Өнөөдөр гадаа 8 хэм хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
2 дугаар сарын 28-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 59 дахь өдөр бөгөөд он дуусахад 306 хоног үлдлээ.
- Цаг агаар өдөртөө 8 хэмийн хүйтэн бол шөнөдөө 22 хэм хүйтэн байх нь ээ.
- Билгийн тооллын 28, булаагч одтой, хар хулгана өдөр. Тухайн өдөр луу, бич жилтнээ аливаа үйлийг хийхэд эерэг сайн. Эл өдөр эе эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, гарагийг тахих, хүүхэд үрчлэн авах, хур оруулах, дархны үйлд сайн. Улааны үйл, төлөг тавих, морь уралдах, хиншүү хярвас гаргахад муу. Үс шинээр үргээлгэх буюу засуулахад тохиромжгүй хэмээжээ.
- Манай улсын голлох валют болох ам.долларын ханш авах нь 2871.00, зарах нь 2872 төгрөгтэй тэнцэж байгаа бол бусад валют болох рубль авах 34.50, зарах нь 37.00, юань зарах нь 454.00, зарах нь 455.00, вон авах нь 2.39, зарах нь 2.40 төгрөг байна.
Өнөөдөр болох онцлох үйл явдлууд:
- 10.00 цагт Төрийн ордонд Үндэсний спортын анхдугаар их чуулган эхэлнэ.
2. 10.30 цагт Монголбанкны Г байранд тус банкны удирдлагууд цаг үеийн асуудлаар мэдээлнэ.
3. 11.00 цагт Шүүхийн сахилгын хорооны байранд шүүгчдийн хууль бус үйл ажиллагааны талаар өмгөөлөгч нар хэвлэлийн хурал хийнэ.
4. 15.00 цагт ГХЯ-нд тус яамнаас Украин дахь иргэдийг татан авах ажлын талаар мэдээлнэ.
5. 15.30 цагт АТГ-ын Олон нийтийн төвд "Улс төрийн нам, намын санхүүжилтийн тухай хуулийн төслийн үзэл баримтлал, бодлого зохицуулалт, анхаарах асуудлууд, олон улсын сайн туршлага" сонсгол-хэлэлцүүлэг болно.
"Монгол ньюс" мэдээллийн төвд
6. 11.00 цагт Монголын ардчилсан холбооны Ерөнхий зохицуулах зөвлөлийн дарга Д.Монголхүү тус холбооны V их хурлын талаар мэдээлэл хийнэ.
7. 11.30 цагт АНУ-ын олон улсын хөгжлийн байгууллага USAID, DAI-аас хэрэгжүүлж буй цахим аюулгүй байдлыг дэмжих “Миний минийх” кампанит ажлын хүрээнд А.Хишигдалай, “Gangbay” хамтлагийн “Минийх” уран бүтээл болон зургаан сая төгрөгийн шагналын сантай дууны уралдааны талаар мэдээлнэ.
Энэ өдөр дэлхийн түүхэнд:
- 2013 онд Ромын пап XVI Бенедикт өөрийн хүсэлтээр эрх ямбаасаа татгалзав. Ингэснээр Католик шашны түүхэнд 1415 оноос хойшхи анхны тохиолдол болсон юм.
- 2004 онд Монгол хэлний анхны википедиа нээгдсэн.
- 1998 онд дэлхийд анх удаагаа нисгэгчгүй онгоцыг хөөргөжээ.
- 1997 онд Ираны хойд хэсэгт газар хөдлөсний улмаас 3,000 хүн амь насаа алдав.
- 1995 онд Австралийн Либерал намын дарга Жон Хьюсон сонгуульд ялагдал хүлээж, нэр хүндээ алдсан явдалд өөрийгөө буруутган албан тушаалаа өөрийн хүсэлтээр өгчээ.
- 1991 онд Персийн булангийн анхдугаар дайн өндөрлөв.
- 1953 онд эрдэмтэн Жеймс Ватсон, Френцис Кирк нар ДНК-гийн бүтцийг анх удаагаа нээн илрүүлэв.
