Аравдугаар сарын 13-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 286 дахь өдөр бөгөөд он дуусахад 79 хоног үлдлээ.
- Цаг агаар өдөртөө 13 хэмийн дулаан бол шөнөдөө -5 градус хүйтэн байх нь ээ.
-
Билгийн тооллын XVII Жарны "Буян үйлдэгч" хэмээх Усан бар жилийн Намрын дунд шарагчин тахиа сарын 19. Бархасвадь гараг. Нэг эхийн зургаан хөвгүүн одтой, таван шар мэнгэтэй шарагчин гахай өдөр. Тэрсүүд өдөр. Өдрийн наран 7 цаг 08 минутад мандан, 18 цаг 09 минутад жаргана. Тухайн өдөр туулай жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, сүм дуганыг сэргээх, нялхсын хурим хийх, хийморийн дарцаг хатгахад сайн. Газар ухах, худаг гаргах, гөлөг тэжээх, уул овоо тахихад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулбал "Сайн нөхөртэй учирах" хэмээх сайн гэжээ.
- “Найман шарга” валют арилжааны төвд ам.долларын авах ханш 3430.00 төгрөг, зарах нь 3445.00 төгрөг байна. Харин рублийн авах ханш 51.60, зарах ханш 52.80, юанийн авах ханш 479.00, зарах ханш 482.00, вонийн авах ханш 2.40, зарах ханш 2.43 төгрөг байна.
Өнөөдөр болох онцлох үйл явдлууд:
-
10.30 цагт МҮЭ-үүдийн холбооны байранд “Өргөө” амаржих газрын хууль бус хэмээн үзэж буй үйл ажиллагаатай холбоотойгоор Эрүүл мэндийн ажилтны ҮЭ-ийн холбооноос хэвлэлийн бага хурал зарлажээ.
-
11.00 цагт Үндэсний мэдээллийн төвд нарс модны экологийн цэвэр, утаагүй шахмал түлш хийж буй талаар Монгол, Оросын хамтарсан компаниас мэдээлнэ. Утас: 9111-1467
-
11.00 цагт "Мишээл экспо"-д "Экспо Монголиа-2022" техник, технологийн олон улсын үзэсгэлэн хоёр дахь өдрөө үргэлжилнэ.
-
11.30 цагт “Millennium Plaza”-д АН-ын Үндэсний бодлогын хорооны намрын анхдугаар хуралдаан болно. Утас: 9100-0017
-
11.40-16.00 цагт Богд хааны музейд “Хаан ордны намар-2022” нээлттэй өдрүүдийн үйл ажиллагаа эхэлнэ.
Энэ өдөр дэлхийн түүхэнд:
- Өнөөдөр Тайланд улсад Цагдаагийн баяр тохиож байна.
- 1995 оны энэ өдөр BTS хамтлагын гишүүн Jimin(Park Ji-Min) мэндэлжээ.
- 1989 оны энэ өдөр Secret хамтлагын гишүүн Jeong Hyo-Sung мэндэлжээ.
- 1990 онд Ливаны иргэний дайн төгсгөл болжээ.
