Өнөөдрийн тухай таны мэдэх ёстой 46 зүйл: Засгийн газрын ээлжит хуралдаан болно

2 дугаар сарын 01-ны өдөр

Өнөөдөр гадаа -12 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй

Өглөөд заавал мэдэж байх ёстой зүйлүүд:

1. 1. Өнөөдөр бол жилийн 32 дахь өдөр бөгөөд он дуусахад 333 хоног үлдлээ.
2. 2. Цаг агаар өдөртөө -12 хэмийн хүйтэн бол шөнөдөө -29 градус хүйтэн байх нь ээ. 
3.  Билгийн тооллын 11, Гөрөөсөн толгой одтой, цагаан бар өдөр. Өдрийн наран 8 цаг 20 минутад мандан, 17 цаг 51 минутад жаргана. Тухайн өдөр нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба хараал, жатхыг буцаах, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, бомбын үйл, бэрийн үйлд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой.
4. Үс шинээр үргээлгэх буюу засуулбал эрхтэн хурц болно.
5. Валют арилжааны төвд ам.долларын авах ханш 3,494.00 төгрөг, зарах нь 3,500.00 төгрөг байна. Харин рублийн авах ханш 48.50, зарах ханш 49.00, юанийн авах ханш 517.00, зарах ханш 519.00, вонийн авах ханш 2.84, зарах ханш 2.86 төгрөг байна.

Өнөөдөр болох онцлох үйл явдлууд:

1. 09.00-14.00 цагт: “Холидэй Инн” зочид буудалд Сангийн яам, Татварын ерөнхий газар, Мэргэжлийн нягтлан бодогчдын институт (МНБИ), аудитын компаниуд, санхүү, нягтлан бодох бүртгэлийн ажилтнуудын  “Жилийн эцсийн санхүү, татварын тайлан бэлтгэх” сургалт зөвлөгөөн болно. Утас: 8808-6225.
2. Засгийн газрын ээлжит хуралдаан болно.
3. 11.00 цагт: “Монгол ньюс” мэдээллийн төвд "Монгол Улсын 21 аймгийн өрсөлдөх чадварын тайлан"-гийн үр дүнг Эдийн засгийн бодлого, өрсөлдөх чадварын судалгааны төвөөс танилцуулна.
4. 11.30 цагт: “ЗМ” сонины Үндэсний мэдээллийн төвд Үндсэн хуулийн шинэчлэлтийн талаар УИХ-ын дарга, Ерөнхийлөгч, Ерөнхий сайд нарт бичиг өргөх, ард иргэдэд уриалга гаргах талаар иргэд хэвлэлийн бага хурал зарлажээ. 

Энэ өдөр дэлхийн түүхэнд:

1. 1327 - Английн хаан ширээн өсвөр настай III Эдуард суув. Гэвч үнэн хэрэгтээ түүний эх Изабелла, амраг Рожер Мортимерийн хамт улсаа захирч байсан гэдэг.
2. 1587 - Английн хатан хаан Элизабэт 1 Шотландын Мари хатан хааныг цаазлах зөвшөөрөл өгчээ.
3. 1662 - Хятадын цэргийн жанжин Кошинга Тайваны арлыг 9 сар бүслэв.
4. 1788 - Исаак Бриггс болон Виллиам Лонгстрит нар уурын завьны патент авчээ.
5. 1790 - АНУ-ын дээд шүүх анх удаагаа цугалжээ. Хамгийн анхны удирдагч нь Нью-Иоркийн Жон Жай гэдэг хүн байжээ.
6. 1793- Франц улс Британи болон Нидерланд улсад дайн зарлав.
7. 1796 - Дээд Канад Йорк хошууны Ньюарк хот руу нүүв.
8. 1835 - Мауритиус улс боолчлолыг албан ёсоор халав.
9. 1861 - АНУ-ын иргэний дайн: Техас муж АНУ-аас салан тусгаарлав.
10. 1865 - АНУ-ын үндсэн хуулийн 13 дахь нэмэлт өөрчлөлтөд АНУ-ын ерөнхийлөгч Абрахам Линкольн гарын үсэг зуржээ.
11. 1884 - Оксфорд Англи хэлний Толь бичиг анх удаагаа хэвлэгдэн гарчээ.
12. 1893 - Нью Жэрсид, Томас Эдисон өөрийн киноны студээ нээжээ.
13. 1897 - Өмнөд Солонгосын хамгийн хуучны банк болох Шинхан банк Сөүл хотноо нээгдэв.
14. 1908 - Португалын хаан I Карлос болон түүний том хүү Луйс Филиппэ нар Лисабон хотын гудамжинд хувьсгалчидийн гарт алагджээ.
15. 1913 - Монгол Улс өөрийн хязгаар нутаг Өвөр Монголын ихэнх хошуудыг чөлөөлөв. Монгол Улсын Засгийн газар Өвөр Монголыг хятад цэргээс чөлөөлж улс үндэстнээ нэгтгэн, хязгаар нутгаа батлан хамгаалахаар Дотоод чуулганы Чуулалт хаалга, Бат хаалга, Долон нуур, Хөх хот, Бугат хотын чиглэлд таван замаар цэрэг хөдөлгөхөөр шийдвэрлэж зүүн өмнө хязгаарын цэргийг захирах жанжинд Манлайбаатар Ж.Дамдинсүрэнг томилжээ.
16. 1918 - Хаант Орос улс Григорийн тоололд албан ёсоор шилжив.
17. 1919 - Америкийн Миссийн тэмцээн Нью-Иорк хотод анх удаагаа болов.
18. 1924 - Их Британи улс ЗСБНХУ-ыг хүлээн зөвшөөрчээ.
19. 1942 - Дэлхийн хоёрдугаар дайн: Норвегийг булаан эзэлэсэн Нацистийн Германы рейхскомиссар Йосеф Тербовен тус улсын ерөнхий сайдын суудалд Видкун Кислингийг томилжээ.
20. "Америкийн дуу хоолой" радио, телевизийн нэвтрүүлэг бэлдэх эрхийг АНУ-ын засгийн газраас албан ёсоор авав. Дайны жилүүдэд тус радио станц Зөвлөлтийн нутгуудад өөрсдийнх нь хэлээр цацгдаж байжээ.
21. Хятадын удирдагч Мао Зедун "Сурах хувьсгал" гэгчийг сурталдаж, сургалтын системд өөрчлөлт оруулах эхлэл тавигджээ.
22. 1946 - Норвегийн улстөрч Трайгве Лиэ НҮБ-ын хамгийн анхны ерөнхий нарийн бичгийн даргаар сонгогджээ.
23. Унгарын парламент хэлэлцээд 900 жилийн туршид засагласан хаант засаглалыг бүгд найрамдах тогтолцоогоор солих шийд гаргав.
24. 1960 - Хойд Каролина мужийн Гринсборо хотод 4-н Африкийн Америк оюутан өөрсөдөд нь үйлчлэхээс татгалзсан хоолны газрыг эсэргүүцэн суулт хийжээ.
25. 1964 - Алдарт "Бийтлз" хамтлаг АНУ-д хамгийн анх удаагаа хит болсон "I Want to Hold Your Hand" дуугаа цацав.
26. 1965 - Канадын Лабрадор хотод урсдаг Хамилтон голыг Уинстон Черчилийн нэрээр "Черчилийн гол" гэж нэрийдэх болжээ.
27. 1968 - Вьетнамын дайн: Америкийн зурагчин Эдди Адамс Вьетнамын үндэсний цагдаагийн газрын дарга Нгуен Нгок Лоан энгийн нэгэн цэрэг Нгуен Ван Лемийг буудан хороож байгааг зургийн хальсанд буулгав.
28. Канадын эзэн хааны тэнгисийн цэрэг, Канадын арми, Канадын эзэн хааны агаарын хүч нэгдэж Канадын батлан хамгаалах хүчин болжээ.
29. 1979 - Ираны шашин төрийн дээд тэргүүн Аяатолла Рухолла Хомейни 15 жил цөлөгдсөнийхөө дараа Тегран хотод эргэн ирэв.
30. 1982 - Сенегал болон Гамбийн холбоо задрав.
31. 1990 - Румынь улсын Бухарест хотод "Хуманитас" хэвлэх газар байгуулагдав. Удалгүй философич Габриел Лийчианугийн зохиолыг хэвлэж, Румынь улсын хувьсгал эхэлсэн билээ.
32. 1996 - АНУ-ын Конгресс "Харилцаа холбооны ёс зүйн тухай хууль"-ийг баталжээ.
33. 1998 - АНУ-ын тэнгисийн цэргийн адмиралын суудалд Лиллиан Э.Фишбөрн суув. Ингэснээр адмирал цолонд хүрсэн анхны эмэгтэй хүн болсон билээ.
34. 2002 - "Уолл Стрийт Жорнал" сонины сурвалжлагч Даниел Пөрлийг цаазаар авсан болохыг Өмнөд Азийн мөрдөх товчоо тогтоожээ. Түүнийг Пакистаны хэт даврагчид 1-р сарын 23-ны өдөр барьцаалсан юм.
35. 2004 - Саудын Арабид жил бүр болдог Хажж мөргөлийн үеэр цугларсан олон шахцалдаж, 251 хүн амиа алдан, 244 хүн гэмтэж, бэртжээ.
36. 2009 - Исландын ерөнхий сайдын суудалд заларсан анхны эмэгтэй улстөрч Йоханна Сигурдоттир өөрийгөө ижил хүйстэн гэдгээ зарлажээ. Ингэснээр олон нийтэд бэлгийн чиг хандлагаа нээлттэй зарласан анхны өндөр албан тушаалтан болсон юм.
37. 2013 - Европын холбооны хамгийн өндөр барилга болох "Шард" цамхаг Их Британийн Лондон хотод албан ёсоор нээгдэв.