Өнөөдөр гадаа 6 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Аравдугаар сарын 20 -ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 293 дахь өдөр бөгөөд он дуусахад 72 хоног үлдлээ.
- Цаг агаар өдөртөө 4 градусын дулаан бол шөнөдөө -7 градус хүйтэн байх нь ээ.
- Билгийн тооллын 25. Бархасвадь гараг. Их морь одтой улаан морь өдөр. Өдрийн наран 7 цаг 19 минутад мандан, 17 цаг 55 минутад жаргана. Тухайн өдөр бар жилтнээ аливаа үйлийг хийхэд эерэг сайн ба үхэр, хонь, луу, нохой жилтнээ сөрөг муу нөлөөтэй тул элдэв зүйлд хянамгай хандаж, биеэ энхрийлүүштэй. Үс шинээр үргээлгэх буюу засуулбал тохиромжгүй хэмээжээ.
- Валют арилжааны төвд ам.долларын авах ханш 3400.00 төгрөг, зарах нь 3415.00 төгрөг байна. Харин рублийн авах ханш 52.20, зарах ханш 52.80, юанийн авах ханш 473.00, зарах ханш 476.00, вонийн авах ханш 2.40, зарах ханш 2.43 төгрөг байна.
Өнөөдөр болох үйл явдал:
- 09.00 цагт МУИС-ийн номын санд Геологийн салбарын 83 жилийн ойд зориулсан “Геолгийн салбарын тулгамдсан асуудал, шийдэл” хэлэлцүүлэг болно.
- 09.00 цагт: “Туушин” зочид буудалд "Цаг уурын өөрчлөлтийн эсрэг эрчим хүчний хэрэглээ, ашиглалтын чадавхыг бэхжүүлэх” сэдэвт семинар болно.
- 09.00-18.00 цагт “Холидэй Инн” зочид буудалд “20-р зууны хувьсамтгай, тодорхойгүй, төвөгтэй, эргэлзээтэй үеийн төрийн удирдлага” сэдэвт эрдэм шинжилгээний хурал болно. Утас: 89175789.
- 11.00 цагт Үндэсний мэдээллийн төвд Монголын Авто сургалтын байгууллагуудын нэгдсэн холбооноос олон нийтийн мэдээллийн хэрэгслээр жолооч бэлтгэх сургалтын үйл ажиллагаатай холбоотой гарсан мэдээлэлд тайлбар өгнө.
- 11.00 цагт Ардчилсан намынхан Ерөнхий сайд Л.Оюун-Эрдэнэд шаардлага хүргүүлнэ
Энэ өдөр дэлхийн түүхэнд:
- Өнөөдөр Статистикийн дэлхийн өдөр тохиож байна.
- Мөн өнөөдөр Вьетнам улсад Эмэгтэйчүүдийн эрхийг хамгаалах өдөр тохиож байна.
- 1971 оны энэ өдөр Америкийн реппер, продюсер Snoop Dogg мэндэлжээ.
- 1973 онд Сиднейн дуурийн театр 14 жилийн турш баригдсаны эцэст II Элизабетийн үед нээлтээ хийжээ.
- 1977 онд Америкийн алдарт рок хамтлаг болох Lynyrd Skynyrd-н сууж явсан нисэх онгоц осолджээ.
- 1991 онд Энэтхэгт 6.8 баллын хүчтэй газар хөдлөлт болж 1000 гаруй хүн амь үрэгджээ.
