Арванхоёрдугаар сарын 23-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 357 дахь өдөр бөгөөд он дуусахад 8 хоног үлдлээ.
- Цаг агаар өдөртөө 11 хэм хүйтэн бол шөнөдөө 22 хэм хүйтэн байх нь ээ.
- Билгийн тооллын битүүн. Сугар гараг. Цагаан гар одтой цагаан нохой өдөр. Тухайн өдөр нар 08.40 цагт мандаж, 17.02 цагт жаргана. Энэ өдөр морь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул аливаа үйлийг хийхэд хянамгай хандаж, биеэ энхрийлүүштэй. Үс шинээр үргээлгэх буюу засуулбал тохиромжгүй хэмээжээ.
- Манай улсын голлох валют болох ам.долларын ханш авах нь 3457.00, зарах нь 3460.00 төгрөгтэй тэнцэж байгаа бол бусад валют болох рубль авах нь 48.00, зарах нь 50.80, юань авах нь 492.00, зарах нь 494.00 төгрөг, харин вон авах нь 2.67, зарах нь 2.69 төгрөг байна.
Өнөөдөр болох онцлох үйл явдлууд:
- 09.00 цагт “Ялалт плаза” төвд “Монголын Мод үржүүлэг, цэцэрлэгжүүлэлтийн мэргэжлийн байгууллагуудын нэгдсэн холбоо” ТББ-аас “Модлог” цуврал сургалт лекцээр хөх далан хальс жимсгэний судалгаа инновацийг танилцуулна.
- 09.30 цагт “Блью Скай” зочид буудалд Монгол Улс, БНХАУ-ын сэтгүүлчдийн 13-р форум "Ногоон дэлхийн төлөө сэтгүүлчид нэгдэцгээе" сэдвийн хүрээнд хоёр улсын байгаль орчин, экологийн тулгамдсан асуудлыг хөндөн зохиогдоно. Утас:9909-7968.
- 10.00 цагт Төрийн ордонд УИХ-ын чуулганы нэгдсэн хуралдаантай.
- 11.30 цагт "Өнөөдөр" сонины "Монгол нюьс" мэдээллийн төвд хот хоорондын зорчигч тээврийн суудал ашиглалт 57 хувьтай байхад АТҮТ-өөс Улаанбаатар-Хөвсгөлийн чиглэлд 21 цагийн давтамж оруулж ирэх гэж байгааг эсэргүүцэж, жолооч нар, компаниуд мэдээлэл хийнэ.
Энэ өдөр дэлхийн түүхэнд:
- 1933 оны энэ өдөр Японы одоогийн эзэн хаан бөгөөд Японы уламжлалт дэс дарааллаар 125 дахь эзэн хаан Акихито мэндэлжээ.
- Өнөөдөр Египетэд Ялалтын баярын өдөр тохиож байна.
- 1981 оны энэ өдөр Аргентины алдарт хөлбөмбөгийн тамирчин Mario Santana мэндэлжээ.
- 1979 онд Афганистан дахь ЗХУ-ын дайн: ЗХУ Афганастаны нийслэл Кабулыг эзлэн авч байжээ.
