Өнөөдөр гадаа 11 градусын хүйтэн байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
2 дугаар сарын 21-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 52 дахь өдөр бөгөөд он дуусахад 313 хоног үлдлээ.
- Цаг агаар өдөртөө 11 хэмийн хүйтэн бол шөнөдөө -19 градус хүйтэн байх нь ээ.
- Билгийн тооллын XVII Жарны "Буян үйлдэгч" хэмээх Усан бар жилийн хаврын тэргүүн Хар бар сарын шинийн 20. Сумъяа гараг. Тэргүүн дагуул одтой, таван шар мэнгэтэй, хөхөгчин могой өдөр. Өдрийн наран 7 цаг 48 минутад мандан, 18 цаг 23 минутад жаргана. Тухайн өдөр үхэр, тахиа жилтнээ аливаа үйлийг хийхэд эерэг сайн. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба сүм дуганыг сэргээх, газар лусын зан үйл хийх, өрийг барагдуулах, гэр бүрэхэд сайн. Ургаа мод таслах, газрын ам нээх, гөлөг тэжээхэд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун зүгт мөрөө гаргавал зохистой. Үс шинээр үргээлгэх буюу засуулахад тохиромжгүй бөгөөд өлсөж ундаасна хэмээжээ.
- Манай улсын голлох валют болох ам.долларын авах ханш 2,865.00 төгрөг, зарах нь 2868.00 төгрөг байна. Харин рублийн авах ханш 38.30, зарах ханш 38.80, юанийн авах ханш 452.00, зарах ханш 453.00, вонийн авах ханш 2.40, зарах ханш 2.41 төгрөг байна.
Өнөөдөр болох онцлох үйл явдлууд:
- 10:30 цагт: Хууль зүйн Үндэсний хүрээлэнд “Мэдрэмжтэй мэдээлье” нэгдлээс “Улс төрийн нам ба тэгш гараа” уулзалт, хэлэлцүүлэг зохион байгуулна.
- 11:00 цагт: Хэвлэлийн хүрээлэнгийн мэдээллийн төвд уран бүтээлч Ц.Анударь, куратор Ц.Цэрэнпүрэв, “Мишээл экспо”-гийн менежер З.Одонтуяа нар залуусын сэтгэл зүйн эрүүл мэндийг хөндсөн “Гар+Дор” контэмпорэри үзэсгэлэнгийн талаар мэдээлнэ. Утас: 350002
- 11:30 цагт: “Монгол ньюс” мэдээллийн төвд Олон улсын эх хэлний өдрийг тохиолдуулан судлаач Э.Жамуха хэвлэлийн хурал хийнэ.
Энэ өдөр дэлхийн түүхэнд:
- 1842 онд Америкийн зохион бүтээгч Жон Грийнау оёдлын машины анхны патентыг авчээ.
- 1918 онд "Каролина тоть" шувууны хамгийн сүүлийн төрөл нас баржээ.
- 1925 онд алдарт "Нью Йоркер" сэтгүүл анхны дугаараа эрхлэн гаргав.
- 1937 онд Үндэстнүүдийн лиг Испанийн иргэний дайнд гадны иргэдийг "сайн дураар" гэх нэрээр татан оролцуулахыг хоригложээ.
- 1948 онд Америкийн автомашины хамгийн том уралдаан болох "НАСКАР" зохиогдож, уидрлагын бүрэлдэхүүнтэй болжээ.
- Их Британийн Ерөнхий сайд Уинстон Черчиль бүх иргэнийг иргэний үнэмлэхтэй болгох шийдвэр гаргав.
- 1995 онд Канадын Саскатчеван мужийн Лидер тосгонд нисгэгч Стив Фоссетт агаарын бөмбөлөгтэй газарджээ. Ингэснээр тэрээр Номхон далайг агаарын бөмбөлөгтэй туулсан анхны хүн болсон юм.
