Хоёрдугаар сарын 3-ны өдөр
Өнөөдөр гадаа -9 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өглөөд заавал мэдэж байх ёстой зүйлүүд:
- Өнөөдөр бол жилийн 34 дахь өдөр бөгөөд он дуусахад 331 хоног үлдлээ.
- Цаг агаар өдөртөө -9 хэмийн хүйтэн бол шөнөдөө -27 градус хүйтэн байх нь ээ.
- Билгийн тооллын 13, Өглөгт охин одтой, хар луу өдөр. Тухайн өдөр хулгана, бич жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, хишиг даллага дуудуулах, насан бүтээл хийлгэх, зэтгэрийг номхотгох, хөгжмийн зэмсэг урлахад сайн. Гүүр тавих, газар ухах, эрдэнийг гадагш өгөхөд муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулбал жаргал ирнэ.
- Манай улсын голлох валют болох ам.долларын авах ханш 3,507.00 төгрөг, зарах нь 3,510.00 төгрөг байна. Харин рублийн авах ханш 48.70, зарах ханш 49.00, юанийн авах ханш 520.00, зарах ханш 523.00, вонийн авах ханш 2.87, зарах ханш 2.90 төгрөг байна.
Өнөөдөр болох онцлох үйл явдлууд:
- 09.00 цагт: Төрийн ордонд: “Малчин эмэгтэйчүүдийн манлайлал” чуулган, Үндэсний зөвлөгөөн болно.
- 10.30-12.00 цагт: Монголын Хэвлэлийн хүрээлэнд Үндсэн хуулийг өөрчлөх шаардлага, шударга ёс, хариуцлагын тогтолцоо, баталгаажилтын талаар “Үндсэн хуулийн нэмэлт өөрчлөлт” нээлттэй, цуврал хэлэлцүүлгийн эхний уулзалт болно.
- 11.00 цагт: “Монгол ньюс” мэдээллийн төвд “Чингис хааны Дэлхийн академ”-ийн ерөнхийлөгч П.Давааням Чингис хааны Аугаа их өвийг Монгол Улсад аугаа их хөрөнгө оруулалт болгон зөв нутагшуулж, хүн төрөлхтний соёл иргэншлийн ололтыг хүндэтгэн хуульчлах “Мөнхийн санал”-ыг төрийн гурван удирдлагад хүргүүлэх талаар хэвлэлийн бага хурал зарлажээ.
- 11.00 цагт: “ЗМ” сонины үндэсний мэдээллийн төвд: “Эрдэнэс тавантолгой” ХК-ийн ногдол ашгийг Сар шинийн баяраас өмнө өгөхгүй бол тэмцлийн хурц хэлбэрт шилжих талаар иргэдийн төлөөлөл мэдээлнэ.
- 11.00 цагт: Цус сэлбэлт судлалын Үндэсний төвд: "Сар бүрийн 3: Цусаа бэлэглэх өдөр”-ийн 95 дахь удаагийн үйл ажиллагааг “Сэтгэлийн 1000 үйлс” ТББ-аас зохион байгуулна.
- 11:30 цагт: 3М" сонины үндэсний мэдээлийн төвд: “Ворлд плас” зэрэг компанийн гаргасан койны луйврын талаар хохирогчдоос мэдээлнэ.
- 13:00-15:00 цагт: Сүхбаатарын талбайд: Японы Засгийн газрын “Эдийн засаг, нийгмийн хөгжлийг дэмжих хөтөлбөр”-ийн хүрээнд байгаль орчны салбарт богино долгионы холбоогоор тоноглосон 30 автомашин хүлээлгэн өгнө. Энд 21 сав газрын захиргааны дарга, байгаль хамгаалагч нар оролцоно. Утас:8803-8882.
- 14.00 цагт: БШУЯ-нд “Монголын Ардын болон гавьяат багш нарын холбоо” ТББ-аас Монгол Улсад дээрх эрхэм алдар цолоор шагнагдсан 860 гаруй хүмүүсийн түүхчилсэн намтар зургаар гаргасан номын нээлт болно.
- 14:00 цагт: Нийслэлийн “Хангарди” ордонд Улаанбаатар хотын ерөнхий менежер цаг үеийн асуудлаар болон "Манай хороо, миний гудамж" аяны талаар мэдээлнэ. Утас: 9916-0069.
Энэ өдөр дэлхийн түүхэнд:
- 1377 - Италийн Чесена хотод Кондотьери буюу папын хамгаалах цэргүүд 2000 гаруй хүний аминд хүрчээ.
- 1451 - Османы эзэнт гүрний султан II Мурад нас нөгчив. Түүний хүү II Мехмед султан ор суужээ.
- 1488 - Бартоломей Диас Өмнөд Африкийн өмнөд хязгаар Сайн Итгэлтийн Хошуунд хүрэв.
- 1509 - Португалийн хаант улсын тэнгисийн цэрэг Оттоманы эзэнт гүрний нэгдсэн хүчийг буулган авчээ.
- 1690 - Массачусетс мужид анх удаа цаасан мөнгө хэрэглэв. Энэ нь Америк тивд цаасан мөнгө хэрэглэсэн анхны тохиол болсон юм.
- 1781 - Америкийн хувьсгал: Карибийн тэнгист орших Синт Эстатиус гэх аралд Британийн цэргийн хүч хяналтаа тогтоожээ.
- 1783 - Америкийн хувьсгал: Испани улс Америкийн Нэгдсэн Улсын тусгаар тогтнолыг хүлээн зөвшөөрөв.
- 1809 - АНУ-ын конгресс Иллиной мужийн газар нутгийг баталжээ.
- 1815 - Швейцарьт анх удаа худалдааны зорилго бүхий бяслагны үйлдвэр ашиглалтад оров.
- 1830 - Их Британийн нийслэл Лондон хотноо болсон уулзалтаар Грекийн тусгаар тогтнолыг бүрнээ хүлээн зөвшөөрчээ. Ингэснээр тусгаар тогтнолын төлөөх цуст дайн эцэслэсэн юм.
- 1870 - АНУ-ын Үндсэн хуульд 15 дахь өөрчлөлт оруулав. Ингэснээр бүх эрэгтэй хүн санал өгөх эрхтэй болжээ.
- 1913 - “Монгол цэргийг бэлтгэн сургах тухай Монгол-Оросын хэлэлцээр” байгуулагджээ. Хэлэлцээрийг Орос улсын хаан эзний засгийн хэргийг шийтгэх газраас тусгайлсан төлөөлөгч Иван Коростовиц, Монгол улсын хаан эзний засгийн газраас тусгайлан гаргасан шадар сайд, сайн ноён хан Намнансүрэн, Шадар сайд, засаг төрийн эрдэнэ далай жүн ван Гомбосүрэн нар зөвлөн хэлэлцсэн тухай тэмдэглэл үйлджээ.
- АНУ-ын Үндсэн хуулийн 16 дахь нэмэлт өөрчлөлтөөр Холбооны засгийн газар татварын орлогыг бүрдүүлж, цуглуулахаар болов.
- 1917 - Дэлхийн нэгдүгээр дайн: АНУ Германаас бүх талын дипломат харилцаагаа бүр мөсөн таслах шийд гаргажээ.
- 1930 - Вьетнамын коммунист нам албан ёсоор байгуулагдав.
- 1931 - Шинэ Зеландын түүхэнд хамгийн хөнөөлтэй газар хөдлөлт Хоукын хошуунд болов. Газар хөдлөлтийн улмаас 258 хүн амиа алджээ.
- 1933 - Адольф Гитлер Зүүн Европын улсыг Германжуулах бодлогоо танилцууллаа. Гадаад харилцааны голлох чиглэл нь Германжуулах бодлого байна гэж А.Гитлер онцолсон юм.
- 1944 - Дэлхийн хоёрдугаар дайн: АНУ-ын тэнгисийн болон явган цэргийн анги нэгтгэл Кважалейн хошууг хамгаалах тулааныг эхлүүлэв.
- 1945 - Дэлхийн хоёрдугаар дайн: Америк болон Филиппинийн хамтарсан цэрэг Манила хотыг Японы түрэмгийллээс гаргах бүтэн сар үргэлжилсэн тулааныг эхлүүлжээ.
- 1958 - Европын эдийн засгийн зөвлөл байгуулагдав.
- 1960 - Их Британийн ерөнхий сайд Харольд Макмиллан "Салхи эргэлээ" гэж илтгэлдээ мэдэгдэв. Ингэснээр Британичууд эзлэн түрэмгийлэх бодлогоос татгалзах эхлэлээ тавьжээ.
- 1962 - АНУ-ын ерөнхийлөгч Жон Ф.Кеннеди Куба улстай хийх гадаад худалдааг хориглож, эдийн засгийн хориг арга хэмжээг эхлүүлэв.
- 1969 - Египетийн нийслэл Кайр хотноо болсон Палестины Чөлөөлөх Байгууллагын хурлаар Яссер Арафат Палестиний үндэсний конгрессийн даргаар сонгогджээ.
- 1972 - Японы Саппоро хотод 11 дэх удаагийн өвлийн олимп нээлтээ хийв.
- 1984 - АНУ-ын Лос Анжелесийн их сургуулийн эрдэмтэн Жон Бастер үр шилжүүлэх боломжийг анх удаагаа нээн илрүүлжээ.
- 1989 - Олон нийтийн эсэргүүцлээс шалтгаалан Өмнөд Африкийн Үндэсний намын даргын суудлаа ерөнхийлөгч П.В.Бота өгөв. Гэсэн ч тэр зургаан сарын туршид ерөнхийлөгч хэвээр байсан билээ.
- 1995 - Америкийн түүхэнд анх удаа эмэгтэй хүн "Шаттл" хөлөгт багтан сансарт нисчээ. Сансарт ниссэн анхны америк эмэгтэйг Эйлийн Коллинс гэдэг байв.
- 2014 - ОХУ-ын нийслэл Москва хотод байрлах нэгэн дунд сургуульд зэвсэглэсэн хоёр этгээд халдаж 29 сурагчийг барьцаалсан хэрэг гарчээ.
