Өнөөдөр гадаа -1 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Дөрөвдүгээр сарын 25-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 115 дахь өдөр бөгөөд он дуусахад 250 хоног үлдлээ.
- Цаг агаар өдөртөө -1 хэмийн хүйтэн бол шөнөдөө -11 градус хүйтэн, хур тунадастай байх нь ээ.
- Билгийн тооллын 25. Сумъяа гараг. Тооно одтой шар бич өдөр. Өдрийн наран 5 цаг 37 минутад мандан, 20 цаг 02 минутад жаргана. Тухайн өдөр хулгана, луу жилтнээ аливаа үйлийг хийхэд эерэг сайн. Үс шинээр үргээлгэх буюу засуулбал нүд бүрэлзэн улцайна хэмээжээ.
- Манай улсын голлох валют болох ам.долларын ханш авах нь 3120.00, зарах нь 3135.00 төгрөгтэй тэнцэж байгаа бол бусад валют болох рубль авах нь 35.80, зарах нь 36.40, юанийн авах ханш 489.00, зарах нь 494.00, вонын авах нь 2.60, зарах нь 2.65 төгрөгтэй тэнцэж байна.
Өнөөдөр болох онцлох үйл явдлууд:
- 10.00 цагт ШУА-ийн Хэл зохиолын хүрээлэнгийн Эх хэл бичгийн сан хөмрөг, лабораторийн өрөөнүүдийн засвар болон тохижилтын төслийн нээлт болно.
- 11.00 цагт Гандантэгчэнлин хийдээс Монгол бичгийн талаар мэдээлэл хийнэ.
- 11.30 цагт Монголын хүүхдийн ордны Ардын хөгжмийн ангийн засвар болон тохижилтын төслийн нээлт болно.
- 14.00 цагт МУИС-ийн Байгаль-Эх лицей ахлах сургуульд МУИС-ийн Экологийн боловсролын төвийн Өртөөчилсөн сургалт буюу байгаль, амьтан ургамлыг таниж мэдэх, эх дэлхийгээ хайрлах сэдлийг төрүүлэх зорилготой сургалтад 5000 хүүхэд хамруулна. Утас: 99002019
- 14.00 цагт Спортын төв ордонд Монголын морин спорт уяачдын холбооноос зохион байгуулж буй "Монгол уяач-2022" зөвлөгөөн-спорт наадмын Сагсан бөмбөгийн тэмцээн болно.
Энэ өдөр дэлхийн түүхэнд:
- 1920 - Дэлхийн I дайны дараа Османы эзэнт гүрнээс тусгаар тогтносон улсуудад Үндэстнүүдийн лигийн мандат олгох эсэх асуудлыг Сан Ремо хотноо хэлэлцэв.
- 1945 - Итали улс Нацистын дарангуйллаас бүрэн чөлөөлөгдөв. Тус улсын хойд хэсэгт бүгээд байсан Нацистууд бууж өгөв. Хуучин дарангуйлагч Бенито Муссолиниг оргох гэж байхад нь баривчилж, олон нийтийн өмнө хатуу цээрлүүлэхээр болжээ.
- 1951 - Солонгосын дайн: Капёнгын тулаанд Хятадын цэргийн хүч НҮБ болон Австрали-Канадын армитай хүчтэй тулаан өрнүүлэв.
- 1953 - Нэрт эрдэмтэн Френцис Крик, Жеймс Уатсон нар хүний ДНК-ийн бүтцийг хосолмол болохыг анх удаа олон нийтэд танилцуулжээ.
- 1954 - Беллийн лабораторид анх удаа нарны зайн үүсгүүрийг практикт ашиглав.
- 1972 - Умард болон Өмнөд Вьетнамын цэргүүд Контум хотын баруун хойд хэсэгт хүчтэй тулаан өрнүүлжээ.
- 1974 - Цэргийн эргэлт хийгээд байсан Португалын эрх баригчид эрх мэдлээ шилжүүлж Эстада Ново хөдөлгөөн засгийн эрхэнд гарснаар ардчилсан засгийн газар байгуулагдах боломж бүрдэв.
- 1975 - Умард Вьетнамын цэргийн хүч Өмнөд Вьетнамын нийслэл Сайгон хотыг хаав.
- 1981 - Японы Цүрүга хотод үйл ажиллагаа явуулдаг атомын цахилгаан станцад цацраг идэвхт бодис алдагдсаны улмаас 100 гаруй ажилтан хорджээ.
- 1983 - АНУ-ын дунд сургуулийн охин Саманта Смит ЗХУ-ын удирдагч Юрий Андроповт цөмийн аюулын талаар захидал бичиж, эх орондоо урив."Пионер 10" хөлөг Плутон гарагын тойрог замд оржээ.
