Өнөөдөр гадаа -13 градусын хүйтэн байна. Цаг агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арванхоёрдугаар сарын 7-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 341 дахь өдөр бөгөөд он дуусахад 24 хоног үлдлээ.
- Цаг агаар өдөртөө -13 хэмийн хүйтэн бол шөнөдөө -28 градус хүйтэн байх нь ээ.
-
Билгийн тооллын шинийн 15, Чөлөөт эх-3 одтой, хөх морь өдөр. Их цасны улирал. Өдрийн нар 08.26 цагт ургаж, 17.00 цагт шингэнэ. Өдрийн сайн цаг: Морь(11:40-13:40), бич(15:40-17:40), хулгана(23:40-01:40), үхэр(01:40-03:40) болой. Үс засуулахад өлзийтэй маш сайн. Гэвч хулгана, могой, морь, хонь жилтнээ муу цээрлэвэл зохилтой. Хол газар явагсад баруун урд зүгт мөрөө гаргавал зохистой. Бар, нохой, гахай жилтнээ аливаа үйлийг хийхэд эерэг сайн. Харин хулгана, могой, морь жилтнээ сөрөг муу.
- Валют арилжааны төвд ам.долларын ханш авах нь 3442.00, зарах нь 3446 төгрөгтэй тэнцэж байгаа бол бусад валют болох рубль авах нь 54.30, зарах нь 54.70 , юань авах нь 490.00, зарах нь 495.00 байгаа бол вон авах нь 2.62, зарах нь 2.66 төгрөг байна.
Өнөөдөр болох онцлох үйл явдлууд:
- 08.30-15.00 цагт: МУИС-ийн номын санд “Хотжилт ба хүрээлэн буй орчин-2022” зөвлөлдөх уулзалт болно.
- 09.00 цагт: “Миллиниум плаза” төвд уламжлалт анагаах ухааны эмч, мэргэжилтнүүдийг чадавхжуулах эмнэлзүйн сургалт болно. Сургалтад 21 аймгийн эрүүл мэндийн байгууллагын уламжлалт анагаах ухааны 250 эмч, мэргэжилтэн, удирдах түвшний менежерүүд хамрагдана. Утас: 8802-7947.
- 10.00-12.10 цагт: Холбооны эрх зүйн байдлын тухай болон Сангийн эрх зүйн байдлын тухай хулийн төслүүдийн талаар олон талт цахим хэлэлцүүлгийг “Глоб интернэшнл төв”, “Монфемнет”, Иргэний нийгмийн боловсрол” ТББ-уудаас зохион байгуулна.
- 10.00 цагт: АТГ-аас албан тушаалтны хөрөнгө, орлогын мэдүүлгийн асуудлаар цахим уулзалт хийнэ. Уулзалтын үеэр ХОМ-ийг хэрхэн мэдээлэх, хяналт шалгалтаар илэрдэг нийтлэг зөрчлүүд, үндэслэлгүй хөрөнгөжсөн болон хууль бусаар орлого олж байгаа зарим зөрчлийн талаар ярилцана. Утас: 8075-0912.
- 10.00 цагт: Монгол-Солонгосын Политехник Коллежид хэрэгжүүлсэн “Түншлэлд Суурилсан Техникийн Болон Мэргэжлийн Боловсрол, Сургалт” төслийн үр дүнг танилцуулах үйл ажиллагаа болно. Утас: 9676-4547.
- 10.00 цагт: "Блью Скай" зочид буудалд "Жэрэс” олон улсын ТББ-аас Европын холбооны “Свич-Эшиа” хөтөлбөрийн санхүүжилттэй “Дулаан шийдэл-2” төслийн нээлт болно. Монголын нөхцөлд нийцсэн, үр ашигтай эрчим хүчний шийдлүүдийг боловсруулан нэвтрүүлэх, хүлэмжийн хийн ялгарлыг бууруулах зорилготой тус төслийн нээлтийн дараа сэтгүүлчдийг СБД-ийн 14-р хорооны айлд дулаалга хийж байгааг газар дээр нь танилцуулна. Утас: 80019000. 9976-0343.
- 11.00 цагт: ШУТИС-д Б.Дунгаамаагийн "Монгол дээлийн зохион бүтээлт" номын нээлт болно. /ШУТИС-ын 8-р байр. Хурлын танхимд/ Утас: 9919-5384.
Энэ өдөр дэлхийн түүхэнд:
- Өнөөдөр Иранд Оюутнуудын эрхийг хамгаалах өдөр тохиож байна.
- Мөн өнөөдөр Иргэний нисэхийн олон улсын өдөр тохиож байна.
- 1998 онд Канадын алдарт төгөлдөр хуурч Tony Yike Yang мэндэлжээ.
- 1988 онд Арменд 6.8 баллын хүчтэй газар хөдлөлт болж, 25.000 гаруй хүн амь насаа алдаж, 30.000 шархдаж, 500 мянган хүн гэр оронгүй болж байжээ.
- 2015 онд Японы сансрын хөлөг "Akatsuki" Сугар гаригийн орбитод нэвтрэн оржээ.
