Өнөөдөр гадаа 0 хэм байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
11 дүгээр сарын 14-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 318 дахь өдөр бөгөөд он дуусахад 47 хоног үлдлээ.
- Цаг агаар өдөртөө 0 хэм бол шөнөдөө 13 хэм хүйтэн байх нь ээ.
- Билгийн тооллын 21, Найралт эх одтой, цагаагчин хонь өдөр. Тухайн өдөр гахай, туулай жилтнээ аливаа үйлийг хийхэд эерэг сайн. Эл өдөр элдэв үйлд хянуур хандах хэрэгтэй ба ан, гөрөө хийх, мал адгуус муулах, хишиг даллага дуудуулах, насан бүтээл хийлгэх, мал худалдан авах, мал түгээх, сахил санваар авах, хануур төөнүүр хийлгэх, хийморийн дарцаг хатгахад сайн. Эрдэнийг гадагш өгөх, уул овоо тахихад муу. Үс шинээр үргээлгэх буюу засуулахад тохиромжгүй.
- Манай улсын голлох валют болох ам.долларын ханш авах нь 3425.00, зарах нь 3428.00 төгрөгтэй тэнцэж байгаа бол бусад валют болох рубль авах нь 53.10, зарах нь 53.70, юань авах нь 473.00, зарах нь 476.00, вон авах нь 2.55, зарах нь 2.53 төгрөг байна.
Өнөөдөр болох онцлох үйл явдлууд:
-
09.30 цагт Улсын II төв эмнэлэгт чихрийн шижинтэй тэмцэх Дэлхийн өдрийг тохиолдуулан "Эрүүл мэндийн боловсрол ирээдүйн эрсдлээс сэргийлнэ” уриан дор иргэдэд зориулсан өдөрлөгтэй.
-
10.00 цагт: Монголын Урчуудын эвлэлийн байранд Шилдэг постер сурталчилгааны үзэсгэлэн дэлгэнэ.
-
11.00 цагт: Нийслэлийн Сүхбаатар дүүргийн МАН-ын хорооны байранд “Хөдөлмөрийн бирж”-ийн нээлт болно. Ажил идэвхтэй хайж байгаа залуучуудыг ажлын байраар хангах, ажилд зуучлах сургагч багш ажиллах талаар мэдээлнэ. Утас: 9900-3469.
-
11.00 цагт: “UNSEND – Бүү шилжүүлээрэй” аяны талаар ЦЕГ, Монгол банкны холбооноос мэдээлнэ.
-
11.00 цагт: Г.Занабазарын нэрэмжит дүрслэх урлагийн музейд "Дэлхийн өв-Монгол Алтайн хадны зураг" үзэсгэлэн гарна.
-
11.00 цагт: Театрын музейд "Уур амьсгалын өөрчлөлт" хэлэлцүүлэг болж, гэрэл зургийн үзэсгэлэн нээгдэнэ.
-
14.00 цагт: Чингис хаан музейд “1932 оны зэвсэгт бодлогын судалгаа” олон улсын эрдэм шинжилгээний хурал болно.
-
14.30 цагт: Төрийн ордонд Монгол Улсын Хөгжлийн банкны асуудлаарх Хянан шалгах түр хорооны хуралдаан болно.
Энэ өдөр дэлхийн түүхэнд:
- Өнөөдөр Чихрийн шижинтэй тэмцэх дэлхийн өдөр тохиож байгаа юм байна.
- Мөн ДЭЛХИЙН ЧАНАРЫН ӨДӨР тохиож байна.
- 1989 оны энэ өдөр Америкийн хөлбөмбөгийн алдарт тамирчин T. Y. Hilton мэндэлжээ.
- 1971 онд НАСА-гийн сансрын хөлөг "Mariner 9" Марс гаригийн орбитод нэвтэрч оржээ.
- 2008 онд Вашингтонд G20 буюу Их 20-ийн уулзалт эхэлж байжээ.
- 1978 оны энэ өдөр Францын алдарт жүжигчин Delphine Chanéac мэндэлжээ.
