Өнөөдөр гадаа 18 хэм хүйтэн байна. Цаг агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арванхоёрдугаар сарын 28-ны өдөр
Өглөөд заавал мэдэж байх ёстой зүйлүүд:
1. Өнөөдөр бол жилийн 362 дахь өдөр бөгөөд он дуусахад 3 хоног үлдлээ.
2. Цаг агаар өдөртөө 11 хэм хүйтэн бол шөнөдөө 28 хэм хүйтэн байх нь ээ.
3. Билгийн тооллын 6, Чөдөр одтой, хөхөгчин туулай өдөр. Тухайн хонь, гахай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Үс шинээр үргээлгэх буюу засуулахад өнгө зүс орно.
4. Манай улсын голлох валют болох ам.долларын ханш авах нь 3460.00, зарах нь 3466.00 төгрөгтэй тэнцэж байгаа бол евро авах нь 3680.00, зарах нь 3695.00 төгрөг, бусад валют болох рубль авах нь 49.00, зарах нь 50.00, харин юань авах нь 492.50, зарах нь 494.00, вон авах нь 2.69, зарах нь 2.70 төгрөг байна.
Өнөөдөр болох онцлох үйл явдлууд:
1. 10.00 цагт: МҮСТО-нд Онцгой байдлын байгууллагын 2022 оны үйл ажиллагааны тайлангийн хурал болж, шилдэг болон онцгой гавьяа байгуулсан алба хаагч нарт шагнал гардуулна. Утас: 8615-0069.
2. 10.00-13.00 цагт: Төрийн ордонд Хүнсний хангамжийг нэмэгдүүлэх, чанар аюулгүй байдлыг хангах, хөдөө аж ахуйн үйлдвэрлэлийг дэмжих Түр хорооны хуралдаантай. Мөн Эдийн засгийн болон Нийгмийн бодлогын байнгын хороод хуралдана.
3. 10.00 цагт Төрийн ордонд Засгийн газрын ээлжит хуралдаан болно.
4. 11.00 цагт: Төрийн ордонд АН-ын “4/11 Мэдээллийн цаг”-аар АН-ын дарга С.Эрдэнэ, Улс төрийн зөвлөлийн дарга М.Энхсайхан, МҮАН-ын дарга Б.Цогтгэрэл, АН-ын ЕНБД Д.Эрдэнэсувд болон бусад удирдлага АН-ын талаар мэдээлнэ.
Энэ өдөр дэлхийн түүүхэнд:
1. 1767 онд Таксин хаан Тайландын хаан ширээнд залж, Тонбуриийг өөрийн нийслэл болгосон аж.
2. 1836 Испани Мексикийн тусгаар тогтнолыг хүлээн зөвшөөрсөн байна.
3. 1860 Харриет Тубман боолуудаа чөлөөлөх сүүлчийн даалгаврынхаа дагуу Нью Йоркийн Обур хотод ирж, 8 жилийн турш баригдсанаас зайлсхийж, метроны төмөр замд иржээ.
4. 1908 онд Италийн Мессина хотод газар хөдлөлт болж 80,000 хүн амь үрэгдсэн байна.
