Өнөөдөр гадаа 7 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
4 дүгээр сарын 26-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 116 дахь өдөр бөгөөд он дуусахад 249 хоног үлдлээ.
- Цаг агаар өдөртөө 7 хэмийн дулаан бол шөнөдөө 1 градус дулаан байх нь ээ.
- Билгийн тооллын XVII Жарны "Буян үйлдэгч" хэмээх Усан бар жилийн Хаврын адаг хөх луу сарын 26. Ангараг гараг. Чөдөр одтой, дөрвөн ногоон мэнгэтэй, шарагчин тахиа өдөр. Өдрийн наран 5 цаг 43 минутад мандан, 19 цаг 57 минутад жаргана. Тухайн өдөр үхэр, могой жилтнээ аливаа үйлийг хийхэд эерэг сайн ба бич, тахиа сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, лусыг тахих, хагалгаа хийлгэх, гэр бүрэхэд сайн. Мод суулгах, нарийн зөвлөгөөн хийх, сэтгэлд сэвтэй газар очиход муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулбал жаргал үргэлжид ирэх сайн хэмээжээ.
- Манай улсын голлох валют болох ам.долларын ханш авах нь 3085.00, зарах нь 3110.00 төгрөгтэй тэнцэж байгаа бол бусад валют болох рубль авах нь 37.00, зарах нь 37.50, юанийн авах ханш 483.00, зарах нь 489.00, вонын авах нь 2.55, зарах нь 2.62 төгрөгтэй тэнцэж байна.
Өнөөдөр болох онцлох үйл явдлууд:
- 10.00 цагт НОБГ-ын Гамшгаас хамгаалах сургалт, аргазүйн төвд ОБЕГ-аас Монгол Улс НҮБ-ын Энхийг дэмжих ажиллагаанд оролцож эхэлсний 20 жилийн ойг тохиолдуулан “Онцгой үйлстнүүд-энхийн төлөө-20” хүндэтгэлийн ёслол зохион байгуулна. Утас: 99007969, 86150069
- 10.00 цагт Монголын ноос ноолуурын холбоонд тус холбооны дэргэд Италийн буцалтгүй тусламжаар байгуулсан Нэхмэлийн технологи дамжуулах төвийн нээлт болно.
- 10.30 цагт “Виста оффис”-т “Орос-Украины асуудлаас үүдэлтэй Монгол Улсын эдийн засагт тулгарч буй сорилтууд” хэлэлцүүлэг болно. Утас: 11323581, 91118608
- 11.00 цагт Гандантэгчэнлин хийдийн Батцагаан дуганд Бурхан багшийн Их дүйчэн өдрийг тэмдэглэх талаар мэдээлнэ. Утас: 88048481, 99113764
- 11.00 цагт "Монгол ньюс" мэдээллийн төвд Чингэлтэй дүүргийн ИТХ-ын төлөөлөгч С.Баярмагнай "Замын хашлага, хөшөө ба авилгал" сэдвээр мэдээлнэ.
- 16.20 цагт ШУТИС-ийн Төв номын санд “Хоол үйлдвэрлэл үйлчилгээний салбар дахь хүний нөөцийн бодлого” уулзалт болно
Энэ өдөр дэлхийн түүхэнд:
- Дэлхийн оюуны өмчийн өдөр тохиож байна.
- 1980 онд Америкийн жүжигчин, продюсер Ченнинг Татум мэндэлжээ.
- 2005 онд Сирийн зэвсэгт хүчний 14,000 цэрэг Ливаны анги нэгтгэлийн эсрэг тэмцэж улмаар тус улсад хяналтаа тогтоогоод байсан Ливаны дарангуйлал 29 жилийн дараа эцэслэсэн юм.
- 1989 онд дэлхийн түүхэнд хамгийн их хөнөөл дагуулсан хар шуурга болов. Бангладешийн төвд болсон шуурганы улмаас 1,300 хүн амиа алдаж, 12,000 хүн бэртэж гэмтэн, 80,000 өрх орох оронгүй болжээ.
- 1986 онд ЗХУ-ын бүрэлдэхүүнд багтах Украин улсын Припят хотод орших Чернобылын атомын цахилгаан станц сүйрэв. Энэ нь дэлхийн түүхэнд тохиосон хамгийн хөнөөлтэй АЦС-ын сүйрэл байсан юм.
- 1981 онд АНУ-ын Калифорни мужийн их сургуулийн доктор Майкл Р.Харрисон болон түүний багийнхан ураг салгах мэс ажилбарыг анх удаа гүйцэтгэв.
- 1966 онд Бүгд найрамдах Конго улсад Амбройс Нумазалаегаар удирдуулсан шинэ засгийн газар байгуулагдав.
