Өнөөдөр гадаа 19 хэмийн дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
4 дүгээр сарын 21-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 110 дахь өдөр бөгөөд он дуусахад 255 хоног үлдлээ.
- Цаг агаар өдөртөө 19 хэмийн дулаан бол шөнөдөө -4 хэмийн хүйтэн байх нь ээ.
- Билгийн тооллын 29. Ангараг гараг. Дэлгэрүүлэгч одтой, нэг цагаан мэнгэтэй хөх морь өдөр. Өдрийн наран 5 цаг 51 минутад мандан, 19 цаг 51 минутад жаргана. Тухайн өдөр бар, нохой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, угаал үйлдэх, тангараг тавих, гэр бүрэхэд сайн. Хэрүүл тэмцэл хийх, хүүхэд хөлд оруулахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулахад тохиромжгүй хэмээжээ.
- Манай улсын голлох валют болох ам.долларын ханш авах нь 3110.00, зарах нь 3130.00 төгрөгтэй тэнцэж байгаа бол бусад валют болох рубль авах нь 35.50, зарах нь 35.60, юанийн авах ханш 496.00, зарах нь 501.00, вонын авах нь 2.60, зарах нь 2.64 төгрөгтэй тэнцэж байна.
Өнөөдөр болох онцлох үйл явдлууд:
- 9.00 цагт ХААИС-д “Хоршоонд суурилсан тогтвортой мал аж ахуйн үйлдвэрлэл” төслийн хүрээнд “Малын тоо толгойн албан татварын тухай хуулийн хэрэгжилт, тулгамдсан асуудал” хэлэлцүүлэг болно.
- 10.00 цагт Төрийн ордонд УИХ-ын чуулган хуралдана.
- 10.00 цагт МҮХАҮТ-д Аялал жуулчлалын гол чиглэл, олон улс, улсын чанартай авто зам дагуу үйлчилгээний цогцолбор байгуулах аж ахуйн нэгжүүдтэй гэрээ байгуулна.
- 11.00 цагт “Монгол ньюс” мэдээллийн төвд Шадар сайд С.Амарсайхан фейсбүүкт пост бичсэн иргэнийг Мөрдөн байцаах газраар шалгуулахаар өргөдөл өгсөн талаар иргэд мэдээлнэ.
- 11.00 цагт Офицеруудын ордонд “Тэрбум мод” үндэсний хөдөлгөөний хүрээнд Батлан хамгаалах салбар 2030 он хүртэл 27 сая мод тарих талаар мэдээлнэ. Утас: 86094455
- 11.00 цагт "Шонхор тауэр"-т АН-ын 4/11 мэдээллийн цаг болно. Утас: 91000017
- 14.00 цагт "Новотел" зочид буудалд эргэлт.мн цахим хуудасны "Эргэлтийн номын сан" цуврал номын нээлт болно.
Энэ өдөр дэлхийн түүхэнд:
- 2011 онд 1961 оноос хойш Куба улсыг удирдсан Фидель Кастро Кубын коммунист намын нэгдүгээр нарийн бичгийн суудлаасаа өөрийн хүсэлтээр татгалзжээ.
- 1987 онд алдарт "Симпсонс" хүүхэлдэйн цуврал анх удаа дэлгэцнээ гарчээ.
- 1984 онд Австралийн төрийн дуулалаар "Австрали улс мандан бадраг" дууг батлав.
- 1956 онд Академийн наадам болон "Алтан Бөмбөрцөг" наадмын шагналт нэрт жүжигчин Грейс Келли Монакогын хунтайж Райнертэй гэрлэв.
- 1927 онд "Секс" зохиолоос сэдэвлэсэн жүжигт тоглож, үзэгчдийн өмнө садар самуун сурталчилсан гэсэн үндэслэлээр Америкийн жүжигчин Мей Уест арав хоног шоронд хоригджээ.
- 1529 онд Протестант шинэчлэл эхлэв.
- 1782 онд АНУ-ын Ерөнхийлөгч Жон Адамс Голландад элчин сайдын яам байгуулах хүсэлт илгээж улмаар уг хүсэлтийг хүлээн авчээ. Ингэснээр Америкийн элчин сайдын яам байгуулсан дэлхийн анхны улс болсон юм.
