Өнөөдөр гадаа -19 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
1 дүгээр сарын 24-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 24 дэх өдөр бөгөөд он дуусахад 343 хоног үлдлээ.
- Цаг агаар өдөртөө -19 хэмийн хүйтэн бол шөнөдөө -32 градус хүйтэн байх нь ээ.
- Билгийн тооллын 3, ангараг гараг. Чөдөр одтой хар морь өдөр. Өдрийн наран 8 цаг 29 минутад мандан, 17 цаг 39 минутад жаргана. Тухайн өдөр нохой, бар могой жилтнээ аливаа үйлийг хийхэд эерэг сайн, тахиа, бич жилтнээ сөрөг муу нөлөөтэй. Үс шинээр үргээлэх буюу засуулбал эд, мал баялаг төгөлдөр болно.
- Валют арилжааны төвд ам.долларын авах ханш 3486.00 төгрөг, зарах нь 3492.00 төгрөг байна. Харин рублийн авах ханш 49.20, зарах ханш 49.50, юанийн авах ханш 512.00, зарах ханш 515.00, вонийн авах ханш 2.82, зарах ханш 2.85 төгрөг байна.
Өнөөдөр болох онцлох үйл явдлууд:
- 09.00-11.00 цагт “Туушин” зочид буудалд “Орон нутгийн өсвөр үеийнхэнд хувь хүний ур чадвар Энтрепренершипийн боловсрол олгох” төслийн туршлага солилцоно. БШУ-ны сайд Л.Энх-Амгалан оролцож төслийн туршлага, үр дүнг мэдээлнэ. Утас: 9565-6360.
- 10.00 цагт БШУЯ-нд Засгийн газар, Япон улсын олон улсын хамтын ажиллагааны ЖАЙКА байгууллагаас 2018-2022 онд хамтран хэрэгжүүлсэн “Суурь боловсролын чанарыг ахиулахад мэдээлэл, харилцааны технологийг оновчтой ашиглах нь” төслийн хаалт болно. Утас: 8810-2915.
- 10:00 цагт “Шангри-Ла” зочид буудалд Монгол дахь Америкийн Худалдааны Танхимын хурал Монгол Улсын гадаад харилцааны бодлого, гуравдагч хөршийн бодлогын талаар хэлэлцэж, УИХ, олон улсын дипломат албаны төлөөлөгчид болон хувийн хэвшлийн төлөөлөл оролцоно.
- 11.00 цагт МҮОХ-ны байранд: “Степп арена"-д болох “Тал нутгийн мөсөн шоу”-ны зохион байгуулалтын талаар хэвлэлийн бага хурал зарлажээ.
- 11.30 цагт “Монгол ньюс” мэдээллийн төвд "Түгжрэлийг богино хугацаанд бага зардлаар арилгаж нийслэлчүүдийн 3 их наяд төгрөгийн хохирлоос салгах" талаар иргэн Д. Дорждагва мэдээлэл хийнэ.
- 11.30 цагт УИХ-ын гишүүн Н.Учралын 3 хоногийн дотор УИХ-аар батлуулсан хуулийн талаар С.Зориг агсны хөшөөтэй АН-байранд хэвлэлийн хуралтай. Утас: 99972117, 93113995
Энэ өдөр дэлхийн түүхэнд:
- 2011 онд ОХУ-ын нийслэл Москва хотын "Домодедово" нисэх буудалд дэлбэрэлт болж 35 хүн амиа алдаж, 180 хүн шархадсан хэрэг гарчээ.
- 2003 онд АНУ-ын Дотоодын аюулгүй байдлыг хангах хороо албан ёсоор үйл ажиллагаагаа эхлэв.
- 1990 онд Япон улс түүхэндээ анх удаа сарыг судлах "Хитэн" хиймэл дагуулыг хөөргөв.
- 1984 онд Алдарт Apple компанийн "Макинтош" компьютер Америкийн зах зээлд худалдаалагдаж эхлэв.
- 1978 онд Цөмийн зэвсэг тээж хөөргөсөн Космос 954 пуужин дэлхийн агаар мандлаас гарч чадалгүй дэлбэрчээ. Хожим нь пуужингийн үлдэгдэл Канадын Баруунхойд хэсгээс илэрсэн юм.
- 1943 онд Дэлхийн хоёрдугаар дайн: АНУ-ын ерөнхийлөгч Франклин Д.Рүүзвельт, Их Британийн ерөнхий сайд Уинстон Черчиль нар Касабланкагын хэлэлцээг эхлүүлэв.
- 1918 онд Хаант Оросын "Ардын төлөөлөгчдийн зөвлөл" Грегорийн тоололд шилжих шийд гаргажээ.
