Өнөөдөр гадаа 5 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
10 дугаар сарын 21-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 294 дахь өдөр бөгөөд он дуусахад 71 хоног үлдлээ.
- Цаг агаар өдөртөө 7 хэмийн дулаан бол шөнөдөө 5 градус хүйтэн байх нь ээ.
-
Билгийн тооллын XVII Жарны "Буян үйлдэгч" хэмээх Усан бар жилийн Намрын дунд шарагчин тахиа сарын 26. Сугар гараг. Бага морь одтой, зургаан цагаан мэнгэтэй, улаагчин хонь өдөр. Өдрийн наран 7 цаг 20 минутад мандан, 17 цаг 54 минутад жаргана. Тухайн өдөр гахай жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, угаал үйлдэх, мал худалдан авах, мал түгээх, хийморийн дарцаг хатгахад сайн. Сахил санваар авах, хануур, төөнүүр хийлгэх, уул овоо тахихад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулбал жаргал үргэлжид ирнэ хэмээжээ.
- “Найман шарга” валют арилжааны төвд ам.долларын авах ханш 3408.00 төгрөг, зарах нь 3420.00 төгрөг байна. Харин рублийн авах ханш 52.40, зарах ханш 52.80, юанийн авах ханш 470.00, зарах ханш 474.00, вонийн авах ханш 2.40, зарах ханш 2.43 төгрөг байна.
Өнөөдөр болох онцлох үйл явдлууд:
- 09.00 цагт Төрийн ордонд: Монгол Улсын Ерөнхийлөгчийн Тамгын газар, БОАЖЯ хамтран “Уур амьсгалын өөрчлөлт болон Биологийн олон янз байдлын тухай” НҮБ-ын суурь конвенцуудын талуудын бага хурлуудыг угтсан оролцогч талуудын дээд хэмжээний уулзалтыг зохион байгуулна.
- 09.00 цагт: Монголын хуульчдын холбооноос “Үндсэн хуулийн үзэл баримтлал-сорилт, бэрхшээл" сэдвээр "Хуульчдын форум" зохион байгуулна. Утас: 96919692
- 09.00 цагт: Дугуй цагаан орчмын тохижилт бүрэн дуусч нээлтээ хийнэ. Нийслэлийн Засаг дарга Д.Сумъяабазар оролцож, Туул гол дагуу хийж буй тохижилтын хоёр байршлыг танилцуулна. Утас: 99037310, 99763656
- 09.30 цагт "Миллениум Плаза" зочид буудалд: Монголын ашигт малтмал баяжуулагчдын холбооноос “Эрдэс боловсруулалт-2022” олон улсын онол практикийн бага хурал, үзэсгэлэнг зохион байгуулна.
- 12.00 цагт Үндэсний мэдээллийн төвд: Монголын хамгийн анхны, олон бүжигчдийг нэг дор цуглуулсан, шагналын өндөр сантай салса, кизомба бүжгийн гудамжны марафон тэмцээн “Мишээл энтертайнмент” гудамжинд зохион байгуулах талаар мэдээлнэ.
- 14.00 цагт “Монгол Арт” галерейд (худалдааны "Дүнжингарав" төвийн урд): нэрт кино найруулагч Б.Балжиннямын мэндэлсний 80 жил, “Мөнх тэнгэрийн хүчин дор” уран сайхны киноны 30 жилийн ойн үйл ажиллагаа, эрдэм шинжилгээний хурал, номын нээлт болно.
- 14.30 цагт: “Улаанбаатар Эрдэм” их сургуульд “Монголын шилдэг нийтлэл цуврал”-ын хүрээнд сэтгүүлч Г Жамьян, зохиолч С.Товуудорж нарын шилдэг нийтлэлийн номын нээлт болно.
Энэ өдөр дэлхийн түүхэнд:
- Өнөөдөр Их Британид 19-р зууны сүүлч, 20-р зууны эхэнд төр барьж байсан эзэн хаан Трафалгарын ойн баярыг тэмдэглэж байна.
- Мөн өнөөдөр Тайланд улсад Сувилагчдын эрхийн өдөр тохиож байна.
- 1980 оны энэ өдөр Америкийн загвар өмсөгч, жүжигчин Ким Кардашиан мэндэлжээ.
- 1994 онд Сөүл хотод "Seongsu" нэртэй гүүр нурснаас болж 32 хүн амь насаа алджээ.
- 1977 онд Европын Патентын хүрээлэн үүсэн байгуулагджээ.
