Өнөөдөр гадаа -15 градусын хүйтэн байна. Цаг агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Нэгдүгээр сарын 25-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 25 дахь өдөр бөгөөд он дуусахад 340 хоног үлдлээ.
- Нийслэлд цаг агаар өдөртөө -15 хүйтэн бол шөнөдөө -31 градус хүйтэн байх нь ээ.
- Билгийн тооллын 4, Шувуун хошуут одтой, харагчин хонь өдөр. Тухайн өдөр гахай, туулай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, хишиг даллага дуудуулах, насан бүтээл хийлгэх, мал худалдан авах, мал түгээх, сахил санваар авах, хануур, төөнүүр хийлгэх, хийморийн дарцаг хатгахад сайн. Эрдэнийг гадагш өгөх, уул овоо тахихад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулбал бие эрхтний, хүч сайжирна.
- Валют арилжааны төвд ам.долларын ханш 3477.88 төгрөг, Харин рублийн ханш 50.69, юанийн ханш 512.62, вонийн ханш 2.83 төгрөг байна.
Өнөөдөр болох онцлох үйл явдлууд:
- 09.00 цагт: “Блью Скай” зочид буудалд: “Цахим орчинд хүний эрхийг хамгаалах, хэрэгжүүлэх арга хэмжээ” хэлэлцүүлэгтэй. Утас 8811-7044.
- 09.00 цагт: ХЭҮК-оос “Хоригдлын хөдөлмөрийн нөхцөл байдлыг тодорхойлох судалгаа”-г танилцуулна. Уулзалтад ХЭҮК, ШШЕГ болон хууль сахиулах байгууллагын удирдлага, ОУХБ, “Ардчилал судлалын хүрээлэн” ТББ, Хууль зүйн үндэсний хүрээлэнгийн удирдлага, төлөөлөл оролцоно. Утас 99028438
- 10:00 цагт: “Пума империал” зочид буудалд: “Олон нийтийн сүлжээнд хүний эрхийг хамгаалах хуулийн талаар нээлттэй хэлэлцүүлэг болно.
- 11:00 цагт: АТГ-аас хэвлэлийн бага хурал зарлалаа. Хурал тус газрын "Олон нийтийн төв"-д болно. Утас 8075-0912.
- 11.00 цагт: МҮОХ-ны байранд: Энэ сарын 27-28-нд “Степпе арена”-д болох “Тал нутгийн мөсөн шоу”-ны талаар мэдээлнэ. Уран гулгалтын гайхамшигтай тоглолтыг харуулах уг шоуг Монгол, Японы хооронд дипломат харилцаа тогтоосны 50 жилийн ойн хүрээнд Монгол, Японы Тэшүүрийн холбоо хамтран Монголд анх удаа зохион байгуулах юм. Утас: 9100-3472, 8900-3472.
- 15.00 цагт: “Холидэй Инн” зочид буудалд: “Бодлогод залуусын хяналт” ТББ-аас иргэний нийгэм, төр, олон улсын байгууллагуудын уур амьсгалын өөрчлөлтийн асуудлаар “Бодлогын түвшинд хамтран ажиллацгаая!” олон талт, нээлттэй хэлэлцүүлэг зохион байгуулна. Утас: 8611-1985, 8806-1346.
- Энэ өдөр дэлхийн түүүхэнд:
- 41 - Ромын сенат бүтэн шөнийн турш хэлэлцсэний үндсэн дээр Клаудиусыг Ромын эзэнт гүрний хаанаар хүлээн зөвшөөрчээ.
- 1515 - Францын хаан ширээнд I Фрэнсис суув.
- 1533 - Английн хаан VII Хенри 2 дахь эхнэр Анне Болейнтэй нууцаар гэрлэжээ.
- 1554 - Бразилын Сан Паулу хот байгуулагдав.
- 1573 - Японы Микатагахарагийн тулалдаанд Такэда Шингэн Токүгава Иэясүг ялав.
- 1575 - Португалын нэрт аялагч Паулу Диас де Новайс одоогийн Ангол улсын нийслэл Луанда хотыг байгуулжээ.
- 1755 - Москвагийн их сургууль байгуулагдав.
- 1765 - Өмнөд Америкийн өмнөд эрэгт орших Фолклендийн аралд Их Британи улс Эгмонтын боомтыг байгуулжээ.
- 1771 - Оросын их хатан хаан II Екатерина Халимаг Монголчуудыг өөрийн газар нутаг гэх зарлиг гаргасан боловч Халимаг Монголчууд хэдийнэ нутагаа орхин гарсан байжээ.
- 1858 - Их Британийн хатан хаан Викториагийн охин, гүнж Викториа болон Пруссийн Фридрих нарын хуримын үеэр Феликс Менделссоны Хуримын марш анх удаа эгшиглэсэн.
- 1879 - Болгарын үндэсний банк байгуулагджээ.
- 1881 - Алдарт зохион бүтээгчид болох Томас Эдисон, Александр Грэхэм Белл хамтарч "Oriental Telephone" компанийг байгуулжээ.
- 1890 - Америкийн эмэгтэй аялагч Нелли Блай дэлхийг 72 хоног тойрч, эх нутагтаа иржээ.
- 1909 - Германы Дрезден хотын дуурийн театрт нэрт хөгжмийн зохиолч Рихард Штрауссын "Электра" дуурь анх удаа тайзнаа тавигдав.
- 1918 - Украин улс Оросын Болщевикуудаас тусгаар тогтнолоо зарлав.
- 1924 - Францын Альпын нуруунд орших Шамони хотод Өвлийн олимп ёслол төгөлдөр нээлтээ хийв. Ийнхүү өвлийн спортын анхны олимп Франц улсад нээгдсэн юм.
- 1932 - Хятад-Японы хоёрдугаар дайн: Харбиныг Хятадын үндэсний хувьсгалт цэргүүд хамгаалалтад авав.
- 1941 - АНУ-ын мэдэлд орших Хавайн аралд католик сүм байгуулах зарлигийг Ромын пап XII Пиус гаргажээ.
- 1942 - Дэлхийн хоёрдугаар дайн: Тайланд улс АНУ, Их Британи улсад дайн зарлалаа.
- 1945 - Дэлхийн хоёрдугаар дайн: Бульжийн тулалдаан өндөрлөв.
- 1947 - Зохион бүтээгч Томас Голдсмит "Катодын туяа бүхий дөрвөлж"-ийг патентжуулснаар, хамгийн анхны "компьютер" тоглоом зохион бүтээгдсэн юм.
- 1949 - Америкийн телевизийн урлагийн хамгийн том шагнал болох "Эмми"-гийн шагнал гардуулах ажиллагаа анх удаагаа зохиогдов.
- 1955 - Германтай хийсэн дайн албан ёсоор өндөрлөснийг ЗХУ-ын удирдлагууд мэдэгдэв.
- 1961 - Ерөнхийлөгч Жон Ф.Кеннедигийн хэвлэлийн бага хурлыг телевизээр анх удаа шууд дамжуулжээ.
- 1971 - Тейт болон ЛаБианка нарын хэрэгт сэжигтнээр татагдаад байсан Чарльз Менсон болон түүний гэр бүлийн гурван гишүүнийг уг хэрэгт буруутай гэдгийг тогтоожээ.
- 1979 - Ромын пап II Йон Павел анхны гадаад айлчлалаа Бахамын арлууд, Доминикан, Мексик улсаас эхлэв.
- 1980 - Тереза эх Энэтхэгийн хамгийн том шагнал болох Бхарат Ратнаг хүртжээ.
- 1993 - АНУ-ын Виржиниа мужийн Лангли хотод байрлах Тагнуулын төв газрын байрны гадаа гал нээсний улмаас таван хүн амиа алдав. Дараа өдөр нь шархадсан хоёр хүн шархаа даалгүй амиа алджээ. Энэ халдлагын улмаас гурван хүн хүнд шархадсан юм.
- 1996 - АНУ түүхэндээ хамгийн сүүлчийн удаа ялтанг дүүжилж цаазаар авав. Дүүжлүүлсэн хэрэгтэнг Билли Бейли гэдэг байжээ.
- 1998 - Ромын пап II Йон Павел Куба улсад түүхэн айлчлал хийв. Куба улсад айлчилсан анхны пап тэрээр Кубын удирдлагуудтай улстөрийн хоригдлыг суллах, хүний эрхийг хүндэтгэн үзэх талаар санал солилцсон юм.
- 2005 - Энэтхэгийн Махараштра хотод байрлах Мандрадеви сүмд мөргөлчид олноороо цугларсны улмаас шахцалдаан үүсч, 258 хүн амиа алджээ.
- 2006 - Мексикийн мэргэжлийн бөхийн тулааны од Хуана Барраза цуврал аллагад сэжиглэгдэн баривчлагдав. Тэрээр 10 гаруй эмэгтэй хүнийг хороожээ.
- 2011 - Египетийн ард иргэд засаглалаа эсэргүүцэн жагсаал дэгдээв.
