Зэвсэгт хүчний Жанжин штабын даргын тушаалаар Агаарын цэргийн командлалын Материал техникийн хэлтсийн ахлах офицер хурандаа С.Дашдондогоор ахлуулсан Зэвсэгт хүчний 011, 065 дугаар ангийн офицер, ахлагч нараас бүрдсэн засварын бүлэг Зэвсэгт хүчний 065 дугаар ангийн харьяа тусгай салбаруудын радиолокацын станцын болон тээврийн бүлгийн авто техникүүдэд сэргээн сайжруулах засвар үйлчилгээг 6 дугаар сарын 9-ний өдрөөс эхлэн хийж гүйцэтгэж байна.
Тус засварын бүлэг нь 30 хоногийн хугацаатайгаар 9 тусгай салбарын радиолокацын станц, авто техникүүдэд сэргээн сайжруулах болон бусад шаардлагатай засвар, үйлчилгээг хийж гүйцэтгэх юм. Өнгөрөгч жил тус бүлэг нь Зэвсэгт хүчний 123, 065, 325 дугаар ангиуд болон зарим тусгай салбаруудад автын засварын ажлыг амжилттай хийж гүйцэтгэсэн юм.
