Өнөөдөр гадаа 2 хэм хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
3 дугаар сарын 25-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 84 дахь өдөр бөгөөд он дуусахад 281 хоног үлдлээ.
- Цаг агаар өдөртөө 2 хэм хүйтэн бол, шөнөдөө 19 хэм хүйтэн байх нь ээ.
- Билгийн тооллын 25, Гар одтой, улаагчин үхэр өдөр. Тухайн өдөр тахиа, могой жилтнээ аливаа үйлийг хийхэд эерэг сайн ба бар туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх авах, үнэт эрдэнийн зүйл авах, хишиг даллага дуудуулах, насан бүтээл хийлгэх, мал арилжих, гэр бүрэхэд сайн. Эрдэнийг гадагш өгөхөд муу. Өдрийн сайн цаг нь бар, туулай, могой, бич, нохой, гахай болой. Үс шинээр үргээлгэх буюу засуулбал эд, эдлэл, идээ, ундаа олно.
- Манай улсын голлох валют болох ам.долларын ханш авах нь 2960.00, зарах нь 2990.00 төгрөгтэй тэнцэж байгаа бол бусад валют болох рубль авах нь 32.00, зарах нь 34.00, юанийн авах ханш 47300, зарах нь 475.00, вонын авах нь 2.46, зарах нь 2.50 төгрөгтэй тэнцэж байна.
Өнөөдөр болох онцлох үйл явдлууд:
- 9.00 цагт Яармагт байрладаг НЗДТГ-ын шинэ байранд “Монголын эдийн засгийн чуулган 2022”-ын Хот, хөдөөгийн сэргэлт урьдчилсан хэлэлцүүлэг болно.
2. 9.00 цагт МҮХАҮТ-нд "Монгол-Энэтхэгийн худалдаа, технологи, аялал жуулчлалын хамтын ажиллагааг өргөжүүлэх нь” бизнес хэлэлцүүлэг болно.
3. 9.00 цагт Сүхбаатарын талбайд Хэл бичгийн ухааны доктор, дэд профессор Ш.Баттөр хугацаагүй суулт зарлаж, иргэн Ч.Мөнхбаярыг суллахыг шаардана.
4. 10.00 цагт Төрийн ордонд УИХ-ын чуулган хуралдана.
5. 10.00 цагт ХӨСҮТ-д 2021-2022 онд тус төвд улсын төсвийн хөрөнгө оруулалтаар хийсэн бүтээн байгуулалтын ажлуудын нээлт болно. Утас: 93116060
6. 13.00 цагт Хэвлэлийн хүрээлэнд "Монголын шилдэг нийтлэл №66" номын нээлт болно.
Энэ өдөр дэлхийн түүхэнд:
- Энхийг сахиулах ажиллагаанд оролцож яваад амиа алдагсдыг дурсах өдөр тохиож байна.
- 2006 онд Беларусийн ерөнхийлөгчийн сонгуулийн үр дүнг эсэргүүцсэн жагсаал нийслэл хотод болжээ. Жагсаал сүүлдээ эмх замбараагүй байдал болон хувирч цагдаа нар хүч хэрэглэхээс өөр аргагүй нөхцөл байдалд хүрсэн байна. Эрх баригчид сөрөг хүчний тэргүүн Александер Козулин болон бусад жагсагчдыг эмх замбараагүй байдалд өдөөн турхирсан гэж үзэн баривчилжээ.
- 1996 онд Европын холбооны дарга нарын зөвлөл галзуу өвчтэй үхрийн махыг хориглох шийд гаргав.
- 1979 онд АНУ-д бүрэн угсарсан анхны сансрын хөлөг болох Шаттл хөтөлбөрийн Колумбиа хөлөг Жон Кеннедигийн сансар судлалын төвөөс хөөрөв.
- 1975 онд Саудын Арабын хаан Файсал сэтгэцийн өвчтэй ач хүүдээ буудуулан амиа алджээ.
- 1918 онд Бүгд найрамдах Беларусь ард улс байгуулагдав.
- 1821 онд Грекын хувьсгалын төлөөх дайн дэгджээ.
