Нэгдүгээр сарын 23-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 23 дахь өдөр бөгөөд он дуусахад 342 хоног үлдлээ.
- Цаг агаар өдөртөө 29 хэмийн хүйтэн бол шөнөдөө 42 хэм хүйтэн байх нь ээ.
- Билгийн тооллын 2, Тооно одтой, цагаагчин могой өдөр. Тухайн өдөр үхэр, тахиа жилтнээ аливаа үйлийг хийхэд эерэг сайн. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, хараал, жатхыг буцаах, газар лусын зан үйл хийх, өр барагдуулах, гэр бүрэхэд сайн. Ургаа мод таслах, газрын ам нээх зэрэг үйлд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун зүгт мөрөө гаргавал зохистой. Үс шинээр үргээлгэх буюу засуулахад тохиромжгүй
- Манай улсын голлох валют болох ам.долларын ханш 3471.00 төгрөгтэй тэнцэж байгаа бол бусад валют болох рубль 50.48, юань 512.18, вон 2.81 төгрөг байна.
Өнөөдөр болох онцлох үйл явдлууд:
- 09.00 цагт “Скай плаза” бизнес төвд Уул уурхайн үндэсний ассоциаци Монгол-Австралийн Засгийн газрын “АМЕП-2” хөтөлбөртэй хамтран "Хариуцлагатай уул уурхай" хөтөлбөрийн “ХӨНДЛӨНГИЙН ҮНЭЛГЭЭНИЙ МЭРГЭЖИЛТЭН” бэлтгэх сургалт, уулзалт болно. Үйл ажиллагааны нээлтэд Австрали улсын Элчин сайд болон “АМЕП-2” хөтөлбөрийн ахлагч, төлөөлөл оролцоно. утас: 9912-0073.
- 10:00 цагт Лего роботын үндэсний аварга шалгаруулах тэмцээн болно. Мөн дэд төрлүүд болох Сумо робот, цагаан зураас дагадаг робот, Америк хөлбөмбөгийн робот зэрэг тэмцээнүүд явагдана.
- 14.00 цагт ГХЯ-нд Монгол Улс, Их Британи, Умард Ирландын Нэгдсэн Хаант Улсын хооронд дипломат харилцаа тогтоосны 60 жилийн ойд зориулан шуудангийн марк болон гэрэл зургийн үзэсгэлэнгийн нээлт болно.
Энэ өдөр дэлхийн түүхэнд:
- 393 - Ромын эзэн хаан I Теодосий эзэнт гүрний хаанаар найман настай хүү Онориусыг зарлаж, насанд хүрэх хүртэл нь хамтран төр барихаар болжээ.
- 971 - Нум сум агссан Сонгын эзэнт гүрний цэргүүд заанаар зэвсэглэсэн Өмнөд Хан гүрэнтэй Шаогын талд тулалджээ.
- 1368 - Хятадын Мин гүрний хаан ширээнд Жү Юаньжан суужээ. Ийнхүү Мин гүрэн дараагийн гурван зууны туршид оршин тогтносон юм.
- 1556 - Түүхэнд бүртгэгдсэн хамгийн хөнөөлтэй газар хөдлөлт Хятадын Шаанши мужид болжээ. Газар хөдлөлтийн улмаас 830 мянган хүн амиа алдсан байна.
- 1571 - Английн Лондон хотод эзэн хааны дэргэдэх валютын бирж нээгджээ.
- 1579 - Нидерландын Утрехт хотноо протестантуудын нэгдэл хуралдаж, тус улсыг протестант бүгд найрамдах улс болгох дээр санал нэгджээ.
- 1719 - Ариун Ромын эзэнт гүрэн дотор Лихтенштейны вант улс байгуулагдав.
- 1789 - АНУ-д Жоржтауны коллеж байгуулагдав. Энэ нь тус улс дахь хамгийн анхны католик сургууль болсон юм.
- 1849 - АНУ-ын түүхэнд хамгийн анх удаа эмэгтэй хүн докторын зэрэг хамгаалав. Элизабет Блакуелл гэгчэмэгтэй анагаах ухааны докторын зэргийг Нью-Йорк хотын Женевийн коллежид хамгаалжээ.
- 1899 - Филиппинд анхны бүгд найрамдах улс байгуулагдаж, анхны ерөнхийлөгчөөр Эмилио Агинальдо сонгогдсон байна.
- 1909 - Уайт Стар Лайн компанийн угсарсан "Republic" хөлөг Америкийн "Флорида" хөлөгтэй Массачусетсийн эрэг орчимд мөргөлджээ. Үүний улмаас зургаан хүн амиа алдсан байна. Хөлөг мөргөлдсөнөөс хойш нэг өдрийн дараа "Republic" хөлөг бүрэн живсэн юм.
- 1937 - ЗХУ-ын эсрэг үзэлтэй Лев Трофкыгоор тэргүүлсэн хүмүүсийг шүүх ажиллагаа Москва хотноо эхэлжээ.
- 1942 - Дэлхийн хоёрдугаар дайн: Японы эзэн хааны арми Австралийн мэдэлд байх Шинэ Гвинейг булаан эзлэхийн төлөөх тулалдаанаа эхлүүлэв.
- 1943 - Дэлхийн хоёрдугаар дайн: Буна-Гонагын тулаанд Америк, Австарлийн хамтарсан арми Японы армийг бут ниргэжээ.
- 1945 - Дэлхийн хоёрдугаар дайн: Германы адмирал Карл Дөнитц "Ханнибал" ажиллагааг албан ёсоор эхлүүлжээ.
- 1950 - Шинээр байгуулагдсан Израйль улсын нийслэл хотыг Йерусалем гэж зарлав.
- 1957 - Америкийн зохион бүтээгч Уолтер Фредерик Моррисон нисдэг таваг зохион бүтээжээ.
- 1958 - Венесуэль улсад ерөнхийлөгчөө эсэргүүцсэн жагсаал улам эрчээ авч байхтай зэрэгцэн тус улсын ерөнхийлөгч Маркос Перез Хименез албан тушаалаа өөрийн хүсэлтээр өгчээ.
- 1963 - Гвиней-Биссаугын босогчид Португалийн захиргаанаас мултрахын төлөөх дайныг эхлүүлэв.
- 1967 - ЗХУ Африк тивийн Кот Д'Вуар улстай дипломат харилцаа тогтоожээ.
- 1973 - АНУ-ын ерөнхийлөгч Ричард Никсон Вьетнамтай энхийн хэлэлцээ хийж байгааг олон нийтэд зарлажээ.
- 1986 - Рок н Роллын алдарын танхим байгуулагдав. Алдрын танхимын анхны гишүүнээр Литтль Ричард, Чак Берри, Жеймс Браун, Рей Чарльз, Сем Күүк, Фатс Домино, Эверли Бродерс, Бадди Холли, Жерри Лий Льюс, Элвис Пресли нарыг бүртгэн авчээ.
- 1997 - АНУ-ын Төрийн нарийн бичгийн даргаар Медлин Олбрайтыг томилов. Ингэснээр тэрээр АНУ-ын анхны эмэгтэй Төрийн нарийн бичгийн дарга болсон юм.
- 2001 - Хятадын Коммунист намыг эсэргүүцсэн таван хүн Тиананьмены талбайд өөрсдийгөө шатаахыг оролджээ. Цагдаа нар цаг алдалгүй энэ оролдлогыг болиулсан юм.
- 2002 - Пакистаны Карачи хотод Америкийн сэтгүүлч Даниель Пөрлийг барьцаалав.
- 2003 - АНУ-ын хөөргөсөн "Пионер 10" хөлгөөс маш сул дохио ирсэн боловч өгөгдлийг нарийвчлан боловсруулж чадсангүй.
- 2018 - Аляскын хоолойд 7.9 магнитудын хүчтэй газар хөдлөв. Энэ нь АНУ-д бүртгэгдсэн зургаа дахь томоохон газар хөдлөлт болсон юм. Газар хөдлөлтийн улмаас ямар нэгэн хохирол учраагүй байна.
