“Naadam night~2022” соёл урлаг, “амьд” хөгжмийн наадам, ирэх сарын 11-нд Соёл амралтын хүрээлэн буюу паркт болох талаар өмнө мэдээлсэн. Монгол төрийн үндэсний их найрал хөгжим тоглож, баяр наадмын бага хувилбарыг зохион байгуулж, бий биелгээ, ардын бүжиг, тойрон бүжиг, үндэсний хоол зоог, идээ ундаа, галтай шоу, айраг цагаа, хувцас загварын үзүүлбэр, хаан, хатад, баатруудын хувцастай гэрэл зургийн үйлчилгээ зэрэг цогц үйлчилгээтэй. Уг арга хэмжээг санаачлан, зохион байгуулагчид орон даяар мод тарих хөдөлгөөнийг дэмжиж, уриалан наадмын тасалбарт модны бортоготой суулгац дагалдуулж өгөх аж. Суулгац нь “UBT” мод үржүүлгийн газар, “World garden Mongolia”-гийнх юм байна.
Бэлтгэсэн Р.Оюунжаргал
