Өнөөдөр гадаа 23 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
тавдугаар сарын 3-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 123 дахь өдөр бөгөөд он дуусахад 242 хоног үлдлээ.
- Цаг агаар өдөртөө 23 хэмийн дулаан бол шөнөдөө 2 градус дулаан байх нь ээ.
- Билгийн тооллын 3, ангараг гараг. Чөлөөт эх одтой, улаан луу өдөр. Энэ өдөр хулгана жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна. Өнөөдөр үсээ авахуулах буюу засуулбал эд мал арвижна.
- Манай улсын голлох валют болох ам.долларын ханш авах нь 3112.00, зарах нь 3120.00 төгрөгтэй тэнцэж байгаа бол бусад валют болох рубль 36.00, зарах нь 37:40, юань авах нь 463.00, зарах нь 474.00, вон 2.46, зарах нь 2.52 төгрөг байна.
Өнөөдөр болох онцлох үйл явдлууд:
- 9.00 цагт Соёлын төв өргөөнд “Хараат бус сэтгүүл зүй” үндэсний форум болно.
- 10.00 цагт УУХҮЯ-наас өөрийн байрандаа шатахууны үнэ болон бусад асуудлаар мэдээлнэ. Утас: 88035121
- 11.00 цагт МУБИС-ийн Төв байранд Тогтвортой хөгжлийн боловсрол, уур амьсгалын өөрчлөлтийн тухай дэлхий нийтийн боловсролын чиг хандлага болон багш бэлтгэх хөтөлбөрийн хөгжлийг дэмжих олон улсын хурал болно. Утас: 88102915
- 11.00 цагт Нээлттэй нийгэм форумд “Глоб Интернэшнл” төв, ЮНЕСКО-ийн Монголын үндэсний комисс хамтран “Цахим дайралтад өртсөн сэтгүүл зүй” хэлэлцүүлэг зохион байгуулна.
- 11.00 цагт "Монгол ньюс" мэдээллийн төвд НИТХ-ын төлөөлөгч Б.Эрдэнэсүх "Улаанбаатар хотын удирдлага иргэдээ сонсож төсвөө батлах ёстой" хэвлэлийн хурал хийнэ.
- 11.00 цагт Төрийн ордны баруун хаалганы дэргэд нүүрсний тээвэр зогссоны улмаас өдөрт 6.6 тэрбум төгрөг алдаж байгаа талаар тээвэрчид УИХ, Засгийн газарт шаардлага хүргүүлнэ.
- 12.00 цагт “Цэнгэг усны нөөц, байгаль хамгаалах төв”-д “СЭТГҮҮЛЧ БАТДОРЖ САН”-гийн нэрэмжит есдүгээр уралдааны шилдэгүүдэд шагнал гардуулах ёслол болно. Утас: 95950204, 99109476, 91118403
- 12.00 цагт "Новотел" зочид буудалд "Цахим бүслэлт-Нийгмийн сэтгэлзүй" IV чуулган болно.
Төрийн ордонд
- 10.00 цагт “Их Эзэн Чингис хаан” танхимд Эдийн засгийн байнгын хороо хуралдана.
- 10.00 цагт “Жанжин Д.Сүхбаатар” танхимд ХЭҮК-ын болон Эрүү шүүлтээс урьдчилан сэргийлэх асуудал эрхэлсэн гишүүнд нэр дэвшигчийн томилгооны сонсгол болно.
- 11.30 цагт Улсын Их Хурлын гишүүн Н.Учрал Эмийн чанар, хяналтын тогтолцооны талаар “Хянан шалгах түр хороо" байгуулах тогтоолын төслийг зарим гишүүдийн хамт Улсын Их Хурлын дарга Г.Занданшатарт өргөн барьсны дараа хэвлэлийн хурал хийнэ. Утас: 93000990
- 12.00 цагт “Их Эзэн Чингис хаан” танхимд Тогтвортой хөгжлийн зорилгын дэд хороо хуралдана.
Энэ өдөр дэлхийн түүхэнд:
- Өнөөдөр Дэлхийн хэвлэлийн эрх чөлөөний өдөр тохиож байна.
- 2016 онд Канад улсын Альберта мужийн Форт МакМарри хотод их хэмжээний түймэр дэгдэж 88 мянган хүн орох оронгүй болжээ. Гамшгийн улмаас ойролцоогоор 2 400 барилга, байгууламж сүйдсэн байна.
- 2007 онд Португалийн Парайа да Луз хотоос дөрвөн настай британи охин Мадлейн МакКанн алга болов. Түүнийг хайх ажиллагаа олныг хамарсан ч одоог хүртэл олдоогүй байна. Түүнийг 2010 онд сураггүй бологсдын жагсаалтад оруулжээ.
- 2001 онд НҮБ-ын Хүний эрхийн зөвлөлд АНУ суудлаа алдав. Энэ нь тус зөвлөл байгуулагдсан 1947 оноос хйш анхны тохиолдол болсон юм.
- 1978 онд АНУ-ын Калифорни мужид төвтэй "Digital Equipment" корпораци дэлхийд анх удаагаа цахим шууданг зүүн эргээс баруун эргийн хооронд илгээв.
- 1973 онд АНУ-ын Чикаго хотноо сүндэрлэсэн 108 давхар "Сийрс" цамхаг дэлхийн хамгийн өндөр барилга болжээ.
- 1960 онд Нидерландын нийслэл Амстердам хотод Анна Франкын гэр музей байгуулагдав.
