Нэгдүгээр сарын 26-ны өдөр
Өнөөдөр гадаа -19 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
Өглөөд заавал мэдэж байх ёстой зүйлүүд:
- Өнөөдөр бол жилийн 26 дахь өдөр бөгөөд он дуусахад 339 хоног үлдлээ.
- Цаг агаар өдөртөө 19 хэмийн хүйтэн бол шөнөдөө 32 хэм хүйтэн байх нь ээ.
- Билгийн тооллын 5, Бархасвадь гараг. Могойг хүлэгч одтой, хөх бич өдөр. Өдрийн наран 8 цаг 27 минутад мандан, 17 цаг 42 минутад жаргана. Тухайн өдөр хулгана жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Үс шинээр үргээлгэх буюу засуулбал эд, мал арвидна.
- Валют арилжааны төвд ам.долларын авах ханш 3486.00 төгрөг, зарах нь 3492.00 төгрөг байна. Харин рублийн авах ханш 49.20, зарах ханш 49.50, юанийн авах ханш 512.00, зарах ханш 515.00, вонийн авах ханш 2.82, зарах ханш 2.85 төгрөг байна.
Өнөөдөр болох онцлох үйл явдлууд:
- 10.00-13.00 цагт Нээлттэй Нийгэм форумын хурлын танхимд “Глоб интернэшнл” төвөөс "ИРГЭДИЙН МЭДЭХ ЭРХ ХАНГАГДАЖ БАЙНА УУ?" хэлэлцүүлэг зохион байгуулна. Хэлэлцүүлэгт ЦХХЯ, АТГ, ХЭҮК, “Монголын Эмнест интернэшнл” зэрэг төр, иргэний нийгмийн байгууллагын төлөөлөл оролцоно. Утас: 9917-0361, 9990-2582.
- 11:00 цагт ХӨСҮТ-д: томуу өвчлөлийн нөхцөл байдал, дархлаажуулалтын хувь, ЕБС-иудын хичээл эхлэхтэй холбогдуулсан зөвлөмж, ковидын нөхцөл байдал, БНХАУ-ын хил нээгдсэнтэй холбоотой зорчих хөдөлгөөнд анхаарах зүйлсийн талаар мэдээлнэ Утас: 8964-7777.
- 11.00 цагт “Монгол ньюс” мэдээллийн төвд Монгол Улсын Үндсэн хуульт байгууллагад халдаж буй талаар иргэд болон “Урбан” иргэдийн форум “No double standard”-аас мэдээлэл хийнэ.
- 11.00-15.00 цагт Зайсан дахь Цэнгэг усны нөөц, байгаль хамгаалах төвд Монголын Байгаль орчны иргэний зөвлөл (МБОИЗ)-өөс агаарын бохирдлын талаар байгаль орчин, экологийн шинжээч, эрдэмтэн, мэргэжилтнүүд оролцсон нээлтэй хэлэлцүүлэг болно. Утас: 8080-4244.
Энэ өдөр дэлхийн түүхэнд:
- 1500 онд Испанийн аялагч Висентэ Яанез Пинзон Бразил улсад хүрсэн анхны европ хүн болж, түүхэнд нэрээ үлдээжээ.
- 1837 онд Мичиган муж АНУ-ын 26 дахь муж улс болжээ.
- 1838 онд АНУ-ын нутаг дэвсгэрт Теннеси муж анх удаагаа согтууруулах ундааны төрлийн бүтээгдэхүүнийг хориглосон хууль баталжээ.
- 1885 онд Египетийг захирч байсан Британийн ерөнхийлөн захирагч Чарльз Жорж Гордоныг орон нутгийн салан тусгаарлах үзэлтнүүд хороожээ.
- 1905 онд Дэлхийн түүхэнд одоогоор олдоод байгаа хамгийн том очир эрдэнн Өмнөд Африкийн Преториа хотын "Премьер" уурхайгаас олдов. Уг очир эрдэнэ нь 3,1 карат буюу 0.6 кг-ын жин татаж байсан юм.
- 1930 онд Энэтхэгийн үндэсний конгресс Их Британиас албан ёсоор тусгаар тогтносыг олон нийтэд зарлав.
- 1952 онд Хар бямба гараг: Кайро хотын төвийн дүүрэгт томоохон бослого дэгдэв. Босогчид Британийн дээд давхаргын хүмүүсийг нутгаасаа явахыг шаардан ийнхүү жагссан байна.
- 1962 онд АНУ-ын Сансар судлалын агентлаг буюу НАСА сарыг судлах зорилготой "Рейнжер 3" хөлгийг хөөргөжээ.
- 1965 онд Шинээр байгуулагдсан Энэтхэг улс "Хинди" хэлийг албан ёсны хэл болгожээ.
- 2001 онд Энэтхэгийн баруун хэсэгт 10-с дээш магнитудын хүчтэй асар хөнөөлтэй газар хөдлөв. Газар хөдлөлтийн улмаас 13-20 мянган хүн амиа алджээ.
