12 дугаар сарын 1-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 335 дахь өдөр бөгөөд он дуусахад 30 хоног үлдлээ.
- Цаг агаар өдөртөө -16 хэмийн хүйтэн бол шөнөдөө -22 градус хүйтэн байх нь ээ. Өдөртөө бага зэргийн цас орох гэнэ.
-
Билгийн тооллын XVII Жарны "Буян үйлдэгч" хэмээх Усан бар жилийн Өвлийн тэргүүн цагаагчин гахай сарын 08. Бархасвадь гараг. Шувуун хошуут одтой, нэг цагаан мэнгэтэй шар хулгана өдөр. Өдрийн наран 8 цаг 20 минутад мандан, 17 цаг 02 минутад жаргана. Тухайн өдөр бич жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, угаал үйлдэх, хүүхэд үрчлэн авах, урлан бүтээхэд сайн. Улааны үйл, төлгө тавих, морь уралдахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулбал нас уртадна хэмээжээ.
- "Уран уургач" валютын ам.долларын ханш авах нь 3436.00, зарах нь 3441.00 төгрөгтэй тэнцэж байгаа бол бусад валют болох рубль авах нь 53.70, зарах нь 54.00 байна. Харин юань авах нь 479.00, зарах нь 482.00, вон авах нь 2.58, зарах нь 2.60 төгрөг байна.
Өнөөдөр болох онцлох үйл явдлууд:
-
09.30 цагт: МУИС-ийн номын санд “Хүнсний хангамж” сэдвээр хэлэлцүүлэг болно.
-
09.00-18.00 цагт: “Шангри-Ла” зочид буудалд Швейцарын хөгжлийн агентлагийн дэмжлэгтэйгээр Монгол Улсын Засгийн газар, Нийслэлийн Засаг даргын Тамгын газар, Азийн сан, иргэний нийгмийн зарим байгууллагатай хамтран 2012-2022 онд хэрэгжүүлсэн “Засаглалыг дэмжих, төвлөрлийг сааруулах хөтөлбөр”-ийн хаалтын үйл ажиллагаа болно. Утас: 9910-9723.
-
11.00 цагт: “Эрдэнэс Тавантолгой” ХК-ийн байранд Онцгой бүрэн эрхт төлөөлөгч Ж.Ганбат мэдээлэл хийнэ. Утас: 8888-9578.
-
11.00 цагт: АН-аас “4/11 Мэдээллийн цаг” АН-ын удирдлага тус намын нөхцөл байдал болон цаг үеийн бусад асуудлаар мэдээлнэ.
Энэ өдөр дэлхийн түүхэнд:
- Энэ өдрийг дэлхий нийтээр ДОХ өвчний халдварын тархалтын эсрэг өдөр болгон тэмдэглэж байна.
- 1995 онд АНУ-ын алдарт дуучин Франк Синатрагийн эд зүйлийг дуудлага худалдаанд оруулж, нийтдээ 2.072.000 сая доллараар зарагдаж байжээ.
- 1896 оны энэ өдөр Зөвлөлтийн цэргийн жанжин Георгий Жуков мэндэлж байжээ.
- 1994 онд анхны иргэний агаарын тээврийг үүсгэн санаачилж байжээ.
- 1941 онд Их Британичууд Малайз руу довтолсон Японы эмпиралистуудын эсрэг дайн зарлахаа мэдэгдэж байжээ.
