Өнөөдөр гадаа 3 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арваннэгдүгээр сарын 15-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 319 дахь өдөр бөгөөд он дуусахад 46 хоног үлдлээ.
- Цаг агаар өдөртөө 1 хэмийн дулаан бол шөнөдөө -17 градус хүйтэн байх нь ээ.
- Билгийн тооллын 22, Үнэг одтой, хар бич өдөр. Өдрийн наран 7 цаг 58 минутад мандан, 17 цаг 15 минутад жаргана. Тухайн өдөр хулгана, луу жилтнээ аливаа үйлийг хийхэд эерэг сайн. Бич, тахиа жилтнүүд биеэ энхрийлүүштэй. Үс шинээр үргээлгэх буюу засуулахад эд эдлэл, идээ ундаа олдоно.
- Манай улсын голлох валют болох ам.долларын ханш авах нь 3425.00, зарах нь 3428.00 төгрөгтэй тэнцэж байгаа бол бусад валют болох рубль авах нь 53.10, зарах нь 53.70, юань авах нь 473.00, зарах нь 476.00, вон авах нь 2.55, зарах нь 2.53 төгрөг байна.
Өнөөдөр болох онцлох үйл явдлууд:
- 11.00 цагт: “Зууны мэдээ” сонины “Үндэсний мэдээллийн төв”-д Ард түмний хурлыг Төрийн ордонд хуралдуулах шаардлагын талаар Ард түмний хурал хуралдуулах ажлыг зохион байгуулах ажлын Ерөнхий зөвлөлийн гишүүд мэдээлнэ.
- 11:00 цагт: Төрийн ордонд УИХ-ын дарга Г.Занданшатар, УИХ-ын Төсвийн байнгын хорооны дарга Г.Тэмүүлэн, Сангийн сайд Б.Жавхлан, Засгийн газрын ХЭГ-ын дарга Д.Амарбаясгалан нар оролцож, Монгол Улсын 2023 оны Төсвийн тухай хууль болон бусад асуудлаар мэдээлэл хийнэ.
- 11.30 цагт: Төрийн ордонд АН-аас Монгол Улсын Ерөнхийлөгчид хандан Монгол Улсын нийгэм, эдийн засгийн талаар 2023 нэгдсэн төсөвт хуульд заасан бүрэн эрхийн хүрээнд бүхэлд нь хориг тавих талаар шаардлага хүргүүлнэ. АН-ын дарга С.Эрдэнэ, УИХ-ын гишүүн Д.Ганбат, Нийслэлийн АН-ын дэд дарга А.Цэрэнбат болон бусад удирдлагууд мэдэгдэл хийнэ.
- 12.00 цагт: “Новотел” зочид буудалд “Шийдвэр гаргах түвшинд жендерийн тэгш байдал, эмэгтэйчүүдийн оролцоог дэмжих нь” хэвлэлийн бага хурал болж олон талт хамтын ажиллагааны үр дүнг танилцуулна.
- 14.00 цагт: Сангийн яаманд УИХ-ын чуулганаар баталсан Монгол Улсын 2023 оны Төсвийн талаар дэлгэрэнгүй танилцуулна.
- Сайн дурын үйл ажиллагааг дэмждэг үндэсний тогтолцооны жишиг загвар боловсруулах судалгааны төслийн хэлэлцүүлэг болно.
- 16.00 цагт: Японы ЭСЯ-нд Монгол-Японы дипломат харилцааны 50 жилийн ойг тохиолдуулан Япон улсын Эзэн хааны одон хүртсэн эрхэмүүдэд хүндэтгэл үзүүлнэ. Утас:11-320777
Энэ өдөр дэлхийн түүхэнд:
- 1777 оны энэ өдөр Америкийн Нэгдсэн Улсын хууль батлах Конгресс байгуулагджээ.
- 1909 оны энэ өдөр М.Метрот Африкийн дээгүүр ниссэн анхны хүн болжээ.
- 1917 оны энэ өдөр Ерөнхий сайд Керенский Москвагаас зугтаж, большевикууд Орос улсын эрх мэдлийг гартаа авчээ.
- 1920 оны энэ өдөр "Үндэстнүүдийн лиг" 41 улстайгаар анхдугаар хуралдаанаа Женевт хийлээ.
- 1942 оны энэ өдөр Америкийн тэнгисийн цэргийн флот Гуадалканалын мөргөлдөөнд Японы эзэн хааны армийн хүчийг бут цохив.
- 1960 оны энэ өдөр ЗХУ-ын цөмийн пуужин бүхий анхны шумбагч онгоц АНУ-ын Вашингтон болон Өмнөд Каролина мужийн Чарлестон хотыг чиглэв.
- 1990 оны энэ өдөо Болгарын Бүгд Найрамдах Улс шинэ БНУ байгуулж байгаагаа дэлхий дахинаа зарлажээ.
- 2007 оны энэ өдөр Циклон Сидр гэгч хүн Бангладеш улс руу халдан довтолж 7000 хүн амиа алджээ.
