Өнөөдөр нийслэлд 2 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Аравдугаар сарын 14-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 287 дахь өдөр бөгөөд он дуусахад 78 хоног үлдлээ.
- Цаг агаар өдөртөө 2 градусын дулаан бол шөнөдөө -4 градус хүйтэн байх нь ээ. Өдөртөө цастай.
- Билгийн тооллын 9. Бархасвадь гараг. Булаагч одтой, хөхөгчин хонь өдөр. Өдрийн наран 7 цаг 10 минутад мандан, 18 цаг 07 минутад жаргана. Тухайн өдөр гахай, туулай жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 2,849.00 төгрөг, зарах нь 2852.00 төгрөг байна. Харин рублийн авах ханш 39.40, зарах ханш 39.80, юанийн авах ханш 442.00, зарах ханш 443.00, вонийн авах ханш 2.37, зарах ханш 2.39 төгрөг байна.
Өнөөдөр болох үйл явдал:
- 09.00 цагт ШУА-ийн Хими, химийн технологийн хүрээлэнгээс “Хими-тогтвортой хөгжлийн хурдасгуур" уриан дор хурал зохион байгуулна. Хаана: ШУА-ийн хурлын танхимд эхэлнэ.
- 11:00 цагт УИХ-ын 18, 28 дугаар тойрогт болж буй нөхөн сонгуультай холбогдуулан АН-аас мэдээлэл хийнэ. Хаана: АН-ын төв байр (Шонхор таувер)-ын 5 давхарт.
- 11.00 цагт Өмгөөллийн үйл ажиллагааны баталгаа зөрчигдөж байгаа талаар Монголын өмгөөлөгчдийн холбооны гишүүн өмгөөлөгч нар хэвлэлийн бага хурал хийнэ. Хаана: Монгол ньюс мэдээллийн төвд.
- 17.00 цагт Улаанбаатар олон улсын кино наадмын талаар мэдээлэл хийнэ. Хаана: МУЗ-ын Улаан гэр бүтээлч орон зай танхимд.
Энэ өдөр дэлхийн түүхэнд:
- Өнөөдөр Дэлхийн стандартын өдөр тохиож байна.
- Мөн өнөөдөр Энэтхэг улсад Хүүхдийн баяр тохиож байна.
- 1969 оны энэ өдөр сүмогийн 36 дахь ёкозүна Хагүрояма Масажи таалал төгсчээ.
- 1984 онд Английн алдарт хөлбөмбөгийн тамирчин Алекс Скотт мэндэлжээ.
- 1984 онд "Baby Fae" хэмээн алдаршсан зүүн зүрхний цооролттой төрсөн нярайд нохой сармагчингийн зүрхийг амжилттай шилжүүлэн суулгажээ.
