Дөрөвдүгээр сарын 28-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 118 дахь өдөр бөгөөд он дуусахад 247 хоног үлдлээ.
- Цаг агаар өдөртөө 7 градусын дулаан бол шөнөдөө 6 градус хүйтэн байх нь ээ.
- Билгийн тооллын 28. Бархасвадь гараг. Могойг хүлэгч одтой, цагаагчин гахай өдөр. Тухайн өдөр туулай жилтнээ сайн, хонь, нохой, үхэр, луу жилтнээ сөрөг нөлөөтэй. Архи уух, тамхи татах, сэтгэл муутантай нөхөрлөхийг цээрлэх хэрэгтэй. Хүүхдийн сэвлэг үргээлгэх буюу үс засуулахад тохиромжгүй.
- Манай улсын голлох валют болох ам.долларын авах ханш ханш 3105.00, зарах нь 3115.00 төгрөгтэй тэнцэж байгаа бол бусад валют болох рубль авах нь 37.40, зарах нь 38.00 төгрөг байна. Юанийн авах нь 476.00, зарах нь 482.00, вон авах нь 2.52, зарах нь 2.58 төгрөг байна.
Өнөөдөр болох онцлох үйл явдлууд:
- 10.30 цагт 2019 оноос хойш Цусны цагаан эсийн хорт хавдар өвчнөөр шаналж буй зургаан настай Б.Тэмүүлэн хүүгийн аав ээж хоёр Сүхбаатарын талбайд ирж Увс, Ховдоос УИХ-д сонгосон гишүүдээсээ ч тусламж хүснэ. Тэд гэр орон, байгаа бүхнээ зараад ард түмнээсээ тусламж гуйхаар хотод ирээд байна. Төв талбай дээр бал зарж, хандивын аянаа өрнүүлэх юм. Утас: 88107869
- 11.00 цагт "Эм Эс Эн Ти трейд" ХХК болон "Монголын хог хаягдалыг дахин боловсруулах үндэсний холбоо"-ноос "Монгол ньюс"-д хэвлэлийн хурал зарлаж байна.
- 11.00 цагт Эрүүл мэндийн яамнаас коронавирусын тоон мэдээг цахимаар өгнө.
- 11.00 цагт Ардчилсан намаас мэдээлэл хийнэ.
Энэ өдөр дэлхийн түүхэнд:
- 1945 оны энэ өдөр Италийн ерөнхий сайд агсан Бенито Муссолини нас баржээ.
- 1981 оны энэ өдөр АНУ-ын алдарт жүжигчин Жессика Алба мэндэлжээ.
- 2001 онд Америкийн инженер Деннис Тито дэлхийн анхны сансрын жуулчин болж байжээ.
- 1978 онд Афганистаны ерөнхийлөгч Mohammed Daoud Khan коммунист босогчдын халдлагад өртөж, суудлаасаа огцорч байжээ.
- 1932 онд чичрэг өвчний эсрэг вакциныг гарган авч, хүнд хэрэглэх боломжтой гэдгийг албан ёсоор зарлажээ.
- 1920 онд Азербайжан улс ЗХУ-д нэгджээ.
