Өнөөдөр гадаа 16 хэм хүйтэн байна. Цаг агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Нэгдүгээр сарын 2-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 2 дахь өдөр юм. Мөн он дуустал 363 өдөр (өндөр жил бол 364 өдөр) үлдэж байна.
- Цаг агаар өдөртөө 16 хэм хүйтэн бол шөнөдөө 33 хэм хүйтэн байх нь ээ.
- Билгийн тооллын 11, сумъяа гараг. Гоё хүүхэн одтой цагаан бич өдөр. Тухайн өдөр хулгана, луу жилтнээ аливаа үйлийг хийхэд эерэг сайн. Эл өдөр элдэв зүйлд хянуур хандах хэрэгтэй ба ан гөрөө хийх, мал адгуус муулах, сүм дуганыг сэргээх, бүжиг наадам хийх, цэцэрлэг байгуулах, урлан бүтээхэд нэн сайн. Хувцас эсгэх, шинэ хувцас өмсөх, зөвлөгөө хийх, гөлөг тэжээхэд муу. Өдрийн сайн цаг нь үхэр, луу, могой, хонь, нохой болой. Үс шинээр үргээлгэх буюу засуулахад эрхтэн хурц болно.
- Манай улсын голлох валют болох ам.долларын ханш авах нь 3460.00, зарах нь 3466.00 төгрөгтэй тэнцэж байгаа бол евро авах нь 3680.00, зарах нь 3695.00 төгрөг, бусад валют болох рубль авах нь 49.00, зарах нь 50.00, харин юань авах нь 492.50, зарах нь 494.00, вон авах нь 2.69, зарах нь 2.70 төгрөг байна.
Өнөөдөр болох онцлох үйл явдлууд:
- Төв талбайд иргэд өдрийн цагаар ирж үзэл бодлоо илэрхийлсэн хэвээр байна.
- 09.00 цагт Нийсэлэлийн удирдах ажилтнуудын шуурхай зөвлөгөөн болно.
- 10.00 цагт: Төрийн ордонд УИХ дахь МАН, АН-ын бүлгүүдийн хуралдаантай.
- 10.00-14.00 цагт: УИХ-ын Эдийн засгийн байнгын хороо хуралдаж, Аялал жуучлалын болон Уул уурхайн биржийн хуулийн төслүүдийг хэлэлцэнэ.
Энэ өдөр дэлхийн түүүхэнд:
- 533 – Ромын Пап ламаар сонгогдсон Меркуриус өөрийн сахилын нэрээ II Йоан болгож өөрчлөв. Энэ нь католик шашны түүхэнд анхны тохиолдол болсон юм.
- 1777 – АНУ-ын хувьсгал: Америкийн цэргийн хүчнүүд Нью-Жерси мужийн Трентоны тулаанд генерал Жорж Вашингтоны удирдлагад нэгдэж, Британийн армийн өөдөөс тулалдахаар болов.
- 1788 – Жоржиа муж улс АНУ-ын холбооны дөрөв дэх муж болов.
- 1860 – Францын нийслэл Парис хотод байрлах Францын шинжлэх ухааны академи Вулкан гаригийг нээн илрүүлснээ албан ёсоор зарлав.
- 1871 – Испанийн хаан ширээнд I Амадейс суув.
- 1935 – АНУ-ын алдарт нисгэгч Чарльз Линдбергийн хүүг барьцаалсан гэх Бруно Хауптманнд холбогдох хэргийн шүүх хурал эхэлжээ.
- 1942 – Дэлхийн хоёрдугаар дайн: Японы арми Филиппин улсын Манила хотыг эзлэн авав.
- 1945 – Дэлхийн хоёрдугаар дайн: Холбоотон арми Нацистийн Германы Нюренбэрг хотыг удаа дараа бөмбөгдөв.
- 1955 – Панамын Ерөнхийлөгч Хосе Антонио Ремон Кантера халдлагад өртөв.
- 1959 – ЗХУ дэлхийн түүхэнд анх удаа Луна-1 хиймэл дагуулыг хөөргөв.
- 1967 – АНУ-ын Калифорни мужийн амбан захирагчаар өмнө нь жүжигчин байсан Рональд Рейган сонгогдов.
