт “Шангри-Ла” зочид буудалд: Монгол Улсын тогтвортой ногоон хөгжлийг дэмжих Европын холбооны үйл ажиллагааны хүрээг тодорхойлох Дээд түвшний зөвлөгөөн болно. Утас: 9963-0057.
- 09.00 цагт МУИС-ийн төв байрны Эрдмийн танхимд: “Эрүүл аюулгүй орчинд амьдрах хүний эрх: Агаарын бохирдол, шинжлэх ухааны нотголгоо, шийдэл” эрдэм шинжилгээ, технологийн хурал болно. Утас: 9905-2154. 9990-9973.
- 09.30 цагт “Пума имперал” зочид буудалд “Хүний эрх, хөгжил төв”-өөс иргэний нийгмийн байгууллага, сэтгүүлчдийн төлөөлөлд Газрын багц хуулийн төслүүдэд хийсэн үнэлгээг танилцуулна. Утас: 9919-2857. 9919-4455.
- 10.00-12.00 цагт МҮЭ-ийн Соёлын төв ордны бага танхимд: МҮЭ-ийн холбоо, УИХ-ын Нийгмийн бодлогын байнгын хороотой хамтран Нийгмийн даатгалын багц хуулийн төслийг танилцуулах санал уулзалтыг зохион байгуулна. Утас: 9914-9240.
- 10.30 цагт Төрийн ордонд: Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явц, байдлыг хянан шалгах түр хорооны Нотлох баримтыг шинжлэн судлах хоёр дахь шатны сонсгол 2 дахь өдрөө үргэлжилнэ.
- 11:00 цагт АТГ-т "Уул уурхайгүй Хөвсгөл" ТББ-аас “Могойн гол” ХК-ийн удирдлагууд болон нэр бүхий 8 хүнийг нүүрсний хулгайн асуудлаар АТГ-т шалгуулж буй талаар мэдээлнэ. Утас: 8809-0119.
“ЗМ” сонины Үндэсний мэдээллийн төвд:
- 11:30 цагт нийслэлийн БГД-ийн 1-р хорооны иргэн Н.Нямдаржаа тус дүүргийн ИТХ шүүхийн гурван шатны шийдвэрээс давсан эрх мэдлийг хэрэгжүүлж, ялтан төлөөлөгчөөр260 гаруй мянган иргэнийг төлөөлүүлж ял завшуулж байгаа талаар мэдээлнэ.
- 12:00 цагт Хуулийн төсөлд иргэдийн саналыг тусгах, УИХ-ын гишүүдийг үндсэн ажлаа хийхийг шаардаж “Иргэн бол хүч” залуусын төлөөллөөс мэдээлэл хийнэ.
- 12.00 цагт МҮХАҮТ-ын дэргэдэх Бизнес академиас жил бүр зохион байгуулдаг "EXECUTIVE SUMMIT" гүйцэтгэх удирдлагуудын уулзалтын талаар хэвлэлийн бага хурал болно.
- 14.00 цагт Засгийн газрын IX байранд Жижиг, дунд үйлдвэрийн газар Дэлхийн банкны Экспортыг дэмжих төслийн “Түншлэлийн хөтөлбөр”-тэй хамтран уул уурхайн бус, экспортын баримжаатай ААН-үүдэд санхүүгийн дэмжлэг олгох ажлыг жилийн өмнө хэрэгжүүлж эхэлсэн. Уг төслийн отгон сонгон шалгаруулалт болно. Утас: 9904-7909.
Энэ өдөр дэлхийн түүхэнд:
- 1238 Монголчууд Оросын Владимир хотыг шатаажээ.
- 1301 Эдвард Кейнарион (хожим Эдвард II) Уэльсийн ханхүү болжээ.
- 1842 оны Дебре Таборын тулалдаан: Эфиоп улсын эзэн хааны Рэг Алт Алула, Семенийн дайчин Вубе Хайле Мариамыг ялжээ.
- 1856 оны колоничлолын Тасманийн парламент дэлхийн аль ч хэсэгт нууц санал хураалтаар сонгууль явуулах хууль тогтоомжийн 1-р хэсгийг (1856 оны Сонгуулийн тухай хууль) баталжээ.
