Нүүрс тээврийн 2037 автомашин хил нэвтэрчээ. Тодруулбал, Монгол Улсын хилийн Гашуунсухайт боомтоор 2022 оны 7 дугаар сарын 26-27-ны өдрүүдэд нүүрс тээврийн 1007 автомашин, Ханги боомтоор 456 автомашин, Булган боомтоор 138 автомашин, Шивээхүрэн боомтоор 410 автомашин, Замын-Үүд болон Бичигт боомтоор 26 нийт 2037 автомашин хил нэвтэрчээ. Харин дээрх хоногуудад зэсийн баяжмал тээврийн 95 автомашин Гашуунсухайт боомтоор хил гарсан бол Бургастай болон Ханги боомтоор 174 автомашин төмрийн хүдэр тээвэрлэжээ.
