Хоёрдугаар сарын 2-ны өдөр
Өнөөдөр гадаа -9 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
Өглөөд заавал мэдэж байх ёстой зүйлүүд:
- Өнөөдөр бол жилийн 33 дахь өдөр бөгөөд он дуусахад 332 хоног үлдлээ.
- Цаг агаар өдөртөө -9 хэмийн хүйтэн бол шөнөдөө -28 градус хүйтэн байх нь ээ.
- Билгийн тооллын 12, Бархасвадь гараг. Хэрцгий охин одтой, цагаагчин туулай өдөр. Өдрийн наран 8 цаг 19 минутад мандан, 17 цаг 53 минутад жаргана. Тухайн өдөр гахай жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба угаал үйлдэх, мал аж ахуйн үйл, удирдлагын суудалд суух, хийморийн дарцаг хатгахад сайн. Газар хагалах, ус булгийн эх малтах, уул овоо тахихад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод зүүн хойш гаргавал зохистой. Үс шинээр үргээлгэх буюу засуулахад тохиромжгүй.
- Үс шинээр үргээлэх буюу засуулахад тохиромжгүй.
- Валют арилжааны төвд ам.долларын авах ханш 3,494.00 төгрөг, зарах нь 3,500.00 төгрөг байна. Харин рублийн авах ханш 48.50, зарах ханш 49.00, юанийн авах ханш 517.00, зарах ханш 519.00, вонийн авах ханш 2.84, зарах ханш 2.86 төгрөг байна.
Өнөөдөр болох онцлох үйл явдлууд:
- 09.00-18.00 цагт Монголын Хүүхдийн ордонд: Дэлхийн нийтийн Тогтвортой хөгжлийн 17 зорилго, “Алсын хараа-2050” Монгол Улсын урт хугацааны бодлого болон ногоон хөгжил, тогтвортой хөгжлийн боловсролыг дэмжигч "Олон улсын эко-сургууль, цэцэрлэг хөтөлбөр"-ийн Үндэсний YII чуулган болно.
- 11.00 цагт “Юнион” төвд “Монголын Төмөр зам” компани төмөр замын бүтээн байгуулалт, тээвэрлэлт, шинээр тавих төмөр замуудын талаар мэдээлнэ. Утас: 9919-6244.
- 11.00-13.00 цагт Хавдартай тэмцэх дэлхийн өдрийг угтан, ХСҮТ, эрүүл мэндийн сэтгүүлчдийн “Цагаан үзэг” холбоо хамтран сэтгүүлчдэд зориулсан уулзалт, сургалт зохион байгуулна. Утас: 9910-6580, 8802-3206.
- 12.00 цагт “ЗМ” сонины Үндэсний мэдээллийн төвд “Эрдэнэт үйлдвэр” ТӨҮГ-ын удирдлагуудын хүнд суртал, хууль зөрчсөн, улсын төсөвт төвлөрүүлэх ёстой хөрөнгөөр үр ашиггүй зочид буудал барьсан талаар экологич Д.Туяа мэдээлэл хийнэ.
- 14.00 цагт Үндэсний музейд "ИХ ЖАНЖИН ДАМДИНЫ СҮХБААТАР ДҮРСЛЭХ УРЛАГИЙН БҮТЭЭЛД МӨНХӨРСӨН НЬ" тусгай үзэсгэлэн нээгдэнэ. Утас: 7011-0913, 7011-0911.
Энэ өдөр дэлхийн түүхэнд:
- 1461 онд Сарнайн дайн: Мортимерийн тулаан Английн Херфордшайрт эхэлжээ.
- 1536 онд Испанийн аялагч Педро де Мендоза Аргентиний нийслэл Буэнос-Айресийг анх илрүүлэв.
- 1653 онд Нью Амстердам (одоогийн Нью-Йорк) байгуулагдав.
- 1709 онд Цөлөөс аврагдсан Александер Селкиркийн амьдралаас сэдэвлэн зохиолч Даниел Дефо "Робинкон Крузо" зохиолоо бичив.
- 1876 онд АНУ-ын Мэргэжлийн бейсболын лиг албан ёсоор байгуулагдав.
- 1901 онд Их Британийн хатан хаан Викториаг оршуулах ёслол болов.
- 1913 онд Нью-Йоркын метроны төв зогсоол баригдаж дуусав.
- 1990 онд Өмнөд Африкийн ерөнхийлөгч Ф.В. де Леклерк амласнаа биелүүлж Нелсон Манделаг суллав.
- 2004 онд Швейцарийн алдарт теннис Рожер Федерер дэлхийн чансааг тэргүүлж эхлэв. Тэрээр 237 долоо хоногийн турш дэлхийн чансааг тэргүүлж, амжилт тогтоосон билээ.
- 2005 онд Канадын парламент ижил хүйстний гэрлэлтийг зөвшөөрөх эсэх асуудлыг хэлэлцэж эхэлжээ.
