Өнөөдөр гадаа -4 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арваннэгдүгээр сарын 11-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 315 дахь өдөр бөгөөд он дуусахад 50 хоног үлдлээ.
- Цаг агаар өдөртөө -4 хэмийн хүйтэн бол шөнөдөө -21 градус хүйтэн байх нь ээ.
- Билгийн тооллын 18, Гөрөөсөн од толгойтой шар луу өдөр. Энэ өдөр хулгана, бич жилтнээ аливаа үйлийг хийхэд эерэг сайн, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.Өнөөдөр үсээ авахуулах буюу засуулахад тохиромжгүй.
- Валют арилжааны төвд ам.долларын авах ханш 3425.00 төгрөг, зарах нь 3430.00 төгрөг байна. Харин рублийн авах ханш 52.65, зарах ханш 53.00, юанийн авах ханш 469.00, зарах ханш 471.00, вонийн авах ханш 2.47, зарах ханш 2.50 төгрөг байна.
Өнөөдөр болох онцлох үйл явдлууд:
- 10.00 цагаас Улаанбаатар хот анх удаа ХОТЫН СТАНДАРТ-тай болж, өнгөрсөн аравдугаар сарын 1-нээс мөрдөж эхэлсэн. Үүнтэй холбогдуулан "Хотын стандартын нэгдсэн зөвлөгөөн"-ийг Blue Sky зочид буудлын 3 давхарт "Даймонд" танхимд зохион байгуулна. Та бүхнийг хүрэлцэн ирэхийг урьж байна. Утас: 99037310, 99763656
- 11.00 цагт ШӨХТГ-аас сүүлийн үед хийсэн хяналт шалгалт болон цаг үеийн асуудлаар өөрийн байранд мэдээлэл хийнэ.
- 11.00 цагт "Бодэса арт" галерейд "Чингис хаан урлагт" уран зургийн үзэсгэлэн гарна. Утас: 99504845
- 12.00 цагаас ХӨСҮТ-өөс Ковидын шинэ хувилбарын эмнэлзүйн мэдээлэл, манай улсад хэвтэж эмчлүүлж буй хүмүүсийн эмнэлзүйн байдал, гэрээр эмчлэх зөвлөгөө, Шинэ хувилбарын тархалт, Томуу болон ковидын вакцинжуулалтын талаар мэдээлэл өгнө. Та бүхэн сурвалжилж өгнө үү. Утас 99797227 Хаана: ХӨСҮТ мэдээллийн танхим
Энэ өдөр дэлхийн түүхэнд:
- Өнөөдөр Хятадад Ганц бие залуусын өдөр тохиож байна.
- Мөн өнөөдөр Белгид Эмэгтэйчүүдийн эрхийг хамгаалах өдөр тохиож байгаа юм байна.
- Солонгосчууд жил бүрийн энэ өдрийг Нөхөрлөлийн өдөр буюу Pepero Day гэж тэмдэглэдэг. Энэ нь "Pepero" нэртэй шагшуурга зардаг компаний нэрээр нэрлэгдсэн. Энэ өдөр Солонгосчууд нийтээрээ, ялангуяа залуучууд нь бүгд уг шагшуургыг худалдан авч, хайрцган дээрх захиа бичих хэсэгт сэтгэлийн үгээ бичээд хайртай, дотны хүмүүстээ бэлэглэдэг аж.
- 2014 онд Зүүн өмнөд Пакистанд автобус осолдож, 58 хүн газар дээрээ амь насаа алджээ.
