Өнөөдөр гадаа -22 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арваннэгдүгээр сарын 29-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 335 дахь өдөр бөгөөд он дуусахад 32 хоног үлдлээ.
- Цаг агаар өдөртөө -22 хэмийн хүйтэн бол шөнөдөө -33 градус хүйтэн байх нь ээ.
- Билгийн тооллын 6. Ангараг гараг. Тооно одтой, улаан нохой өдөр. Өдрийн наран 8 цаг 19 минутад мандан, 17 цаг 02 минутад жаргана. Тухайн өдөр бар, морь жилтнээ аливаа үйлийг хийхэд эерэг сайн. Бич тахиа жилтэнд сөрөг муу нөлөөтэй. Хүүхдийн сэвлэг үргээлгэх буюу үс засуулбал тохиромжтой хэмээжээ.
- Манай улсын голлох валют болох ам.долларын ханш авах нь 3361.00, зарах нь 3441.00 төгрөгтэй тэнцэж байгаа бол бусад валют болох рубль авах нь 53.90, зарах нь 54.20, харин юань авах нь 474.00, зарах нь 477.00, вон авах нь 2.57, зарах нь 2.60 төгрөг байна.
Өнөөдөр болох онцлох үйл явдлууд:
- 09.00 цагт Эрчим хүчний зохицуулах хороо, Диспетчерийн үндэсний төв, Даян дэлхийн ногоон хөгжлийн байгууллага хамтран “Эрчим хүчний хүрэлцээ ба хэмнэлт” зөвлөгөөнийг Блью скай зочид буудалд зохион байгуулна.
- 11.30 цагт ГОЦЛОЛ ДУУНЫ АНГИЙН 70-н жилийн ойн арга хэмжээний мэдээлэл өгөх хэвлэлийн бага хурал болно.
- 14.00 цагт “Эмэгтэй хүний эрх хамгаалагч ЗОРИГТОН-2022” уралдааны эздийг тодруулна. “Холидэй Инн” зочид буудлын 2 давхрын Хурлын танхимд болно.
- 14.00 цагт "Зар сурталчилгааны нөлөөлөл-нийгэм" хэлэлцүүлэг Гадаад харилцааны яаманд болно. Утас: 99169084.
Энэ өдөр дэлхийн түүхэнд:
- 1938 оны энэ өдөр Кашивадо Цүёши сүмогийн 47 дахь ёкозүна мэндэлж байжээ.
- 1988 оны энэ өдөр Америкийн алдарт хөлбөмбөгийн тамирчин Russell Wilson мэндэлжээ.
- 1965 онд Канадын сансрын агентлаг "Alouette 2" хэмээх сансрын хиймэл дагуулыг хөөргөжээ.
- 1987 онд БНСУ-ын "Flight 858" нислэг осолдож, онгоцонд сууж явсан 115 хүн амь насаа алджээ.
- 2009 онд Америкийн иргэн Maurice Clemmons Вашингтон хотын нэгэн кофе шоп дото сууж байсан цагдаагийн дөрвөн ажилтныг буудаж, амь насыг нь хороосон байна. Ингэснээрээ тэрбээр насаараа хорих ялаар шийтгүүлсэн байна.
