Өнөөдөр нийслэлд 6 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Арваннэгдугаар сарын 9-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 313 дахь өдөр бөгөөд он дуусахад 52 хоног үлдлээ.
- Цаг агаар өдөртөө 6 хэмийн хүйтэн бол шөнөдөө -11 градус хүйтэн байх нь ээ.
- Билгийн тооллын 16. Буд гараг. Нэгэн эхийн зургаан хөвгүүн одтой, улаан бар өдөр. Өдрийн наран 7 цаг 49 минутад мандан, 17 цаг 23 минутад жаргана. Тухайн өдөр нохой жилтнээ аливаа үйлийг хийхэд эерэг сайн ба морь, могой жилтнээ сөрөг муу нөлөөтэй. Үс шинээр үргээлгэх буюу засуулахад тохиромжгүй.
- Валют арилжааны төвд ам.доллар авах нь 3417.00, зарах нь 3425:00 төгрөгтэй тэнцэж байгаа бол бусад валют болох рубль авах нь 52.50, зарах нь 52.60, юань авах нь 470.00, зарах нь 474 харин вон авах нь 2.45, зарах нь 2.48 төгрөг байна.
Өнөөдөр болох онцлох үйл явдлууд:
- 09.00 цагт Засгийн газрын хуралдаан болно.
- 11.00 цагт иргэн О.Энхмаа АТГ-ын үүдэнд хэвлэлийн бага хурал хийж, хүүхдийн цирк, хүүхдийн ордон, хүүхдийн фондын талаар мэдээлэл хийнэ.
- 11.30 цагаас ХӨСҮТ-д томуу, томуу төст өвчний нөхцөл байдал, вакцинжуулалт болон шинээр бүртгэгдсэн коронавирусийн талаар мэдээлэл өгнө.
- 15.30 цагаас "Русский дом" /РЦНК/ ОХУ-ын их, дээд сургуулийн төлөөлөл (Хойд Дорнодын Холбооны Их Сургууль, Арктикын Соёл урлагийн Дээд Сургууль, Якутын Хөгжмийн Дээд Сургууль) болон Боловсролын Ерөнхий газар, Edurussia байгууллагууд хамтран тэтгэлэгт боловсролын талаар мэдээлэл өгнө.
- 19.00 цагт Монголын хүүхдийн ордны тайзнаа "Опал" жүжгийг тоглоно
Энэ өдөр дэлхийн түүхэнд:
- Өнөөдөр Дэлхийн эрх чөлөөний өдөр тохиож байна.
- Мөн өнөөдөр Азербайжан улсын Үндэсний далбааны өдөр тохиож байгаа юм байна.
- 1984 оны энэ өдөр БНСУ-ын алдарт дуучин Seven мэндэлжээ.
- 2012 онд Мьянмарын хойд хэсэгт нэгэн галт тэрэг осолдож, 27 хүн амь насаа алдаж, 80 орчим хүн шархаджээ.
- 2005 онд Иорданд амь золиослогч нар гурван зочид буудалд зэрэг бөмбөг тэсэлснээж болж 60 гаруй хүн амь насаа алджээ.
