Үндэсний хөгжмийн “Жонон” хамтлагийнхан хип хоп дуучин Man on the Moon-тэй хамтарч “Gate” хэмээн нэрийдсэн цомог гаргажээ. Үүнд багтсан 12 зохиолын нэг нь буюу “Memories”-ийг 2016 онд бүтээсэн, харин бусдыг нь дээр дурдсан хип хоп дуучинтай хамтарч шинээр “төрүүлсэн” аж. Цомгийн нээлт, баярыг “Зайсан хилл” цогцолборт нөгөөдөр хийх юм байна. Энэ үдэш цомгийн болон өмнө хит болж байсан бүтээлүүдээсээ фэнүүддээ хүргэх аж. Тус хамтлагийнхан цар тахлын үед ч идэвхтэй ажилласаар байсан юм. Тэд өнгөрсөн онд “The grace of the Khaans” пянз бүтээлгэж, заримыг нь койноор ч борлуулж байв.
