Өнөөдөр гадаа -4 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Нэгдүгээр сарын 10-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 10 дахь өдөр бөгөөд он дуусахад 355 хоног үлдлээ.
- Цаг агаар өдөртөө -4 хэмийн хүйтэн бол шөнөдөө -19 градус хүйтэн байх нь ээ.
- Билгийн тооллын 18. Ангараг гараг. Их морь одтой шар луу өдөр. Өдрийн наран 8 цаг 40 минутад мандан, 17 цаг 19 минутад жаргана. Тухайн өдөр хулгана жилтнээ аливаа үйлийг хийхэд эерэг сайн. Бич, тахиа жилтэн бие энхрийлүүштэй. Үс шинээр үргээлгэх буюу засуулахад тохиромжгүй хэмээжээ.
- Манай улсын голлох валют болох ам.долларын ханш авах нь 3468.00, зарах нь 3475.00 төгрөгтэй тэнцэж байгаа бол бусад валют болох рубль авах нь 47.50, зарах нь 48.20 юань 507.00, зарах нь 510.00, вон авах нь 2.81, зарах нь 2.83 байна.
Өнөөдөр болох онцлох үйл явдлууд:
- 11.00 цагт УИХ-ын ээлжит “Хуулийн мэдээллийн цаг”-аар УИХ-ын гишүүн Х.Булгантуяа, Э.Бат-Амгалан нар оролцож, Хөрөнгийн үнэлгээний тухай, Шүүх шинжилгээний байгууллагын тухай хуулийн талаар мэдээлнэ.
-
11.00 цагт ХӨСҮТ-ийн мэдээллийн танхимд томуу, томуу төст өвчний болон ковидын нөхцөл байдлын талаар мэдээлнэ. Утас: 8964-7777. -УИХ-ын Үйлдвэржилтийн бодлогын байнгын хорооны дарга, гишүүд Төв аймагт үйл ажиллагаа явуулж буй махны үйлдвэрүүдийн үйл ажиллагаатай танилцана.
-
11.00 цагаас ХӨСҮТ-ийн мэдээллийн танхимд Томуу, томуу төст өвчний нөхцөл байдал, Ковидын нөхцөл байдлын талаар мэдээлэл хийнэ.
Энэ өдөр дэлхийн түүхэнд:
- 2007 онд Гвиней улсад бүх нийтийн ажил хаялт зарласны дараа, тухайн үеийн ерөнхийлөгч Лансана Конте үүрэгт ажлаа өөрийн хүсэлтээр өгөв.
- 1990 онд Уорнерийн харилцаа холбооны компани, Тайм компаниуд нэгдэж, Тайм Уорнер компани байгуулагдав.
- 1984 онд АНУ, Ватиканы хооронд 117 жил тасраад байсан дипломат харилцаа эргэн сэргэв. 1867 онд АНУ-ын Төлөөлөгчдийн танхим Ватикантай эдийн засаг болон соёлын талаар харилцах бүх харилцаагаа таслах шийдвэр гаргаж байжээ.
- 1966 онд Ташкентын тунхагаар Энэтхэг-Пакистаны тал энхийн гэрээнд гарын үсэг зурж, Энэтхэг-Пакистаны хооронд жил гаруй үргэлжилсэн дайн өндөрлөжээ.
- 1946 онд НҮБ-ын Ерөнхий ассемблейн анхны хуралдаан Лондон хотноо эхлэв. Анхны хуралдаанд 51 улсын төлөөлөгчид оролцжээ.
- 1927 онд Дэлхийн түүхэн дэх хамгийн алдартай зөгнөлт кино гэгдэх "Метрополис" кино Германд нээлтээ хийв.
- 1920 онд Версалийн гэрээ байгуулагдсанаар дэлхийн I дайн дуусав
