Арваннэгдүгээр сарын 17-ны өдөр
Өнөөдөр нийслэлд 0 градус дулаан байна. Өглөөд заавал мэдэж байх ёстой цаг агаар, зурхай, валютын ханш зэрэг мэдээллийг хүргэе. Өдрийг сайхан өнгөрүүлээрэй.
- Өнөөдөр бол жилийн 321 дахь өдөр бөгөөд он дуусахад 44 хоног үлдлээ.
- Цаг агаар өдөртөө 0 хэмийн дулаан бол шөнөдөө -12 градус хүйтэн байх нь ээ.
-
Билгийн тооллын 24, Их морь одтой хөх нохой өдөр. Суудал мод, мэнгэ 6 цагаан, хүчин төгсөхийн барилдлагатай өдөр. Өдрийн нар 08:00 уагт ургаж, 17:13 цагт жаргана. Өдрийн сайн цаг: Луу(07:40-09:40), могой(09:40-11:40), бич(15:40-17:40), тахиа(17:40-19:40), гахай(21:40-23:40), бар(03:40-05:40) болой. Хүний сүлд гуя, шилбэ, гар, алга, хонгонд, гэрийн сүлдүүд, хойморт орших болой. Үс бүү засуул өвчин эмгэг тусах тул муу цээрлэвэл зохилтой. Бар, морь, туулай жилтнээ аливаа үйлийг хийхэд эерэг сайн. Харин луу, үхэр, хонь, нохой жилтнээ сөрөг муу.
- Валют арилжааны төвд голлох валют болох ам.долларын ханш авах нь 3438.00, зарах нь 3443.00 төгрөгтэй тэнцэж байгаа бол бусад валют болох рубль авах нь 53.80, зарах нь 54.10, юань авах нь 481.00, зарах нь 485.00, вон авах нь 2.60, зарах нь 2.62 төгрөг байна.
Өнөөдөр болох үйл явдлууд
- 09.00-15.00 цагт: ШУА-ийн байранд Философийн өдрийг тохиолдуулан ШУА-ийн Философийн хүрээлэн, ЮНЕСКО-гийн Монголын Үндэсний Комисс хамтран “ФИЛОСОФИ БА ШИНЖЛЭХ УХААНЫ ТАНИН МЭДЭХҮЙ: ОНОЛ-АРГА ЗҮЙН АСУУДЛУУД” сэдэвт эрдэм шинжилгээний бага хурал зохион байгуулна.
- 09.00-17.00 цагт: ”Корпорайт” зочид буудалд ("Баянгол" зочид буудлын хойно) “Хариуцлагатай, тогтвортой нийгэм” үндэсний чуулган болно. Дани улсын төслийн хүрээнд “NTS” ТББ-аас нийслэл хот болон Баянхонгор, Дархан-Уул, Дундговь, Завхан, Орхон, Сэлэнгэ, Төв, Өмнөговь аймагт Хадгаламж зээлийн бүлгүүдийг байгуулж, жижиг бизнес эрхлэх үйл ажиллагааг дэмжиж ажилласны үр дүнг танилцуулна. Утас: 9919-2169. 9903-0762.
- 10.00 цагт: НИТХ-ын ээлжит бус IX хуралдаан болж Орон нутгийн хөгжлийн сангийн хөрөнгөөр 2023 онд хэрэгжүүлэх төслийн талаар иргэдийн санал асуулгын дүнг танилцуулна. Мөн НОСК-ийн харьяа охин компаниар дамжуулан хөрөнгөөр баталгаажсан үнэт цаас гаргах талаар хэлэлцэнэ.
- 11.00 цагт: ҮСХ-ноос 2022 оны эхний 10 сарын Монгол Улсын нийгэм, эдийн засгийн статистик үзүүлэлтийг танилцуулна.
- 11.30 цагт: “ЗМ” сонины “Үндэсний мэдээллийн төв”-д Таван толгойн тээврийн замд ослоор эр нөхөр, үр хүүхдээ алдсан ар гэрийн төлөөлөл мэдээлэл хийнэ.
- 12.00 цагт: ЭМЯ-нд Дэлхийн дутуу төрсөн нярайн өдрийг тохиолдуулан JCI Монгол ТББ-аас дутуу төрсөн нярайн эндэгдэлийг бууруулах зорилготой "Save Angels" төслийн хүрээнд нэн шаардлагатай тоног төхөөрөмжүүдийг Говь-Алтай, Хөвсгөл аймгийн нэгдсэн эмнэлгүүдэд гардуулна.
- 11.00 цагт: АН-ын байранд /"Шонхор тауэр"/ “4/11 Мэдээллийн цаг”-аар АН-ын удирдлагууд төсөв болон Монгол Улсын нийгэм, эдийн засгийн нөхцөл байдлын талаар мэдээлнэ.
Төрийн ордонд болох үйл явдал
- 09.30 цагт: Төрийн ордоны Их танхимд Монгол Улсын Ерөнхийлөгчийн ивээл дор “Шинэ сэргэлт-Цахим архив” сэдэвт архив, албан хэрэг хөтлөлтийн ажилтны анхдугаар чуулган болно. Уг чуулганы нээлтэд Монгол Улсын Ерөнхийлөгч У.Хүрэлсүх оролцож, үг хэлнэ.
Энэ өдөр дэлхийн түүхэнд:
- Өнөөдөр Чех болон словак улсад Эрх чөлөө, Ардчиллын төлөөх тэмцлийн өдөр тохиож байна.
- 1988 оны энэ өдөр Америк гаралтай Солонгос дуучин Эрик Нам мэндэлжээ.
- Өнөөдөр Оюутан, сурагчдын олон улсын өдөр тохиож байгаа юм байна.
- 1986 оны энэ өдөр Португалийн алдарт хөлбөмбөгийн тамирчин Нани мэндэлжээ.
- 2000 онд Алберто Фүжимори Перу улсын ерөнхийлөгчийн албан тушаалаас огцорч байжээ.
- 2012 онд Египетэд нэгэн төмөр замын гарам дээр ноцтой осол гарч, 50 гаруй сургуулийн сурагчид амь насаа алджээ.
