Өнөөдөр гадаа -9 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
Нэгдүгээр сарын 30-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 30 дахь өдөр бөгөөд он дуусахад 335 хоног үлдлээ.
- Цаг агаар өдөртөө -9 хэмийн хүйтэн бол шөнөдөө -23 градус хүйтэн байх нь ээ.
- Билгийн тооллын 9, Сумъяа гараг. Нэгэн эхийн зургаан хөвгүүн одтой, шар хулгана өдөр. Өдрийн наран 8 цаг 23 минутад мандан, 17 цаг 48 минутад жаргана. Тухайн өдөр луу, бич жилтнээ аливаа үйлийг хийхэд эерэг сайн. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, лусыг тахих, хүүхэд үрчлэн авах, хур оруулах, дархны үйлд сайн. Улааны үйл, төлгө тавих, морь уралдах, сэтгэлд сэвтэй газар очиход муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн урагшаа мөрөө гаргавал зохистой. Балжиннямтай өдөр. Үс шинээр үргээлгэх буюу засуулахад тохиромжгүй, өвчин өчүүхэн ирнэ.
- Валют арилжааны төвд ам.долларын авах ханш 3486.00 төгрөг, зарах нь 3492.00 төгрөг байна. Харин рублийн авах ханш 49.20, зарах ханш 49.50, юанийн авах ханш 512.00, зарах ханш 515.00, вонийн авах ханш 2.82, зарах ханш 2.85 төгрөг байна.
Өнөөдөр болох онцлох үйл явдлууд:
1. 15.00 цагт: Үндэсний номын санд: ШУА-ийн Түүх угсаатны зүйн хүрээлэнд гүйцэтгэсэн БНМАУ: СОЦИАЛИЗМ БА БУРХНЫ ШАШИН” сэдэвт суурь судалгааны төслийн ажлын үр дүнд хэвлэсэн “БНМАУ: СОЦИАЛИЗМ БА БУДДИЗМ” (1944-1992), “БНМАУ: СОЦИАЛИЗМ БА БУРХНЫ ШАШИН” (аман түүх) бүтээлийн нээлт, шүүмж хэлэлцүүлэг болно. Утас: 9971-7977.
2.14.30 цагт: Нийслэлийн Сүхбаатар дүүргийн шүүхэд:”Өргөө” амаржих газарт тариа андуурч хийсний улмаас хүн нас барсан хэргийн шүүх хурал болно.
3. 10.00 “Зөвлөлдөж шийдье” зөвлөлдөх санал асуулгын эхний шатны мэдээлэл цуглуулах үйл ажиллагаа орон даяар үргэлжилж байна. Эхний шатны мэдээлэл цуглуулалт 2-р сарын 2-ыг дуустал улс орон даяар явагдана.
Энэ өдөр дэлхийн түүхэнд:
- 2013 онд Өмнөд Солонгосын хамгийн анхны хөлөг "Наро-1" ачааны хөлөг хөөрөв.
- 2003 онд Бельгийн хаант улс ижил хүйстний гэрлэлтийг хуулиар хүлээн зөвшөөрчээ.
- 1989 онд Афганистан дахь АНУ-ын элчин сайдын яам хаалгаа барив.
- 1982 онд Ричард Скрента гэгч дэлхийн хамгийн анх удаа компьютерийн вирусны эсрэг код бичжээ. Тэрээр Apple компанид ажилладаг байсан юм.
- 1972 онд Умард Ирландын Дерри хотод Их Британийн түрэмгийллийн бодлогыг эсэргүүцсэн жагсаал болж, Британийн цагдаа нар хүч хэрэглэн тараав. Үүний уршгаар 14 хүн амиа алдсан юм. Түүхэнд үүнийг "Цуст ням гараг" гэж тэмдэглэсэн байдаг билээ.
- 1969 онд Бийтлз хамтлагийн олон нийтэд зориулсан сүүлийн тоглолт Лондон хотноо болов. Гэвч шүтэн бишригчид их ирсэнтэй холбоотойгоор цагдаа нар тарааж, тоглолт цагаасаа өмнө дууссан юм.
- 1959 онд хэзээ ч живэшгүй гэгдэж байсан Ханс Хедтофт гэх хөлөг онгоц мөсөн уул мөргөсний улмаас живж, хөлгийн багийн 95 зорчигч бүгд амиа алджээ.
