Хууль зүй, дотоод хэргийн яам, Азийн хөгжлийн банк хамтран Ядуурлыг бууруулах Японы сангийн буцалтгүй тусламжийн санхүүжилтээр хэрэгжүүлж буй “Хүүхэд эмэгтэйчүүдийн эсрэг гэр бүлийн хүчирхийлэлтэй тэмцэх” төслийг хэрэгжүүлж байна. Төслийн хүрээнд гэр бүлийн хүчирхийллийн дуудлага, мэдээлэл хүлээн авах 107 тусгай дугаарын мэдээллийн бааз, дэд бүтэц, программ хангамжийг сайжруулах, сэтгэл зүйч, ажилтнуудын чадавхыг бэхжүүлэх чиглэлээр хэрэгжүүлэх ажлуудыг хэлэлцэх уулзалт хийсэн байна. Энэ үеэр 107 дугаарын утас, үйл ажиллагаанд хийсэн үнэлгээний үр дүнг танилцуулах, үйл ажиллагааг нь илүү боловсронгуй болгож цогц систем нэвтрүүлэх, үйлчилгээний хүртээмж, дэд бүтцийг сайжруулах асуудлаар оролцогчид санал солилцож, хэлэлцлээ. Уулзалтад тус яамыг төлөөлж Санхүү, хөрөнгө оруулалтын газрын дарга бөгөөд Төслийн захирал Л.Хосбаяр, Мэдээллийн технологийн газрын дарга бөгөөд Төслийн удирдах хорооны гишүүн Д.Ган-Эрдэнэ, тус яамны Мэдээллийн технологийн газар, ЦЕГ-ын Мэдээлэл, шуурхай удирдлагын төвийн техник ашиглалтын хэлтэс, ЦЕГ-ын мэдээллийн технологи, холбооны төвийн мэдээлэл, технологийн хэлтэс, Цагдаагийн ерөнхий газрын Гэр бүлийн хүчирхийлэл, хүүхдийн эсрэг гэмт хэрэгтэй тэмцэх хэлтэс, Нийслэлийн цагдаагийн удирдах газрын харьяа Түр хамгаалах байр, Азийн хөгжлийн банк, төсөл хэрэгжүүлэх нэгж, зөвлөх багийн төлөөллүүд оролцов.
