Өнөөдөр гадаа 8 хэм хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
11 дүгээр сарын 30-ы өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 334 дахь өдөр бөгөөд он дуусахад 31 хоног үлдлээ.
- Цаг агаар өдөртөө 20, шөнөдөө 28 хэм хүйтэн байх нь ээ.
- Билгийн тооллын 7, Чөдөр одтой, улаагчин гахай өдөр. Тухайн өдөр хонь, туулай жилтнээ аливаа зүйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ олоцлох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэний зүйл авах, хараал, жатхыг буцаах, нялхсын хурим хийх, хийморийн дарцаг хатгахад сайн. Газар ухах, худаг гаргах, уул овоо тахихад муу. Үс шинээр үргээлгэх буюу засуулахад тохиромжгүй.
- “Уран уургач” валют арилжааны төвд ам.долларын авах ханш 3436.00 төгрөг, зарах нь 3442.00 төгрөг байна. Харин рублийн авах ханш 53.90, зарах ханш 54.20, юанийн авах ханш 474.00, зарах ханш 478.00, вонийн авах ханш 2.58, зарах ханш 2.60 төгрөг байна.
Өнөөдөр болох онцлох үйл явдлууд:
-
10.00 цагт Төрийн ордонд Засгийн газрын ээлжит хуралдаантай.
-
10.00 цагт “Улаанбаатар” зочид буудалд “Хүний эрхийн талаар ярилцья” лекц болно. ХЭҮК-ын дарга Ж.Хунан, Европын холбооноос Монгол Улсад суугаа Элчин сайд Аксель Никэйз болон төрийн агентлаг, хувийн хэвшлийн салбарын төлөөлөл оролцсон нээлттэй, чөлөөт ярилцлага болно. Утас 9902-8438.
-
11.00-13.00 цагт “Миллиниум плаза” зочид буудалд иргэний нийгмийн идэвхтнүүд болон сэтгүүлчид нийгэмд тулгамдаж буй улс төр, хүний эрх, иргэдийн оролцоо, ил тод байдал, хариуцлага, сайн засаглалын тулгамдсан асуудлыг хөндөж, гэрэл зураг, дүрс, график, видеогоор илэрхийлсэн үзэсгэлэн дэлгэнэ. Мөн НҮБ-ын Ардчиллын сангийн дэмжлэгтэйгээр Хэвлэлийн хүрээлэнгээс хэрэгжүүлсэн сэтгүүлч, иргэний нийгмийн идэвхтнүүдийг чадавхжуулах төслийн хаалтын ёслол болно. Утас: 9707-0709.
Энэ өдөр дэлхийн түүхэнд:
- 1985 оны энэ өдөр Америкийн жүжигчин Кейли Куоко мэндэлжээ.
- Мөн 1984 оны энэ өдөр Нидерландын хөлбөмбөгчин Найжел Де Йонг мэндэлжээ.
- 1982 онд Майкл Жексоны хоёр дох соло албум болох "Thriller" цацагджээ. Тус цомог нь бүх цаг үеийн хамгийн их борлуулалттай цомгоор шалгарсан байна.
- 1995 онд Америк болон Иракийн дайн албан ёсоор дуусчээ.
- 1966 онд Барбарос Их Британиас салан тусгаарлажээ.
