Өнөөдөр гадаа 13 градусын дулаан байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
Аравдугаар сарын 18-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 291 дахь өдөр бөгөөд он дуусахад 74 хоног үлдлээ.
- Цаг агаар өдөртөө 13 хэмийн дулаан бол шөнөдөө 6 градус хүйтэн байх нь ээ.
-
Билгийн тооллын XVII Жарны "Буян үйлдэгч" хэмээх Усан бар жилийн Намрын дунд шарагчин тахиа сарын 23. Ангараг гараг. Найралт эх одтой, есөн улаан мэнгэтэй, хөх луу өдөр. Өдрийн наран 7 цаг 15 минутад мандан, 17 цаг 59 минутад жаргана. Тухайн өдөр хулгана жилтнээ аливаа үйлийг хийхэд эерэг сайн ба бич, тахиа жилтнээ срөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр худалдаа арилжаа хийх, бизнэс эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, хишиг даллаг дуудуулах, насан бүтээл хийлгэх, зэтгэрийг номхотгох, хөгжмийн зэмсэг урлах, хур оруулах, дархны үйлд сайн. Гүүр тавих, газар шороо ухахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойд зүгт мөрөө гаргавал зохистой. Үс шинээр үргээлгэх буюу засуулбал эд, эдлэл, идээ, ундаа олно хэмээжээ.
- Валют арилжааны төвд ам.долларын авах ханш 3415.00 төгрөг, зарах нь 3428.00 төгрөг байна. Харин рублийн авах ханш 51.40, зарах ханш 51.90, юанийн авах ханш 475.00, зарах ханш 480.00, вонийн авах ханш 2.41, зарах ханш 2.44 төгрөг байна.
Өнөөдөр болох онцлох үйл явдлууд:
- 09.00 цагт: ГХЯ-нд "Монгол Улсад хуурай боомт хөгжүүлэх” талаар олон улсын шинжээч нарын түвшний техникийн зөвлөлдөх уулзалт болно
- 10.00 цагт: “Блю Скай” зочид буудалд Монгол дахь Америкийн Худалдааны танхим Улаанбаатар хотын авто замын түгжрэлийг бууруулах үндэсний хороо, Нийслэлийн Засаг даргын Тамгын газар, Монголын авто дистрибьютерийн ассоциаци хамтран
- 11.00 цагт Хан-Уул дүүрэг дэх “Режис плэйс” оффист Кино урлагийг дэмжих сангаас зарласан 2022 онд санхүүжүүлэх кино төслийн сонгон шалгаруулалтын талаар мэдээлнэ. Утас: 88640544, 88777688.
- 11.00 цагт: Монголын банкны холбоонд “Тэрбум мод сан”-гийн үйл ажиллагааг танилцуулах хэвлэлийн бага хурал зарлажээ.
- 11.30 цагт: “Үндэсний мэдээллийн төв”-д Хөвсгөл аймаг дахь “Бэлтэс мөрөн” ХХК-д холбогдох залилангийн хэргийн талаар хохирогч нар мэдээлэл хийнэ.
- 12.00 цагт Монгол бөхийн өргөөнд Олон улсын циркийн тоглолтын талаар Монголын циркчидийн холбооноос хэвлэлийн бага хурал зарлажээ. Утас: 80114749, 88770003
- 12.00 цагт Монголын Хэвлэлийн хүрээлэнд тус хүрээлэнгээс зохион байгуулдаг “Зангиагүй уулзалт”-д Монгол Улсын Шадар сайд С.Амарсайхан оролцож стандарт, хэмжил зүйн салбарыг шинэ шатанд гаргах, мэргэжлийн хяналтын байгууллагын бүтэц, зохион байгуулалтыг өөрчлөх талаар Засгийн газраас баримталж буй бодлого, үйл ажиллагааны талаар ярилцана. Утас: 350002, 89017101
Энэ өдөр дэлхийн түүхэнд:
- Өнөөдөр Зангианы олон улсын өдөр тохиож байгаа юм байна.
- 1987 оны энэ өдөр High School Musical цуврал киногоороо алдаршсан алдарт жүжигчин Zac Efron мэндэлжээ.
- 1979 оны энэ өдөр Америк дуучин, ая зохиогч, продюсер Ne Yo мэндэлжээ.
- 1945 онд Аргентин улсын генерал, улс төрч, тус улсын Ерөнхийлөгчөөр 3 удаа сонгогдож байсан Juan Domingo Perуn жүжигчин Eva Perуn-тай хуримлажээ.
- 2004 онд Мьянмарын ерөнхий сайд Khin Nyunt авлигын хэргээр буруутгагдаж, Төрийн ордноос баривчлагджээ.
