Өнөөдөр гадаа 3 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
3 дугаар сарын 17-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 76 дахь өдөр бөгөөд он дуусахад 289 хоног үлдлээ.
- Цаг агаар өдөртөө 2 хэмийн дулаан бол шөнөдөө -10 градус хүйтэн байх нь ээ.
- Билгийн тооллын XVII Жарны "Буян үйлдэгч" хэмээх Усан бар жилийн хаврын дунд харагчин туулай сарын 14. Бархасвадь гараг. Бага морь одтой, найман цагаан мэнгэтэй, шарагчин могой өдөр. Өдрийн наран 7 цаг 02 минутад мандан, 18 цаг 59 минутад жаргана. Тухайн өдөр тахиа жилтнээ аливаа үйлийг хийхэд эерэг сайн ба үхэр, луу, хонь,нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, сан тавиулах, угаал үйлдэх, газар лусын зан үйл хийх, өр барагдуулах, гэр бүрэхэд сайн. Ургаа мод таслах, газрын ам нээх, сэтгэлд сэвтэй газар очиход муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун зүгт мөрөө гаргавал зохистой. Үс шинээр үргээлгэх буюу засуулбал эд, мал арвидна хэмээжээ.
- Манай улсын голлох валют болох ам.долларын ханш авах нь 2913.00, зарах нь 2920.00 төгрөгтэй тэнцэж байгаа бол бусад валют болох рубль авах нь 29.20, зарах нь 31.00, юанийн авах ханш 457.00, зарах нь 460.00, вонын авах нь 2.37, зарах нь 2.40 төгрөгтэй тэнцэж байна.
Өнөөдөр болох онцлох үйл явдлууд:
- 9.00 цагт “Blue Sky” зочид буудалд “Хүнээ дээдэлж-Хамтдаа хөгжье” зөвлөлдөх уулзалт болно.
- 9.30 цагт “Blue Sky” зочид буудалд "Түгжрэлийн шийдэл" хэлэлцүүлэг болно.
- 9.00 цагт “Туушин” зочид буудалд “Цахим хөгжлийн хурдасгуур” форум болно.
- 10.00 цагт Төрийн ордонд УИХ-ын чуулган хуралдана.
- 10.00 цагт СТӨ-нд ХЗДХЯ-наас Зөрчлийн тухай хуулийн шинэчилсэн найруулга, Зөрчил шалган шийдвэрлэх тухай хуульд нэмэлт, өөрчлөлт оруулах тухай хуулийн төслийг танилцуулах хэлэлцүүлэг зохион байгуулна. Утас: 91907777
- 11.00 цагт Ардчиллын өргөөнд АН-ын “4/11 Мэдээллийн цаг” болно.
- 14.00 цагт Сүхбаатарын талбайд Төрийн үйлчилгээний албан хаагчид жагсаал зохион байгуулна. Утас: 99027019
- 16.00 цагт ШУТИС-ийн хичээлийн I байранд БШУ-ны сайд Л.Энх-Амгалан “Инженер, технологийн дээд боловсрол” төслийн Бакалаврын хамтарсан хөтөлбөр болон Магистрын хөтөлбөрт хамрагдаж Япон Улсад суралцах болзол хангасан 45 оюутанд батламж гардуулна.
Энэ өдөр дэлхийн түүхэнд:
- Өнөөдөр Ирланд улсын Гэгээн Патрикийн өдөр тохиож байна.
- 2013 онд маш том солир сарыг мөргөж байжээ.
- 1992 онд Израильд нэгэн амиа золиослогч машинтай бөмбөг дэлбэлснээс болж 29 хүн нас барж, 242 хүн бэртэж гэмтжээ.
- 1969 онд Голда Мейр Израилийн анхны эмэгтэй ерөнхий сайд болж байжээ.
- Мөн өнөөдөр Тайландын "Muay" хэмээх үндэсний тулааны спортын өдөр тохиож байгаа аж.
